اعرف مزايا و عيوب سيارتك

**fosy1980** · 26-05-2008 08:17 PM

:embarrassed2:السلام عليكم....
طبعا كلنا ملاحظين ان فيه جدل كبير قوى حول انواع السيارات اليابانى فئة 100000 جنيه من حيث الا داء و الامان و الشياكة و استهلاك البنزين و المساحة الداخلية و توافر قطع الغيار و غيره و غيره......
طيب ايه رايكم نعمل استفتاء على احسن العربيات فى الفئة دى و كمان كل واحد يقول رأيه فى عربيته بكل امانة ويوضح مزاياها و عيوبها
عشان كده ياريت نجاوب على النقاط دي:
1-الموتور و الفرامل و استهلاك البنزين
2-فخامة الصالون و الكماليات
3-الثبات والتحكم فى السيارة
4-االمساحة الداخلية
5-التقفيل وجودة الخامات المستخدمة
6-معاملة التوكيل
7-توافر قطع الغيار وسعرها
ياريت كل الاعضاء يشتركوا فى الموضوع ده عشان يكون مرجع لكل اللى بيفكر يشترى عربية جديدة او اللى لسه جديد فى عالم السيارات....

=========
يرجى عدم الكتابة باللون الاحمر لأنه مخصص للأدارة فقط
يرجى مراجعة قوانين المنتدى
وشكرا

الادارة 3

**SEATLOVER** · 26-05-2008 09:45 PM

يعنى هو فى كام عربية حضرتك عايز تعرف رايى الناس فيهم اية
تحطهم فى موضوع عن السيارات اليابانية بصفة عامة !!!!

يعنى معقول مايتحطش لا الكورولا ولا المازدا و السيفيك ولا اليسريون ولا الافينسيس ولا .... ولا ....

واية (اعرف مزايا و عيوب سيارتك) ؟؟؟
يعنى انا دخلت الموضوع اهو ..اعرفها ازاى بقى ؟؟؟
اعرفها من راى غيرى فيها قصدك ؟؟ !! طب ماهو حر فى رآيية
مفروض بقى (اعرف راييى غيرك فى عربيتك ) اوقع

2-فخامة الصالون و الكماليات
جاية من ........5-التقفيل وجودة الخامات المستخدمة

وكمان باللون الاحمر !!!

ثم مين اللى قيم الموضوع بخمس نجوم قبل ما الموضوع يتقرى دة ولا حتى يتحط فية مشاركة واحدة ؟؟؟!!!

**Sharky** · 26-05-2008 10:41 PM

1-الموتور و الفرامل و استهلاك البنزين
الياريس

2-فخامة الصالون و الكماليات
ياريس فول أوبشن

3-الثبات والتحكم فى السيارة
لانسر

4-االمساحة الداخلية
ماتيريا

5-التقفيل وجودة الخامات المستخدمة
ماتيريا - الياريس

6-معاملة التوكيل
ياريس

7-توافر قطع الغيار وسعرها
لانسر

**Ahmed Samy** · 26-05-2008 11:35 PM

المشاركة الأصلية كتبت بواسطة SEATLOVER

2-فخامة الصالون و الكماليات
جاية من ........5-التقفيل وجودة الخامات المستخدمة

مين قال ان فخامة الصالون و الكماليات جاية من جودة الخامات و التقفيل ؟؟؟

لأ طبعا :
فخامة الصالون = تصميم فاخر + مواد فاخرة (زي الجلد و الخشب و الكروم) +سهولة التحكم في الأدوات داخل المقصورة بأقل جهد

الكماليات = كل ما يكمل السيارة و يرفع الجهد عن السائق أو الراكب لتأدية وظيفة ما(الزجاج الكهربي, الباور ستيرينج) أو إضافة متعة للقيادة أو الركوب (فتحة السقف أو المكيف متعدد المناطق)

جودة الخامات = هي جودة المواد المصنع منها كل ما تقدم و هو بالطبع يؤثر عليه و لكن مش كل الجلد زي بعضه و مش كل الخشب زي بعضه و مش كل البلاستيك حتى زي بعضه
ثم ان الخامات مش المقصود بيها بس الـinterior , دي ممكن تشمل الاكصدامات , المرايات , المساحات و حتى مواد تصنيع ماركة السيارة اللي على الشنطة

التقفيل = هو تقفيل اللأجزاء مع بعضها (بغض النظر عن جودة الخامة) يعني ممكن يكون دراع النور ردئ المادة لكنه يعمل بشكل جيد و ممكن عربيات خاماتها كويسة جدا بس تقفيلها فيه عيب .

