.......عاوز أشتكي دكــطور بشري......

**A7MED_PHARMA** · 09-01-2012 10:08 PM

مين قال إني مابسعاش إني أخلـــــــــــــــــــــع من المخمضمة الي انا فيها دي
بلد مقرفة
والناس هناك مابتقدرش أي خدمة أو أي جميلة
ياما خدمت ناس فيهم .. ومالقتش من معظمهم رد الجميل

يوم خبطة العربية الي فاتت
العربية إتخبطت قدام الموقف إلي فيه عربيات البلد...وأنا خادمهم كلهم واحد واحد.ومشككين مني وياما علقت محاليل وإديت حقن وروحت بيوت .. لوجه الله أولا وأخيرا
العربية إتخبطت قدام الموقف بتاعهم
إتلموا
أنا بتخانق مع سواق السرفيس
إن نطع منهم يدخل يقول كلمة .. وللا حتى يعلي صوته ولا يزعق بكلمة تبل ريقي
لااااااااااااااا
المعيز كلها ركنت ع الرصيف تتفرج عليا وأنابتخانق مع السواق

بلد واطية واطية يعني
بس حظي جه كده...
مفيش يوم والله يارجالة مابيعدي غير لما دماغي تزن ف طريقة أخلع بيها
سواء بشغل تاني
أو صيدلية ف مكان تاني
أو حتى الاحتمال المرفوض عندي.. وهو السفر للخارج

والله المستعان

**A7MED_PHARMA** · 09-01-2012 11:31 PM

هي قرية اسما ميت ابوعربي
على الاسفلت الوصل بين ميت غمر - الزقازيق

**A.Saad** · 10-01-2012 09:56 AM

متكتبش اسم الامور على الورقة علشان ما يرفعش قضية ولا حاجة

**mailo** · 10-01-2012 11:59 AM

المشاركة الأصلية كتبت بواسطة human12

تحذير هام
الصيدليه غير مسئوله عن الادويه المكتوبه فى روشتات الدكتور فلان
حيث لوحظ فى الفتره الاخيره مشاكل صحيه ناجمه عن تشخيص خطأ و ادويه خطأ من جانبه
و لذلك نخلى مسئوليتنا عن اى اضرار ناجمه عن تشخيصه
و الله الموفق و المستعان

المشاركة الأصلية كتبت بواسطة a7med_pharma

حلو المعنى أوي
كويس جدااااااااااااااااا .. وتبقا واحدة بواحدة
وهو أساسا مش هيقدر يعمل حاجة .. علشان أساسا عيادته مش لها ترخيص .. وروشتاته مش مختومة بختم
يعني بخ

جميل قوي بس خد بالك إن الحرب كده بقت علني
وكمان لازم تعرف إن هو اقدم منك وفيه ناس بتسمع كلامه وبيروحوا الصيدلية التانية
ممكن تشيل أول سطر

المشاركة الأصلية كتبت بواسطة sha2e

اقولك على نصيحه !
طالما دي مش بلدك يبقى شوفلك مكان تاني غير القريه الجربانه دي
احسبها بالورقه والقلم وشوف انت بتصرف فيها كام وبتدخل منها كام والمكسب الصافى كام
لو لاقيت العمليه مش مجزيه بيع الصيدليه لحد من اهل البلد يكون لسه متخرج واقنعه ان دي ليها اسم والناس كلها عارفنها وليها زبونها وانقلها بأسمه وأخلع ومتقلقش هوا هيعرف ازاى يتعامل مع اهل بلده وقرايبه
وروح شوفلك مكان نضيف افتح فيه وصدقنى هترتاح من الاشكال الى بتشوفها كل يوم دي
وكل ما هترتقى فى المكان الناس الي هيدخلولك هيبقو ارقي وهترتاح فى التعامل معاهم

تحياتى

ماتقلبش عليه المواجع

**A7MED_PHARMA** · 11-01-2012 05:11 PM

السيد المحترم/

تحية طيبة وبعد

إنطلاقا من دور الفرد في إصلاح ماحوله .. وبالتالي إصلاح ماكان من إهمال مدعوم بنظام فاسد .أتقدم لسيادتكم بشكوى هي لبنة صغيرة لبناء مصر أفضل

.

