الموضوع: تقرير عن تركيب فرش الصنى فى جينز كار

المشاركة الأصلية كتبت بواسطة sonasteel

اولا يعني الف مبارك علي حضرتك للفرش الراااااااااااااااااااااا ئع ده ماشاء الله عليه
العربية بقيت بنت ناس بجد :))
ده انا ادفع فيها ياراجل اكتر من كده بكتيييييير لو طلعتلي بالشكل ده حتي لو مستغليه بس انت شايف الشغل عامل ازاي وده مش شغل كسوة وخلاص ..
انا شفت عربية صني عاملة الفرش عند الحاج احمد بقالها سنتين ولا حاجة ......... الفرش فبريكة ماشاء الله حاجو شغل فنادق بجد
انت عمرك شوفت تشطيب عند حد في مصر وفي اي مجال بيفنش الشغل زيه ؟ ...... انا مشفتش خااالص وقلتها للحاج احمد قبل كده ربنا يباركلك في مالك وفي رزقك انت راجل محترم وشغلك اللي بيتكلم عنك و احسبك علي خير
انا مشفتش حد بيحب ولا بيفهم ولا بيظبط شغله زيك
وكل مرة اروحله فيها اقتنع قد ايه الراجل ده وقبليه والده الله يرحمه عملوا الشركة ديه ازاي
والله والله والله انا ببقي سعيد جدا وانا قاعد عنده وشايف مده حبه وتعاملة المتواضع جدا مع العملاء و ازاي هو بيعاملهم لكن اصحاب مكان و علي ايدي معظم الناس اللي بتيجي تقوليه ياحاج اختار انت وادي العربون ومش هانكلمك في فلوس علشان عارفين الشغل عامل ازاي وهما جاين له من عن طريق ناس تانين
انا بقول الكلام ده علشان مش عايز احط الحاج أحمد في المقارنة مع بقيت التجار اللي حضرتك قلت عليهم لانه حرام بجد يتحط مع الفئة التانية ديه من اللي شوفته وانتوا بتشوفهم منهم
واقرب حاجة يوم ماروحنا لتنجيد الكراسي و اللي كانت ببلاش وضيعنا عليه يوم بحاله ومسبناش واستغل في الكراسي بتاعتنا بايده ده غير كرم الضيافة اللي مشفتهوش في مكان تاني ........... انا هاسيبب الناس اللي راحت هي اللي تتكلم
سؤال بس
وهو ده جيه علي ايه بايه ....... من قبل ما اعرف الحاج شخصيا واان عارف ان شغله بالحجز ومحدش بفضل الله اشتكي منه
اكيييييييد لو الناس عارفة انه غالي او حتي اسعاره وهمية زي ما حضرتك بتقول ده في سبيل انهم بياخدوا حاجة حلوة جدا ومبسوطين بيها وده اللي بشوفه من الناس اللي بتعمل هناك فرش .
ده انت بتفك فرش الباب ولا بتفك اي حاجة في العربية بيقلك 50 جنيه ..... فلما يكون 100 جنيه للباب ونفس فرش الجلد ويطلع شكله التحفــــــــــــــــــــ ــة ده يبقي مش كتير خالص وكمان ضمان 4 سنين لشغله وقدام عيني ناس بتجيله وتاخد من وقته ويفك ويركب لغاية ما العميل يبقي راضي
والخصم اللي خده احمد ده لانه حضر المقابله اللي فاتت وفعلا كان ليهم اولويات في حاجات كتير وده محدش يزعل منه في حاجة .
وغير كل ده كمان اللي محدش يعرفه حتي احمد حازم powert سمعها ..... ان كل ده بفضل الله ثم احمد مصطفي
والحاج احمد قالها لولا الراجل _احمد مصطفي_ هو السبب في الدلع اللي الواحد فيه ده
يعني تنجيدببلاش اللي بيتكلف 300 الكرسين ... وخصم 30% علي الفرش و هدايا وحااجت كتير اوووي
يمكن حضرتك ملمستش ده من مرة واحده بس كل واحد فينا عارف الحاج أحمد بالنسبة لينا ايه احسبه علي خير ولا ازكيه علي الله .
تقبل مروري :))
م.حسين جمال