بشويش علينا يا عمرو باشا

**SEATLOVER** · 26-05-2008 11:54 PM

المشاركة الأصلية كتبت بواسطة Ahmed Samy

مين قال ان فخامة الصالون و الكماليات جاية من جودة الخامات و التقفيل ؟؟؟

لأ طبعا :

يا عم احمد بشويش خالص اهو و على سرعة السلانسية

فى عربية على كوكب الارض
فيها فخامة الصالون من غير التقفيل المظبوط
فيها الكماليات من غير جودة الخامات المستخدمة
فيها التقفيل المظبوط من غير الكماليات
فيها جودة الخامات المستخدمة من غير فخامة الصالون

جبتلك الاجابة من السؤال من غير كلمة من عندى ....... اى خدمة

**Ahmed Samy** · 27-05-2008 12:14 AM

المشاركة الأصلية كتبت بواسطة SEATLOVER

يا عم احمد بشويش خالص اهو و على سرعة السلانسية

فى عربية على كوكب الارض
فيها فخامة الصالون من غير التقفيل المظبوط .........(اسبيرانزا 620)
فيها الكماليات من غير جودة الخامات المستخدمة ...........(الفيرنا)
فيها التقفيل المظبوط من غير الكماليات..................(هوندا سيفيك)
فيها جودة الخامات المستخدمة من غير فخامة الصالون...(سكودا A4)

جبتلك الاجابة من السؤال من غير كلمة من عندى ....... اى خدمة

جبتلك الاجابة من السؤال من غير كلمة من عندى ....... اى خدمة
واحدة بواحدة يا بطل

حبيبي يا عمرو :)

**fahd_628** · 27-05-2008 12:19 AM

1-الموتور و الفرامل و استهلاك البنزين

2-فخامة الصالون و الكماليات
3-الثبات والتحكم فى السيارة
4-االمساحة الداخلية
5-التقفيل وجودة الخامات المستخدمة
6-معاملة التوكيل
7-توافر قطع الغيار وسعرها

تقريبا دة متوفر فى الهيونداى الانترا

**fosy1980** · 27-05-2008 12:47 AM

هدى نفسك يا عم عمرو هو فيه ايه؟؟؟؟
اولا:لو حضرتك قرأت المو ضوع تانى هتلاقى انه بيتكلم عن العربيات فئة 100 الف جنية(يعنى مش الكورولا ولا المازدا و السيفيك ولا اليسريون ولا الافينسيس ولا .... ولا .... ) احنا غلابة يا عم و بنقسط

ثانيا:لو حضرتك قرأت المو ضوع تالت هتلاقى ان انا مش باخد رأي الناس عشاني...لأ انا قلت يكون فيه موضوع يكون فيه كل الأراء بالنسبة للفئة دى من السيارات(فئة ال 100 الف )

ثالثا:لو حضرتك قرأت المو ضوع رابع هتعرف ان مفيش علاقة بين الفخامة و الكماليات و بين الخامات المستخدمة(زي العربيات الصينى مثلا فيها كل الكماليات وشكلها حلو لكن تعالى بص على خامات التصنيع و التقفيل)و التقفيل اليابانى غير التايلاندى غير المصرى

رابعا:لو حضرتك مش مهتم بأراء الاعضاء و ان كل واحد حر فى رآييةماكنتش دخلت على المو ضوع اساسا لانه مهم جدا انك تعرف المميزات و العيوب من وجهة نظر كل واحد

خامسا:هو ايه المشكلةفى اللون الأحمر

============
المشكلة في اللون الاحمر انه مخالف وحضرتك مصمم على الكتابة به
ولم تراجع قوانين المنتدى لتعرف ما هو الخطأ
وشكرا

الادارة 3

**SEATLOVER** · 27-05-2008 01:05 AM

المشاركة الأصلية كتبت بواسطة Ahmed Samy

واحدة بواحدة يا بطل

حبيبي يا عمرو :)

فى الحقيقة مخبيش عليك كنت متوقع الرد دة ... بس مش منك يا معلم

فى عربية على كوكب الارض
فيها فخامة الصالون من غير التقفيل المظبوط .........(اسبيرانزا 620)
فخامة اية بس ... دة كوكتيل من البلاستيكات وكمان تقفيل مظبوط !!!
/مثال فى غير محلة ابداً الصراحة

فيها الكماليات من غير جودة الخامات المستخدمة ...........(الفيرنا)
سؤال بيطرح نفسة : بتعيش ولا لأ / يبقى فيها نسبة جودة
فيها التقفيل المظبوط من غير الكماليات..................(هوندا سيفيك)
ملناش دعوة باستخسار التوكيلات بعدم نزول كماليات فى السوق

فيها جودة الخامات المستخدمة من غير فخامة الصالون...(سكودا A4)
خد فلوسها و ادينى فخامة اكتر من كدة /لاحظ نمط ركابها فى السوق هاتعرف اد اية العربية دى فخيمة

CHECKMATE

**fosy1980** · 27-05-2008 01:26 AM

اتأسف للأدارة على الكتابة باللون الاحمر

مشاهدة نتائج الإستطلاع: مين الافضل?????

الموضوع: اعرف مزايا و عيوب سيارتك

LinkBack

أدوات الموضوع

عرض

-

-

-

المواضيع المتشابهه

أخبار الريتمو أيه مزايا و عيوب و شكرا

كل ما يخص مزايا و عيوب ال 206

عيوب و مزايا اللانسر 1500 سى سى

شاهين 2007 عيوب لا مزايا

الكلمات الدلالية لهذا الموضوع

المفضلات

المفضلات

ضوابط المشاركة