يعنى أنا لما أفكر أغير اللى مكتوب على التابلوه (29/32) و أجرب (33/36) ألاقى الصقور كلها حولت الى (29/32) :oho:
انا كده هفضل (29/32)
:colsmil:
عرض للطباعة
يعنى أنا لما أفكر أغير اللى مكتوب على التابلوه (29/32) و أجرب (33/36) ألاقى الصقور كلها حولت الى (29/32) :oho:
انا كده هفضل (29/32)
:colsmil:
لا المقاس المذكور ده عن تجربه افضل طبعا مش بناء على تعليمات من حد وبعدين 33 امامى ده موصى عليه من قبل المصنع وده انا مفضلش انه يتغير عن كده لان لو فرده كاوتش ضربت منك على سرعه عاليه لا قدر الله مش حتعرف تتحكم فى السياره من اصله لكن لو بالخلف حتكون عمليه التحكم ايسر بكتير من الامام غير كده بقى بقى حنقلل 3 درجات فقط بالخلف وده عشان المساعدين من الخلف بترتاح اكتر فى المطبات وبتكون السياره مرتاحه معاك وده رأى الشخصى اما بالنسبه لزياده معدل ضغط الاطار من 32امامى الى 33 امامى كما ذكر بعض الاخوه الكرام ان ده عشان ان الباور يكون خفيف معاك كده كده انا مغيرتش منه حاجه حيفضل زى مهو المعدل المذكور وبعدين فيه ملحوظه ذكرها اخ فاضل بيقول ان السياره متجمعه هنا اوك مختلفتش معاه فى النقطه دى بس لو يقدر يدينى مبرر للنصائح اليى قالت عليها الشركه المصنعه بزياده فرق الاطارات من 30 لموديل حتى نص 2010 وبعد كده خلته 33 امامى بدون التغيير فى خصائص الكاوتش ياريت يقولى غير موضوع الباور ده لان الباور ده اصلا خفته مش ميزه ابدا كما ذكر البعض وخصوصا فى السرعات العاليه بيكون خطر جدا واى هزه بسيطه فى الدركسيون بتكون بحساب ومكلفه اوى اوى لصاحبها لو اساء تقديرها صح عشان كده انا مش شايف ابدا من وجهه نظرى انى اتحايل على استهلاك البنزين شويه او انى اخف الباور شويه انى ازود معدل ضغط الاطارات وده عشان يكون الباور خفيف لا انا عن نفسى مقتنع بموضوع الباور الثقيل وانصح اى شخص لو بيسافر كتير يبعد عن الباور الكهربا خالص وخصوصا لو كان من هواه السرعات العاليه فى السيارات التى تقل قيمتها السعريه عن 160 الف جنيه وزى مقولت انت اخى الفاضل ينصح زياده الضغط فعلا فى حاله السير فى البلد للمعدل المذكور بتابلوه السياره الجانبى لكن لو انت على طريق سريع يبقى تخليه زى الموديلات القديمه افضل مليون مره وخلى الباور تئيل وده ميزه فى السرعات وليس عيب لان فى الطرق المفتوحه الكاوتش بيسخن مع الاسفلت فى الصيف خصوصا وبيتمدد ساعتها بتكون انت برضه فى امان لان التمدد مش بيكون كتير اقصى حاجه درجتين فوق معدله بس المهم الباور يكون رزين عشان كده بنصح بتقليل الضغط فى السفر سواء صيف او شتاء داخل البلد معروف انت حتمشى على سرعه كام حتى لو حصل تمدد فى الصيف داخل البلد مش حيكون خطر عليك فى الحاله دى التمدد بيكون اكثر على الطرق المفتوحه نظرا لان السياره تسير فتره كبيره وخصوصا فى الصيف بالنهار كمان بدون توقف ولو محمله كمان تفرق بالنسبه لتعرض الاطار للخطر بشكل اكبر ولو حتلاحظ معظم مشاكل انفجار اطار السياره حتلائيه على الطرق السريعه مش داخل البلد للعوامل المذكوره اعلاه يبقى الخلاصه خليك فى الامان احسن غير كده جوه البلد خليك على المنصوص بالكتالوج 36 امامى و33 خلفى ولو انى مش مرحب بيها لانها بتكون على حساب الشعور بالمطبات القاسيه وتلف عفشه السياره فى وقت اقل من المفروض انها تحتاج صيانه فيه ولو على انا شخصيا انا قولت بالنسبالى بفضل 33 امامى و30 خلفى ولو حابب تكون على مواصفات المصنع حيبقى 32 امامى 29 خلفى للموديلات القديمه ومش شايف فيها مشكله اصلا عن نفسى لان اوزان السياره هى هى سواء حديثه او موديل قديم وكمان الجنط r15/65/185زى مهو يبقى مفيش مبرر لللزياده اصلا عن ذلك اتمنى اكون استطعت اجابتك واجابه معظم الاخوه الزملاء الافاضل ولكم جميعا تحياتى واسف للاطاله عليكما بس حبيت اتكلم بشكل مستفيض اكتر لتعم الفائده على الجميع والله الموفق