الشكوى هي من طبيب بشري لايحترم مهنة .. ولايحترم زميل .. ولايحترم قانون أو عرف ( طبيب بشري. نور الدين عبدالعزيز محمود)

طبيب بشري تخصصه الجراحة العامة .. لكنه يمارس كل أنواع الطب المرخص له به والغير مرخص .. يمارس الجراحة العامة وجراحة المناظير وطب الأطفال وطب الأسنان وطب التخدير وكل ماهو له علاقة بالمجال الطبي

يعمل بعيادة غير مرخصة بقرية(ميت أبوعربي-الزقازيق).. عيادة هي دور أرضي بمكان قذر أركانه .. (مرفق بالشكوى صورة رقمية للمكان من الخارج)..لاتحمل لافتة .

يقوم الطبيب محل الشكوى بإجراء عمليات ولادة للسيدات , قائما بذاته بعملية التخدير التي تحتاج لطبيب متخصص . يقوم الطبيب محل الشكوى بعمليات الولادة كلها قيصرية .. التي تلزم منها والتي لاتلزم .. لزيادة أجر القيصري عن الطبيعي .

(مرفق بالشكوى صورة من محضر شرطة للطبيب محل الشكوى يُتهم فيه بالقتل لسيدة إبان قيامه بتوليدها)

(مرفق بالشكوى بيان بأسماء متضررين من الطبيب .. عن إهماله أو أو تقصيره باداء المهنة)

يقوم الطبيب محل الشكوى .. بتشويه سمعة الأطباء الأخرين الشباب العاملين بنفس القرية بكلمات لاتٌقال عن زميل مهنة أو غيره

يقوم الطبيب محل الشكوى .. بتقاضى نسبة عن كل روشتة من صيدلي(د.رأفت) صاحب صيدلية تحمل إسمه بالقرية .. على أن يقوم الطبيب محل الشكوى بتوجيه المرضى إليه بالإسم ..

يقوم الطبيب محل الشكوى .. بتشويه صورة الصيادلة الشباب العاملين بالقرية حفاظا على نسبته الضئيلة التي يتقاضاها من الصيدلي سالف الذكر

يقوم الطبيب محل الشكوى بكتابة روشتات غير مختومة .. وخاصة تلك التي تحوي عقاقير تندرج تحت بند الجدول (مرفق بالشكوى روشتة أصلية بخط الطبيب تحوي نالوفين أمبولات..التي هي تندرج بالجدول .. بدون ختم الطبيب عليها وذلك مخالف للقانون)

وعملا بقول الله " من رأى منكم منكرا"

فمقدمه لكم د. أحمد محمد راضي .. صيدلي من المتضررين

أضع بين يديكم كلمات هي حقيقة واقعة لايخالطها كذب أو إفتراء

تم إرسال نسخة من الشكوى لسيادتكم .. ونسخة لموقع وزارة الصحة .. ونسخة للسيد وزير الصحة بصفته .. ونسخة للسيد محافظ الشرقية .. ونسخة لموقع المجلس العسكري

**ashouhdy** · 11-01-2012 05:35 PM

متروح النقابة ياعم الحج ! وروح النقابة العامة فى القاهرة و قدم شكوى فى وزارة الصحة شخصيا لوكيل الوزارة

غير بقى عايز تحليها قول بيعمل عمليات غير شرعية

-

-

الموضوع: .......عاوز أشتكي دكــطور بشري......

LinkBack

أدوات الموضوع

عرض

-

-

-

-

-

المواضيع المتشابهه

بشري للى باع عربيته بتوكيل

بشري سارة للهرماوية

بشري ساااااااااااااااااااااااااااااااااااااره

بشري

الكلمات الدلالية لهذا الموضوع

المفضلات

المفضلات

ضوابط المشاركة