ازيك يابشمهندس حسين مداخلتك بسم الله ماشاء الله دسمه قوى بس احب اوضحلك شىء دى تانى عربيه اعملها عند الحاج احمد ولو شغله مش عاجبنى ومقتنع بيه مكنتش عملت العربيه دى ولو فيه نصيب او حد من اصحابى حينجد العربيه برضه حعمله فى جينز كار
الحاج احمد كشخص وكصاحب شركه لاغبار عليه انسان صديق قبل مايكون تاجر
الشغل لايختلف عليه لتنين
كل الاشياء دى ثوابت لاخلاف عليها واعتقد ان فى الموضوع لم اذكر مايتعارض مع ذلك وايضا فى الردود
نقطة السعر اللى هى محل خلاف ذكرتها لسببين ان الخصم اللى بيتم للمنتدى خصم وهمى بمعنى انى لو من خارج المنتدى ححصل عليه واعتقد اغلب المداخلات اكدت ارتفاع التكلفه
ثانيا اهمية الاتفاق من البدايه على التكلفه زى المثل اللى اوله شرط اخره نور
فى النهايه ارجو عدم تحويل الموضوع لنقاش حول السعر او التكلفه لانى ذكرته من باب المعرفه بالتفاصيل فى حين الهدف من الموضوع استطلاع واطلاع الاخوه على الفرش ورايهم فيه
ارجو ان اكون وضحت وجهة نظرى

المشاركة الأصلية كتبت بواسطة hossam_zaky

بصراحة الفرش شكله تحفة بس فعلا شايف السعر مبالغ فيه كتير

ربنا يكرمك يااستاذ حسام الفرش فعلا جوه العربيه تحفه

المشاركة الأصلية كتبت بواسطة powert

احم ...انا رجعت تاني

يا استاذ ابو عمر هو انا عملتلك حاجة ليه كده

انا معنديش نت وبتدخل علي النت من الموبايل

وكنت مريض اليومين اللي فاتوا

لا بجد انا معرفش هو ليه غلي كده

بس ممكن يكون علشان نوع الفرش انا الفرش اكلف 1300 جنية وانت 1500

ممكن يكون نوع الجلد عندك افخم من عندي

بس اللي غلي عندك اكتر هما ال 400 جنية فرش الباب وده فرق جامد عندك

لاني معملتش فرش الباب والخياطة زيك 200 جنية و ارضية ب 450 جنية

وبعدين انا ماخلاعتش وقت الحساب انا كنت معدي بصدفة علشان ادي احمد مصطفي حاجة ومشيت علشان كان عندي مشوار...

وكفاية ان الفرش عندك طلع احلي واشيك من عندي بكتيير

وبعدين خلي عندك ونخلي احمد زونجا هو اللي يدفع الفرق الحساب
....والله الموفق

ازيك يااحمد عامل ايه ياعم الف سلامه عليك استغربت عدم وجودك بس. والتكلفه والحاجات دى بيعوضها الشغل والتفنيش وبعدين نعوضها فى فرش القشقاى ان شاء الله

المشاركة الأصلية كتبت بواسطة midorody

انا شهادة حق حابب اقولها فى حق الحاج احمد
الراجل دا انا كلمته فى التليفون ورحتله من غي حجز ولا حاجه
ونجدلى الكرسى ورفض ياخد من قرش واحد
حتى اكراميات العمال رفض انى اديلهم اى حاجه
وانا مجرد عضو بس فى المنتدى لا معايا استيكر ولا حضرت الايفنت بتاع الصقور والراجل تعامل معايا بكل احترام ,,, وهو مش هيخسر حاجه لما يديك خصم كويس اكيد الفرش بتاعك متلكف كويس وغالى
وهذه شهادة لابد ان اقولها لهذا الرجل الكريم الاخلاق الذى نادرا ما يتكرر

ليه تم تحويل الموضوع ل مع او ضد او تقييم للحاج احمد مشعل .

?????????????????????????????

