اقتباس المشاركة الأصلية كتبت بواسطة darkmagician مشاهدة المشاركة
بص يا باشا ححكيلك قصة بسيطة
مرة كنت بشطب شقة وكنت محتاج نقاش ممتاز
جبت واحد من افضل النقاشين وحكم اختلاطي في شغل المقاولات وكده المتر بيكلف من 5 ل 10 جنيه حسب المكان وحسب الحيطة محتاجة كم سكينة معجون وهكذا المهم
اول ما الراجل جه قلتلو بكم وكده قبل ما يبداشغل قالي ب 15 قلتلو كتير
قلتلو خليها 8
قالي لو عاوز ب 5 اعملهالك ب 5 بس متزعلش من الشغل اللي حيطلع رحت قلتلو اشتغل براحتك وخد اللي انت عاوزو
الحمد لله طلع شغل روع جدا وكذا واحد جابوه عندهم وقلتلهم 15 وانتو ساكتين
فالواحد ممكن يفاصل في حاجات كتير زي البضاعة وكده اما لما تيجي على الحرف وتفاصل اعرف انك حتاخد شغل على قد فصالك
------------
القصة كده خلصت وكان غرضها اني اقولك ممكن الحج احمد يكون اغلى بحاجة بسيطة رغم اني شايف انو قريب من السوق بل في حاجات بيعملها لاعضاء نيسان اقل بكتير من اماكن برة وكفاية انك لما تقولو عاوز جلد الماني بيحطو من غير ما تشوفو وانت مطمن انو حط اللي انت عاوزو

في اماكن ممكن يقولك الماني وهو الجلد محطوط صيني وطبعا استحالة تكتشف كده
انا بقا يا باشا من اسكندرية وجيت للحج احمد مخصوص من هنا عشان اعمل فرش عندو ورغم اني بيت يومين في القاهرة وبهدلت احمد مصطفى معايا

الراجل حطلي الجلود والالوان قلتلو اعمل اللي انت عاوزو واختر اللون والتقسيمة حتى مقلتلهوش على موضوع الحخيط الدبل وهو من نفسو عملو لاني واثق في زوقو
المهم الشغل اتكلف 1700 وشوية بعد الخصم ولا اتكلمت لان كفاية عند الواحد ان صاحب المحل واقف على العمال
وكفاية مقابلتو
انا عارف انك مبتتكلمش على شخص الحج احمد بس لازم لما نلاقي تاجر امين زي الحج احمد و محترف في شغلو
نقدر كويس الشغل ومنقارنهوش باماكن تانية لان دي صنعة
وان شاء الله ربنا يكرمك بعربية كمان وتفرشها كمان فرشة حلوة
---------
وابقى تعالى المقابلات عشان ممكن في مرة احمد مصطفى يوزع على الاعضاء جووووووووووووووووووووك
على فكره تم تحويل الموضوع لوجهه تانيه خالص انا لست فى مجال تقييم الحاج احمد ولاتقييم الفرش من حيث غالى اورخيص بالنسبه ليه شخصيا لوطلب ضعف المبلغ حدفع واديله فوقهم بوسه ولاكن حبيت اوضح الظروف اللى احاطت بالموضوع وادى رايى الشخصى فيه اللى هو تخفيض المنتدى 20 فى الميه على الشغل ممكن اخده واكتر منه لو انا مش مشترك فى المنتدى وبالفصال وخد وهات اخد سعر احسن .ودى الخلاصه اللى انا خرجت بيها من الموضوع وحبيت اوصلها للاعضاء ودى زعلت ناس ولكن انا شايف من باب الامانه انى اقول كده لاعضاء نيسان بحيث انه فى النهايه بوصل لافضل سعر هل دا شىء يزعل حد ؟ هل دا فيه مشكله ؟ احنا هنا بنعرض تجاربنا فى التوكيلات وفى مراكز الخدمه وفى معارض البيع وبننقد الاسعار والشغل ومافيش مشكله ولو فيه اعضاء مش عايزين كده يبقى شخصيا مش حعمل تقرير لشىء طالما مطلوب منى اقول كله تمام والله ينور .
بالنسبه للذكرته حضرتك اعلمه تماما حاليا بجدد المحل عندى جبت صنايعيه اجرتهم ضعف اجرة السوق عشان اخد شغل محترم ومش عايز اقول لحضرتك فيه شوية حاجات تافهه دافع فيها 25 الف جنيه ممكن اعملهم بنص التمن . انما الاختلاف فى الحالتين انى طلبت واتفقت على شىء محدد ماينفعش اجى اتحاسب تقوللى كلام جديد .
ارجو انى اكون وصلت وجهة نظرى والموضوع فى النهايه بسيط وعلى فكره انا بعت للاداره من امبارح لتعديل الموضوع وحذف الجزء الاخير لانه سبب سوء فهم عند البعض .
تحياتى لحضرتك وكلامك الرقيق