بصرة! ولكن احيانا بشرب مجين ايام الشغل الطويل بنقعد ال12 ساعة نراجع log files وبالتالي لابد من مجين!
بشربها عالريحة لان السكر في "رأي" بيضيع طعم القهوة. والقهوة السادة صعبة حبتين.
عرض للطباعة
انا ادماااااااااان قهوة ولاااازم مج مش بعترف بالفنجان ده خالص باحسه
عينة مجانية مش بيعمل اي حاجة
طيب ما تيجوا نعمل مقابلة للقهوجية بس ونشوف اختيار الاعضاء عن احسن مكان شربو فية قهوة ونهجم علية هجمة رجل واحدة :) ؟؟ قلتوا اية؟؟؟؟؟؟؟؟؟؟؟
نور : فية نوع كاكاو تحفة اسمة هينتر هو المانى علبتة صفيح ولونها بنى بيكون دايما موجود فى مترو وهايبر حاجة كدة خاااااااام فية منة محلى (بسكر ) وفية بدون :) كادبورى المستورد جنبة صفر على الشمال الفرق بينهم زى الفرق بين كاكاو عم حلاوة ونسكويك :)
منصحش بالاكثار من النسكافيه السادة من غير لبن ....صاحبكم قعد سنة يضربها على الريق الصبح لغاية ما جالوا مغص كلوي
سؤال بس يا جماعة
انتو بتتكلموا على القهوة المفضلة عموما..ولا قصدكم على القهوة بتاعة القهوة...البن المحوج يعني
أصلكوا بتقولوا موكا و بوحة و أنواع كتير :)
لأ ... واحدة واحدة بقى وقوليلي بتعمليه إزاي بالتفصيل ويعني إيه في الخلاط .. لأني بحب الكاكاو جدا ومش لاقي في مصر غير نيسكويك بقضي بيه الغرض ومش عاجبني قوي زي زمان
هنتر .. جربته ومش عاجبني طعمه مر شوية
وماليش في القهوة عشان ما أبقاش خرجت عن هدف الموضوع :)
مدمن قهوة من صغرى ... لدرجة انى كنت وصلت مرة لـ 13 فنجان يوميا لدرجة مبقتش تأثر عليا فى موضوع الانتباه أوالنوم .
وبعدين بطلت شربها بسبب تاثيرها على القولون وبكتفى حالياً بفنجان او اتنين فى اليوم على الأكثر ... وبشربها مظبوطة او مانو .
بشترى بن من وردة البن اليمنى فى باب اللوق وبجيبه فاتح محوج خفيف بعد ما جربت عبد المعبود وشاهين (على فكرة شاهين ليه فرع فى عباس العقاد وعنده بن العميد كمان) لاكن استريحت لوردة البن اليمنى وبجيبة على فترات بكميات ليا ولناس بعد ما عجبهم .
بطلت اعملها فى البيت من فترة طويلة ... لاكن عندى كنكة نحاس مخصوصة ليها ولما كنت بعملها كنت بعملها زى ما قال جوو بالظبط .
وعلى فكرة بشرب قهوة دلوقتى ... أتفضلوا .