المشاركة الأصلية كتبت بواسطة powert

السلام عليكم حبيت اقول معلومة كده على الماشي

ليا زميل في العمل حب يعمل فرش راح شارع دمشق قال له

فرش لونين تفصيل وارضية ممكن يوصل ل 1200 جنية وممكن يعدي اكتر حسب الخامة

وللعلم الفرش اللي عنده كله صيني

انت عامل عند الحاج احمد مشعل ( جينز كار) اللي بيجيله الناس من اخر الدنيا ومن كل المحافظات

مش معقول وعيب انت حد يقول انه عامل عروض وهمية لو حد راح عادي واخد نفس الخامات

اكيد مش هياخد الخصم ده

وانت واخد

فرش الماني تفصيل لونين + ارضية + دقة في الشغله + ضمان عليه + خياطة دابل + فرش البابين = 1900 جنية

كده كويس جداً

وللمرة التانية خلي بالك انت مزود الابواب وتمنهم لوحدهم 400 جنية وتكلفة الباب الواحد 100 جنية

وحضرتك لو روحت لاي حد بتاع ابواب وقولته فك الباب وتركيب بكام هيقولك 40 جنية

فكده مبلغ كويس جداً

وكفاية ان طلع شيك جداً وفخم جداً فعلاً

وبعدين انت مضايق علشان خاطر 200 جنية زيادة في فرش
ياراجل اتبسط واتمتع بالفرش ده تحفه وجميل جداً

ما شاء الله

المشاركة الأصلية كتبت بواسطة powert

احم ...انا رجعت تاني

يا استاذ ابو عمر هو انا عملتلك حاجة ليه كده

انا معنديش نت وبتدخل علي النت من الموبايل

وكنت مريض اليومين اللي فاتوا

لا بجد انا معرفش هو ليه غلي كده

بس ممكن يكون علشان نوع الفرش انا الفرش اكلف 1300 جنية وانت 1500

ممكن يكون نوع الجلد عندك افخم من عندي

بس اللي غلي عندك اكتر هما ال 400 جنية فرش الباب وده فرق جامد عندك

لاني معملتش فرش الباب والخياطة زيك 200 جنية و ارضية ب 450 جنية

وبعدين انا ماخلاعتش وقت الحساب انا كنت معدي بصدفة علشان ادي احمد مصطفي حاجة ومشيت علشان كان عندي مشوار...

وكفاية ان الفرش عندك طلع احلي واشيك من عندي بكتيير

وبعدين خلي عندك ونخلي احمد زونجا هو اللي يدفع الفرق الحساب
....والله الموفق

ايوه يااستاذ احمد سبحان الله فى مشاركه بتقول ان فعلا الفرش غالى ومشاركه تانيه تقول كله تمام وجايز يكون رخيص بالنسبه للخامه والمانى والحاجات دى ياريت ترسى على حاجه عشان اقدر ارد وعلى فكره الموضوع لاهو 200 ولا اقل ولا اكتر الموضوع اتفاق بالتليفون على الخامه والاستايل والسعر واتخذنا فرشك المبدأ فى الاتفاق وذاد عليك الابواب انت شايف ان 100 جنيه معقول للباب عادى يبقى المفروض ندفع 3 الاف جنيه كسوة كراسى بحكم فك وتركيب الكرسى 250 جنيه . ولو كنا اتفقنا على فرش ب3 الاف عادى جدا الموضوع اتفهم غلط واتحول لمنحى جديد خلينا فى الفرش وياريتك تعمل الابواب فعلا حيظبط معاك الكسوه

المشاركة الأصلية كتبت بواسطة sehsss

لا يا عاطف والله، ولا تقييم ولا حاجة ولا كمان مع أو ضد، انا واحد من الناس قولتلك في الأول إنه غالي، بس الراجل له في رقبتنا شهادة حق لازم كننا نقولها برضه، بس دا كل الموضوع

والله ياحسين دى تانى عربيه اعملها عنده وانا عارفه من قبل كتير من الاعضاء هنا وهو محترم وانسان وللاسف الموضوع اتحول للتعليق على السعر ودا زعل ناس كتبر مع ان اى حد حيدخل يشوف الموضوع كان حيسأل عن الاسعار وللاسف لازم تقول ان كل حاجه ممتازه والاسعار رخيصه عشان ماتزعلش حد