الموضوع: تجارب واراء الاعضاء .. فى تركـيب قـطع غيـار نيـسان غـير اصـلية

انا كنت عملت مشاركة قبل كدة مشابهة بس المرة دى بتفصيل اكتر

مش كل شركات العربيات بتصنع كل قطع الغيار و فى حجات كتير لو جبتها من مصدرها الاصلى حتوفر كتير

مثلا انا حتكلم فى البيجو على اساس انى مجرب الكلام ده فى عربيتى و فى بعض العربيات

- مكن الفرامل الاصلى الفابريكة البينزل فى العربية Bosch او TRW فى الخليجى انا عربيتى خليجى و جايبها زيرو و كنت فكيت مستر الفرامل الخلفى و لقيته TRW حتى مفيش علامة بيجو فقط رقم القطعة
- اجزاء لا حصر لها Valeo نازله فابريكة فى العربية
- بوجيهات الفبريكة بوش و فى المرسيدس البتنزل نجمة برده بوش هية العملها
- البلى بتاع العربية الفبريكة SKF و لما باظ غيرته ب SKF مش من التوكيل و مش فى علبة بيجو كان علبة SKF و داخل على 80 الف بدون مشاكل
- فلاتر العربية تصنيع Purflux حتى غطاء الفلتر بتاع الزيت الفابريكة مكتوب عليه Purflux
- لمبات الزينون الوحيدة البتنزل فى العربيات المجهزة من المصنع Philips / Osram / Koito japan كنت سالت فى فولكس على لمبات الجيتا قولوى 1800 من كام سنة و اللميات دى اصلا philips D2S كانت سعتها عند هاشم بصلما كان موزع 380 جنيه فرق العلبة و اللمبة واحدة و فى منها للمرسيدس و بى ام برده نفس اللمبة باسعار متفاوتة اذا حتشتريها من التوكيل بالتغليف الاصلى OEM packing العليه العلامة بتاعت الشركة
- سير الكاتينه الفابريكة مصنع من Gates
- الدينامو الاصلى فى الخليجى Mitsubishi و المواصفات المصرى Valeo و لما باظ عندى شيلت ركبت Valeo
- المارس الفابريكة Valeo
- الكنترول Siemens

الفكرة كلها انك الاول تعرف الشركة المصنعة للقطعة و بعد كده تلاقى القطعة من المصنع الاصلى دى و متكونش مضروبة لان اغلب الاسامى العالمية بتضرب فى الصين و غيرها
انما لو القطعة من المصنع اصلية حتعيش و حتدى نفس الاداء
فى اليبانى حتلاقى حجات Denso , Masushita , Mitsubishi دول الافتكرهم
و طبعا وارد جدا ان يكون فى عيب صناعة فى اى حاجة بس لا يقاس عليه