قرصت علي موتور فرنا وجبت 80 بالغيار التالت

**tareksakr** · 10-01-2012 04:09 PM

انا ممكن اصورلكوا فيديو بعربيتي جولف 2 1300 سي سي 55 حصان بجيب علي التاني 80 والتالت 130 عادي جدا اي نعم بيبقي الموتور بيصوت وصوته عالي جدا وعدد لفات 5500 لفة بس بجيبها عادي

**bessovcut** · 10-01-2012 09:47 PM

المشاركة الأصلية كتبت بواسطة party_0000

مع احترامي لحضرتك ايه اللي مش منطقي في كدا !!!
انا مش بفتي ولا بحب اسلوب التكذيب والتخوين الموضوع بسيط لانسر بومه اوتوماتيك 2012 اجرنها وقرصت على التالت بتاعها 180 لحد الرد زوون
وانا اسف بصراحه اني علقت في الموضوع بتاعك !!!
سبحان الله

استاذي العزير اسف جدا م كنش قصدي لا التخوين ولا التكذيب وقبل م اكتب التعليق شكرت كل الناس اللي ردت واعذرني ممكن تكون خبرتي قليلة شوية ف العربيات ......بعتذر لحضرتك مرة تاني .....

**bessovcut** · 10-01-2012 09:50 PM

المشاركة الأصلية كتبت بواسطة ayabooy

الاخ صاحب الموضوع اولا لو عربية حضرتك صوتها على يبقي ممكن يكون الزيت عاوز تغيير
العربية عندك مو 2009 و يفضل انك تستعمل زيت تخليقي بيتغير كل 10000 كم لكن لو كنت حولت لزيت معدني
بيتغير كل 5000 يفضل تكمل عليه و عموما من افضل انواع الزيت في السوق هو شل و فيه انواع اكيد افضل ممكن حد تاني ينصحك بيها
ثانيا الاخ الي جاب بالانسر 180 على غيار الثالث انا شايف انها صعبة قوي مهما حرقت و سقط غيار
الاخ الي كان معاه الاكسنت الهيونداي من العربيات الي سعة الغيارات الاولى فيها كبير بس صعب قوى انك تجيب السرعة ديه و انت على الثالث
بس برده حضرتك بتتكلم عن عربية بقالها 10 سنين زي ما انت كاتب ووارد انه يكون حصل نسبة بوش في سلك عداد السرعة و ديه بتحصل
يعني انا معايا 128 بتجيب 70 على الغيار الثاني و ارقام عجيبة طبعا مع الثالث و الرابع و فعليا العربية مبتوصلش للسرعات ديه لكن العداد مش مظبوط
و كلام الاخ توت عنخ امون عن ارتباط سعة المواتير بتصميم الفتيس و السرعة القصوى للعربية عند كل غيار مظبوط بس هو اهمل نقطة البوش الي بيحصل مع الوقت لسلك عداد السرعة
و برده بتعتمد على الخامة المستخدمة في القطعة ديه يعني ممكن تلاقي السلوك ديه في العربيات الاوروبية بتحافظ على القراية الفعلية للعداد لسنين اطول من العربيات الاسيوية

الف شكر يا فندم ع الرد وارجو من اصحاب الخبرة ف قصة الزيت من زمان بغير شل اللي كل 10 كم بس في بعض الاراء بتقول اغير زيت معدني كل 3 او 5 افضل .......اية رايكم ؟؟؟؟؟؟؟؟؟؟؟؟؟؟؟؟

**party_0000** · 11-01-2012 12:42 AM

المشاركة الأصلية كتبت بواسطة bessovcut

استاذي العزير اسف جدا م كنش قصدي لا التخوين ولا التكذيب وقبل م اكتب التعليق شكرت كل الناس اللي ردت واعذرني ممكن تكون خبرتي قليلة شوية ف العربيات ......بعتذر لحضرتك مرة تاني .....

ولا يهمك
كل التوفيق ليك

**tutankhamoun** · 11-01-2012 05:19 AM

المشاركة الأصلية كتبت بواسطة bessovcut

الف شكر يا فندم ع الرد وارجو من اصحاب الخبرة ف قصة الزيت من زمان بغير شل اللي كل 10 كم بس في بعض الاراء بتقول اغير زيت معدني كل 3 او 5 افضل .......اية رايكم ؟؟؟؟؟؟؟؟؟؟؟؟؟؟؟؟

الزيت التخليقي ممتاز و لكن لو بتغير الزيت كل فترات طويلة يفضل تغير معدني
يعني مش كويس أن أنت تسيب الزيت في العربية لفترات طويلة قوي
فيه ناس بتقول 6 شهور و فيه ناس بتقول سنة
و لكن أنا شايف أن أنت بتسوق هادي قوي زي حالاتي ........... نوع الزيت هنا مش هايفرق كتير.
يا راجل ده أنت غيرت على التالت على 80 فكرت أنها خطر على الموتور .....
متهيألي ما تقلقش أهم حاجة بس ما تحطش زيت و تسيبه فترة كبيرة علشان بيفقد خواصه .

