الموضوع: عايزين نعرف نجيب تيل فرامي نضيف

المشاركة الأصلية كتبت بواسطة ihabchina

التيل الاصلى قعد معايا لحد 45 الف كيلو وركبت تيل فى التوكيل وكان ب 80 جنية تقريبا وكان وحش جدا. جبت بعد كده تيل من شارع احمد ذكى فى المعادى وكان ب 50 جنية اهو احسن شوية من التوكيل بس بمزاجة شوية يصرخ وشوية لا

اللى عايز اقولة ان حتى التوكيل معندوش التيل الاصلى يبقى اكيد حتى مفيش فى السوق تيل اصلى

لو حد وقع على تيل كويس يا ريت يفدنا بيه

هو أنا جربت أكرم حمدي في شارع دمشق
جبت من عنده كوندنسر محترم وماشاء الله بقاله حوالي 5000 كيلو بدون مشاكل
هاحاول اتصل بيه النهاردة باذن الله أسأله على تيل للماروتي

المشاركة الأصلية كتبت بواسطة hamaza81

هو أنا جربت أكرم حمدي في شارع دمشق
جبت من عنده كوندنسر محترم وماشاء الله بقاله حوالي 5000 كيلو بدون مشاكل
هاحاول اتصل بيه النهاردة باذن الله أسأله على تيل للماروتي

والله أنا زمان كنت بستغلى قطع الغيار من أكرم حمدى فى دمشق بس بعد ما لقيت الكوندنسر الدنسو المحترم عنده وشال عنى عذاب تغيير الكوندنسرات والموبينات اللى كنت بفتكر انها بايظة..هو فعلا قطع غياره نضيفة الصراحة... وشكلى هبقى أهبط عليه واجيب التيل اللى عنده لحسن أنا اتصميت من الصفافير بتاعة التيل اللى عندى خلاص وجبت أخرى