متابع
عرض للطباعة
متابع
الامريكان كوفي يا جماعة هي عبارة عن قهوة تركي بس بدون اي اضافات صح ؟
انا امبارح كنت في سيتي ستارز ودخلت مكان بيبيع مختلف انواع القهوة اللي تتخيلوها
المهم قلتلله ممكن اجرب ؟ قالي شور :))
المهم عجبتني جدا وتقريبا هي هي القهوة بتاعتنا بس بدون اي منكهات
وفي المكان ده بيبيعوا الكيلو ب 160 جنيه ... هو كده كتير ولا حلو
هو قالي انها 100% arabica مش فاهم يقصد ايه :)
طيب لو حد ليه في الحوار ده ياريت يقولي على تفاصيله ومحتاج ايه علشان اعملها في البيت وايه اللي بيفرق ماشين ب 100 جنيه عن ماشيين ب 800 جنيه ؟؟
انا حسيت كمان ان الامريكان كوفي هي هي الاسبرسو بس اخف شوية ولما قولت للراجل كده قالي بس احنا ممكن نعلي تركيز الامريكان ونخليها قريبه جدا من الاسبرسو
باشا
متعرفش هناك في فلاتر ولا لا
لاني دايخ علي الفلاتر بقالي فترة
الصراحة الموضوع جميل كله قهوجية فقلت ادحرج التماسي
بص يا باشا لو الماشين بتاعتك مثلا مولينيكس او بلاك اند ديكر او براون
هتسئل في التوكيل هتلاقي فلاتر اكييييييييييييييد
بس بدل ليك في الموضوع ده فدني بخبرتك وقولي جهازك نوعه ايه
وايه اللي بيفرق الاجهزة عن بعض لان فيه تفاوت كبير في الاسعار
وبتجيب الخام منين وبكام ؟ ... وايه رايك في الامريكان كوفي عامة ؟؟
انا المكنة بتاعتي نوعها Brown كنت جايبها من المانيا
و للاسف الفلاتر ملهاش علاقة بالنوع لانها انواع فلتر خفيف او تقيل
الي يفرق في الانواع هو سرعة الاعداد و بنسبة قليلة كمان السعة
الخام بجيبة من مطحنة جنبي في شبرا اسمها Coffee House او معلب جاهز من مترو - كارفور - هايبر
انا بفضلها لاني بحسها وسط ما بين القهوة العربي و النيسكافيه
قهوه السلام الطاظه ممتازه
رحت البلد وانا من الشرقيه ودعبست فى البيت لان عارف ان جدتى كان عندها هون ومحمصه بن ومطحنه والحمد الله لقتهم ونظفتهم واشتريت ربع كج بن اخضر من عند العطيفى فى فيصل وحمصته كويس وقمت بطحنهم وعملت احلى فنجان قهوه شربته فى حياتى وان شاء الله هشترى سبرتايه وانا عندى الكنكه النحاس