**Silenty** · 12-01-2012 08:49 PM

المشاركة الأصلية كتبت بواسطة tutankhamoun

يا استاذي الفاضل صاحب الموضوع 80 على التالت مش مشكلة نهائيا

الاستاذ رامي ... الحاجات دي مفهياش حظوظ يا اخي الكريم
فيه حاجة اسمها منطق تصميم الفتيس و نسب الفتيس
يعني ما ينفعش فتيس متصمم بنسب معين انه يخترقها
1300 سي سي مستحيل الفتيس يجيب على التالث 140 كم -س ممكن تكون حضرتك ما اخدتش بالك من الرقم

و الاستاذ صاحب اللانسر
لو اللانسر دي 1600 سي سي من رابع المستحيلات انها تجيب 180 كم - س على الغيار 3 (دي استحالة فنية مش جدال مع حد )
في العربيات 1600 غالبا
اللانسر مثلا الاول اخره اول عن اخر 40 كم - س لان عدد لفات الموتور هايوصل للحد الاقصى و مفيش حتة تاني الموتور يلف فيها و هنا الموتور وصل لاخره و مستحيل يديك اكتر من كدا
و التاني اخره 90 او 100 و عدد لفات الموتور بيوصل للمنطقة الحمرا
و الثالث باي حال من الاحوال مع عربية 1600 اخره 130 او 140 و الموتور هايقف مش هايطلع اكتر من كدا ... فعليا و ماديا عدد لفات الموتور هايكون خلاص خلص ووصل للمنطقة الحمرا .
و بعدين بقى الرابع بيكمل لغاية 180 أو 190
و الخامس اصلا معمول لراحة الموتور و التوفير في البنزين

و بالتالي استحالة - مستحيل عربية 1300 تجيب 140 على التالث و استحالة تانية عربية 1600 تجيب 180 على التالث

+1111111

**minicooper20** · 13-01-2012 04:45 AM

انا جبت على التالت 140 ب جوليت و ال مش مصدقنى يجى و انا اورهالو ليف
بجيب بالباراتى 130 على التالت و كمان 140 ايه الغريب فى كده
و الباشا الجاب 180 على التالت ماهى ال عربيه 4 غيار اصلن فيها ايه لما تجيب 180 على التالت
و الباشا الجاب 130 على التالت با اكسنت عاااااااااااااااادى جدا عربيه متفتحه كويس
و مش كلحاجه بتمشى بالمنطق فى حجات مش هتصدقها الا لما تشوفها بعينك
بتعصب جدا لما بلاقى حد بيكدب حد و هو مستهلا انى اكدب مثلا فى انى جبت سرعه كذا مش مستهلا

**Haitham10** · 13-01-2012 05:13 AM

الي مستغربين من 180 و140
منا معايا لانسر ياجماعة واوتوماتيك وكربراتير و1300
يعني مفيش حزن اكتر من كدة
ولما بجيب 3 بمشي بيه من 80 ل140 150 كويس جدا ويمكن يزيد حاجة بسيطه بس انا برأف بالموتور واديله الرابع d

وعشان متسألوش التاني بيجيب 80 وجبت بيه 90 100 بس لفات الموتور عدت ال5 طبعا

الحاجات دى كل فترة بتصحصح العربيه وتفوقها
بس ياريت الي يجرب يتاكد من زيته قبل وبعد التجارب

**Haitham10** · 13-01-2012 05:15 AM

المشاركة الأصلية كتبت بواسطة minicooper20

انا جبت على التالت 140 ب جوليت و ال مش مصدقنى يجى و انا اورهالو ليف
بجيب بالباراتى 130 على التالت و كمان 140 ايه الغريب فى كده
و الباشا الجاب 180 على التالت ماهى ال عربيه 4 غيار اصلن فيها ايه لما تجيب 180 على التالت
و الباشا الجاب 130 على التالت با اكسنت عاااااااااااااااادى جدا عربيه متفتحه كويس
و مش كلحاجه بتمشى بالمنطق فى حجات مش هتصدقها الا لما تشوفها بعينك
بتعصب جدا لما بلاقى حد بيكدب حد و هو مستهلا انى اكدب مثلا فى انى جبت سرعه كذا مش مستهلا

