الموضوع: .......عاوز أشتكي دكــطور بشري......

السلام عليكم

أنا مش هبدأ كلامي بالإعتذار للأطباء عن لفظة دكـــطور
علشان الكائن الي هتكلم عنه لايمت للمهنة الشريفة بأي صلة

دكتور . نور
ماتعرفلوس تخصص بالتحديد
نساء وولادة
أطفال
جراحة عامة
مناظير
رمد
تخدير
أسنان
باطنة
كله كله كله
دكـــتور شامل وكامل ... بتاع كله
سنه فوق الــ 50 سنة
تسبب قبل كده في وفاة سيدتين في حالات ولادة علشان كان (بيخدر) بنفسه
وللأسف
أنضرب من الناس كام مرة .. وإتكسرت عربيته(فيات 128)
إتهانت كرامته بسبب موت السيدتين
كل مرة فيهم .. أكل علقة موت من اهل الستات
وإتمرمط ف الأقسام وف النقابة ...إلخ .. إلخ .. إلخ
لكن
...................
ملتحي يدعي الوقار
واكل دماغ الفلاحين هنا بشكل خيالي
المهم.. لحد كده الموضوع مايخصنيش من قريب ولامن بعيد
يتحرق ببنزين 95 سريع الاشتعال
...................
أول مافتحت
بنت كانت شغالة عندي راحت تكشف عنده
ماكنش يعرف انها شغالة عندي
قالها ماتجبيش الدوا من صيدلية الواد أحمد إلي فاتح جديد
داوهم مجهول المصدر .. وغشاش .. ومش فاهم حاجة .. وكان هيموت ناس قبل كده من الدوا الغلط إلي بيديه ليهم .. حمار مابيفهمش حاجة
البنت قالتلي... كبرت دماغي
إتكرر الكلام منه لأكتر من شخص تاني.. وفي نفس الوقت كان بيوجههم لشرا الدوا من صيدلية الدكتور.رأفت
إتحرق دمي .. وكبرت دماغي
يوم كان عنده حالة محتاجة ثايوبنتال 1000 جم ومكنش لاقيها
جالي بالليل الساعة 2 صباحا .. وطلبها مني ضروري
قفلت الصيدلية .. وروحت ميت غمر(مشوار بتاع 15 كيلو) وصحيت صاحب المخزن ينزل يجيبلي الحقنة المطلوبة..أنا عملت كده مش جر ناعم ..أنا عملته لله أولا .. وللناس المريضة ثانيا
إنه يهدا بقا
أبدااااااااااااا
النغمة مستمرة .. أحمد ده عيل مابيفهمش حاجة ..أحمد ده بيدي الناس دوا غلط
ومهما قال ... بحمد الله وفضله ماكنش بيأثر على مبيعاتي
.
الأيام دي
بدأت النغمة بتاعته دي تظهر تاني
بيقول الناس .. ماتروحوش صيدلية أحمد بالإسم
الكيل طفح
طفح طفح
وللأسف الراجل أساسا مش محتاج فلوس .. عنده ممتلكات أنا ماقدرش أعمل نصها طول عمري ربنا يهديه ويباركله
يعني لما ياخد نسبة من رأفت .. هتساوي إيه أساسا ؟؟؟

أعمل إيه مع الكائن ده
خصوصا
إن البلد عندنا مابقاش فيها دكاترة أد كده
والفلاحين بيلجأوا ليا على طووول علشان بفضل الله وحمده أنا بعمل otc كويس جداا وفعال جدا
الحمد لله عمري ماديت حد دوا .. وماجبش معاه نتيجة
مش محتاج أقول إني شغال في الـــ safe limits يعني وصف على أد إنه لو مش هيفيد .. مش هيضر
ناس كتير بدأت تجيلي وتوفر تمن الكشف عند الكائن ده .. أو عند غيره


والمؤسف ف الموضوع
إن الراجل ده بيعمل عمليات ولادة.. وبيخدر بإيده .. وبيعمل كل عملياته قيصري الي محتاجة فتح والي مش محتاجة
يعني واحدة كانت والدة تؤوم اول ولادة لها .. والولادة التانية نور قالها إنه الواد راسه كبيرة(ودي كلمته المشهورة).
ويسيب الست تتألم وهي بتحاول تولد طبيعي .. ويسيب الست تتوجع لما الناس تضطر تقوله إفتح قيصري يادكتور
مفيش حالة بيولدها طبيعي أبدااااااااااا خلال السنة الي فاتت ع الاقل
علشان طبعا الــ 1000 ج الي بياخدها في عملية ولادة في عيادة تحت بير سلم ومكان قذر

الحل إيه؟
أنا عاوز حل قانوني للكائن ده
لمصلحتي
ولمصحلة الناس