كارثة بجد

**AutoTycoon** · 10-01-2012 12:50 PM

مش عارف حاسس انها صدفة .. ممكن يكون صاحب العربية التانية كان موجود و انتوا مش واخدين بالكوا مثلاً

صعب اوي الكلام اللي بتقولوه دا يا جماعة .. دا التليفون اللاسلكي في البيت مش بيلقط من لاسلكي الجيران لو نفس الماركة

**mohammedabdallh** · 10-01-2012 01:00 PM

ربنا معاكوا

**mhkash** · 10-01-2012 01:23 PM

المشاركة الأصلية كتبت بواسطة autotycoon

مش عارف حاسس انها صدفة .. ممكن يكون صاحب العربية التانية كان موجود و انتوا مش واخدين بالكوا مثلاً

صعب اوي الكلام اللي بتقولوه دا يا جماعة .. دا التليفون اللاسلكي في البيت مش بيلقط من لاسلكي الجيران لو نفس الماركة

معاك حق - الكلام شكله مش منطقي اطلاقا

**mhkash** · 10-01-2012 01:28 PM

المشاركة الأصلية كتبت بواسطة ibnmoaz

السلام عليكم انا من ملاك الالنترا 2012 .وانا ساكن في عماره فيها عربيتين نفس النوع والعماره المجاوره فيها واحده مانيوال وبنركن في مكان يكاد يكون واحد محصلش معايا ابدا الموضوع ده لا حد فتح عربيتي ولا انا فتحت عربيت حد.وعلي الرغم من كده لما قريت الموضوع نزلت انا وجاري نجرب المشكله دي مفيش حاجه حصلت لدرجه قعدنا نلعب وندي الاوردر في نفس الوقت برضو ولا حاجه
ثانيا الالنترا مفهاش انذار بمعني انذار دا عباره عن دايره كهرباء بتفصل الدواره بتاعت العربيه وتشغلها عن طريق المفتاح اللي بيسموها الايمبولايزر و بختلف الايمبولايزر ده من شركه للاخري في عدد دواير الكهربا المتحكمه في الفصل والتشغيل وكلما زادت عدد الدواير دي كان الامان اعلي لانه علي الحرامي الوصول ليها سريعا كلها وتوصيلها ودا شئ مستحيل.
ولهذا فانه لابد ان يتم تركيب هذا النظام من قبل الشركه المصنعه وليس الموزع او حتي الوكيل لانه بيتم ربط الدواير الكهربا دي مع بعضها ومع الكونتاكت ومع كومبيتر العربيه وغيره ثم بعد كده بيجربو العربيه في تجاربهم العاديه قصدي بيمشو بقي في خط الانتاج عادي. وقد يتم تركيبه محليا فعلا ولكن بصوره بدائيه علي دايره كهرباء سهله وساعتها ربنا يستر والدايره دي ما تأثرش في حاجه في الكومبيوتر ولاحاجه

الله ينور عليك - بصراحه انا مش مقتنع ابدا بالموضوع

**ahmedsql** · 10-01-2012 01:46 PM

اعتقد ان دا كلام مش منطقي , اولا لو فرضنا انه بيشتغل بجهاز الإنذار التجاري زي Wolf او غيره بيكون كل زرار ليه كود مش الريموت كله كود واحد. و بعدين جهاز الإنزار هو البيتبرمج على الريموت مش العكس و من رابع المستحيلات الاكواد بتاعت الزراير دي تتكرر لأنا بتكون ارقام و حروف.
انما بقا لو جهاز انذار ستوك , كل شركة عربيات بيكون ليها ستاندرد مختلف عن التاني.

**ls1090** · 10-01-2012 08:58 PM

اولا يا رجالة انا متقبل كل التعليقات
ثانيا انا مش فاضى احكى قصص
ثاثا انا مليش فى الانذار انا كلمت كهربائى سالته الموضوع ده يحصل امتى
قال احتمال حدوثه 1 % يكونوا الجهازين اتعملوا باشارة واحده شفرة واحدة عن طريق الخطا
والكلام ده مش معناه ان يحصل مع كل العربيات
رابعا هو راح غبور انهارده وقالهم الانذار بيعلق ومره يفتح و عشرة لا علشان خاف يقول لهم على الموضوع مش يغيورا وكمان مش عايز يعمل قصة لان والده كان معترض على العربية من الاول
والمفجاه ان غبور غيرو على طول
خامسا تقبلوا تحياتى
وارجوا من الادراة غلق الموضوع

**ايهاب سمير** · 10-01-2012 09:04 PM

المشاركة الأصلية كتبت بواسطة ls1090

هى مشكلة الكورى عموما التامين ضعيف

والمشكلة الاكبر انتشار كبير فا الاحتياج للقطع الغيار كبير
شكل الحرمية اتجهوا للالنترا علشان مبيعاته كتير قرارو توفير قطع غيار للمستهلكين طبعا بعد لما وفرور قطع غيار للشقيقته السيراتو

هو مش حضرتك بتقول ان العربيه التانيه مش بتاعة صاحبك خليجى يعنى مالهاش دعوه بغبور يعنى ممكن الموضوع يكون صدفه وبعدين الانذار اللى بيتركب ده اكيد صينى وطبعا لما نقول صينى وكمان فى مصر ممكن نشوف العجب العجاب بس عموما لازم يكون فيه تغيير فى طريقة تركيب الانذار لان كل اجهزة الانذار اللى بتتركب فى العربيات بيتمد السلوك بتاعتها من جنب الدواسات على الشمال لغاية خارج العربيه من تحت الرفرف متجهه الى سارينة الانذار وطبعا اى حرامى فى كى جى وان بيمد ايده الجميله من تحت الرفرف بعد ما يرفع الفبره اللى تحت الرفرف وبقصافه ويقطع السيلك اللى رايح السرينه وبكده ولا كانك مركب انذار علشان كده الانذار الاصلى اللى بيكون ماشى مع ضفيرة العربيه نفسها بيكون بعيد جدا عن المشكله دى فالحل دلوقتى الفنيين اللى بيركبو الانذار يشوفو طريقه تانيه تمشى بيها السلوك بحيث تكون مستخبيه.

**Land_Cruiser** · 10-01-2012 11:02 PM

المشاركة الأصلية كتبت بواسطة autotycoon

مش عارف حاسس انها صدفة .. ممكن يكون صاحب العربية التانية كان موجود و انتوا مش واخدين بالكوا مثلاً

صعب اوي الكلام اللي بتقولوه دا يا جماعة .. دا التليفون اللاسلكي في البيت مش بيلقط من لاسلكي الجيران لو نفس الماركة

+111111111