للتغلب على مشكلة تمدد وانكماش الضغط داخل الاطارات بفعل السخونة والاحتكاك ع الطرق السريعة الافضل تحط نيتروجين وليس هواء عادى وده لانه مش بيتأثر بدرجات الحرارة ابداااا وبيفضل فى كافة الظروف محتفظ بنفس درجة الضغط (عن تجربة من اول الزيرو 75% سواقة على طرق سريعة) وكمان بيستعمل فى كافة سيارات السباق العالمية للامان العالى للاطارات والحد من مشاكل انفجارها خاصة على سرعات والسبب الاساسى لها هو تغير منسوب الضغط بسبب الحرارة
انا مظبطهم على نيتروجين 29 ورا 30 قدام الكلام من ده اول الشتاء و فى عضو تكرم و قال انها مش بتفرق لان ده نيتروجين فعلا كلامه صح .. بس بتفرق لان الكاوتش نفسه مادة مطاطه و بتتأثر بدرجة الحرارة !!
و فى الصيف 29 ورا 32 قدام
اول مرة اشوف حد بصراحة بيظبط ضغط الشتاء اقل من الصيف !!!
ونصيحة اخوية ظبط نفس الضغط ايا كان صيف شتاء واحد لو نيتروجين ولو مش مصدقنى امشى بالعربية مسافة طويلة وافرك واجرى ولما تقف انزل حط ايدك على جوانب الكاوتشات خاصة فى الصيف وشوف الفرق بين الهواء العادى اللى بيسخن الكاوتش والنيتروجين اللى بيحافظ على عدم سخونته :verygood:
انا ياما سافرت بورسعيد صد رد سواقة 500 كم وفوق ال110 كم/س ولما انزل الاقى الكاوتش بارد
وبالنسبة للمطاط هو مصنوع عشان يتحمل الحرارة وده بيبان من بيانات ورموز الاطار temperature A or B والافضل طبعا A بس بشرط فى اى كاوتش يتظبط على الضغط المنصوص عليه والمناسب لكل سيارة وليس لكل مقاس ودى نقطة مهمة والسبب الرئيسى فى تآكله من عدمه هو عدم الاهتمام بضبط الضغط بصورة دورية والمحافظة عليه وليس درجة الحرارة
----------------------------
:: معلومة ع الماشى ::
- عند زيادة ضغط الاطارات ... يكون السطح الملامس للارض (المداس) اقل ومعدل التآكل فى المنتصف اكبر من الجوانب
- عند نقص ضغط الاطارات ... يكون السطح الملامس للارض اكتر ومعدل التآكل فى الاطراف اكبر من المنتصف
- ينصح فى حالة السواقة على الرمل وفى الصحراء off road تقليل ضغط الاطارات الى ما دون ال26 على سبيل المثال لو الطبيعى كان 30 وده عشان العجل ما يغرزش ويكون الكاوتش عريض وفارش ع الارض
- ينصح فى حالة السواقة على الطرق الحصوية او الصخرية بزيادة الضغط قليلا بدرجتين على سبيل المثال وده لتقليل السطح الملامس وتجنب حدوث تشققات او قطع فى الكاوتشات
- ينصح بتدوير العجلات كل 10 الاف كم لان معدل تآكل كل اطار مختلف عن الاخر وبعد فترة تؤثر سلبا على اتزان العربية فيكون الترتيب حسب زيادة معدل التآكل كالتالى:
خلفى شمال > خلفى يمين > امامى شمال > امامى يمين
ارجو ان اكون افدتكم جميعا
بعد تجربة (33/36)
تم العودة الى (29/32)
لانى أفضل ثبات العربية عن أن الباور يكون خفيف و استهلاك البنزين يكون أقل
و الفرق أصلآ مش كبير
و كمان الأحساس بالمطبات أقل بكثير عند الظبط على (29/32)
تحياتى للجميع