استفسار : رقم شاسيه ال2002 موجود فين؟؟

**original** · 10-01-2012 09:24 PM

المشاركة الأصلية كتبت بواسطة taswos

الله يبارك فى اعماركم فعلا لقيته على باب السواق وبيبدأ ب wdb وطلعت موديل 2000 والله حاجة تكسف وتغيظ فى الورق بتاعها وفى الملف بتعاها 2002 وهى 2000 ربنا يجيب العواقب سليمه
والعربيه 6 غيار مانوال وطلع عينى لحد مالقيت طقم اصلاح للقتيس والنوكيل قاللى عليك وعلى المدعوه المانيا وربنا سهل الحال ولقيته عند الحاج مصطفى فى الخرفيين بعد يومين لف ودروان
انا لما كانت بتستعصى على حاجة فى البى ام يادوب مشوار على بورسعيد وكل اللى انا عايزة بلاقيه وبارخض الاسعار
شكرا يارجاله وربنا يوفقكم وكنتش متوقع سرعة الرد والادب ده كله

لا شكر على واجب دى كللها إجتهادات

**midogeem75** · 10-01-2012 09:59 PM

اولا الف مبروك وربنا يبارك لك فيها. ثانيا عن تجربه شخصيه انا كنت بأتعامل مع التوكيل فقط وكان ده طبعا مكلف جدا.وقررت اغيره واروح لحد بيفهم. وخلي بالك من بيفهم دي لانك لو رحت لاي حد ممكن يعك الدنيا لاقدر الله.فيه مركز صيانه متخصص في مرسيدس خلف قسم عين شمس اسمه مركز المهندس احمد عثمان .راجل محترم وفاهم وممكن يوضحلك اي حاجه انت عاوزها وكمان الناس اللي عنده محترفين واسعاره معقوله وقطع غياره مضمونه لانها مرسيدس اصلي ولو عاوز حاجه استيراد عنده ناس متخصصه في الموضوع ده وبيخافو علي اسمهم وسمعتهم جدا.وتقبل تحياتي. اخوك جمال