++1

**tutankhamoun** · 13-01-2012 06:03 AM

المشاركة الأصلية كتبت بواسطة minicooper20

انا جبت على التالت 140 ب جوليت و ال مش مصدقنى يجى و انا اورهالو ليف

ما أحنا ما أختلفناش أن موتور 1600 أو ممكن 1500 يجيب 140 على التالت بس الموتور هايكون دخل في منطقة الخطر (red zone ) يعني الفتيس جاب آخره علشان تصميمه كدا (عدد لفات معين مع سرعة معينة ) فيزيائيا مفهياش جدال .
بجيب بالباراتى 130 على التالت و كمان 140 ايه الغريب فى كده
ما الجين 2 بتجيب على التالث لغاية 140 .... هو أيه الأختلاف اللي أنا قلته ؟ بس الموتور بيكون دخل في المنطقة الخطر أو المنطقة الحمراء
و الباشا الجاب 180 على التالت ماهى ال عربيه 4 غيار اصلن فيها ايه لما تجيب 180 على التالت
بص لو فتيس عادي (خمس سرعات )
مستحيل 180 على الغيار التالث - التالث أخره 140 أو 150 بالكتير و الموتور بيكون على عدد سرعات فوق 5500 لفة
لأن كل غيار له مدى لا يتعداه فيزيائيا
بمعنى أن الفتيس له حاجة أسمه نسب تخفيض
الأول أقصى حاجة له سرعة معينة و التاني و التالث و الرابع و هكذا

و الباشا الجاب 130 على التالت با اكسنت عاااااااااااااااادى جدا عربيه متفتحه كويس
مفيش حاجة أسمها متفتحة
أحنا قلنا أن كل فتيس له تصميم فيزيائي مستحيل يخرج عنه لو حالة العربية مظبوطة و الفتيس مظبوط و القراءات كلها مظبوطة
اللي متفتح أن يبقى الموتور على سرعة معينة بينزلق بسلاسة
إنما بتجاوز التصميم الفيزيائي الخاص له ده أٍستحالة فنية
أي عربية 1300 سي سي لن تتعدى بأي حال من الأحوال 110 أو بالكتير 120 و ده بيرجع لتصميم الموتور و الفتيس و نسب التخفيض
و مش كلحاجه بتمشى بالمنطق فى حجات مش هتصدقها الا لما تشوفها بعينك
يا أخي العزيز الموضوع مش موضوع منطق
الموضوع موضوع تصميم حجم الفتيس و عدد لفاته
يعني الفتيس معمول بنسب تخفيض معينة .......... ازاي هايتحاوزها ؟؟؟؟؟؟؟؟؟
كل ترس له حجم معين و بيلف بسرعة معينة لن يستيطع أن يتجاوزها بسبب تصميمه
يعني مينفعش ترس رقم 3 في عربية بيلف مع الموتور و جاب 6000 لفة في الدقيقة أن يتجاوز ده و يجيب أكتر علشان سرعة العربية تبان أنها أكتر
بتعصب جدا لما بلاقى حد بيكدب حد و هو مستهلا انى اكدب مثلا فى انى جبت سرعه كذا مش مستهلا

ما تزعلش و ما تتعصبش ...... و حقك عليا أنا
بس تعالى نتناقش فيزيائيا

لو قلنا ان احنا معانا عربية موتورها متصمم انه على الترس التالث يجيب 6000 لفة في المنطقة الحمراء مثلا
ده كدا أخره مع لفات الموتور (مستحيل الموتور هايلف أكتر من كدا )
مع 6000 لفة - دقيقة بتكون سرعة العربية مثلا 130 أو 140

يبقى ازاي السرعة هاتزيد عن كدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
و أنا لسة بقول أن من رابع المستحيلات أن أي عربية 1600 تجيب على التالث 180 كم -س
مستحيل (فنيا و فيزيائيا مستحيل ) مش معقول ...... لاءة ......... مستحيل

الموضوع: قرصت علي موتور فرنا وجبت 80 بالغيار التالت

LinkBack

أدوات الموضوع

عرض

-

-

-

-

-

-

المواضيع المتشابهه

تعبت با جماعه وجبت اخرى

انا غيرت سير الكاتينة وجبت سير الماني

هل ينفع اركب موتور فرنا في عربيه اكسيل

قرصت على العربيه جامد .. طبيعى ولا مش طبيعى

ونة بالغيار الثاني فقط!

الكلمات الدلالية لهذا الموضوع

المفضلات

المفضلات

ضوابط المشاركة