الموضوع: السلطه الفلسطينيه متورطه في سرقة السيارات المصريه

المشاركة الأصلية كتبت بواسطة abogogo

قال تعالى : بسم الله الرحمن الرحيم {يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ } (الحجرات :6)
طبعا انا لا اقصد الزميل العضو كاتب الموضوع لاسمح الله او اي عضو كتب مشاركة في الموضوع ...!!!
مش معنى ان في عصابات عندنا بتسرق العربيات وتدخلها غزة يصبح كل الاخوة الفلسطينيين لصوص وحرمية وقاطعي طريق وبلطجية وشحاتين و..و..و..والخ يااخونا الناس دول محاصرين برا وبحرا وجوا يعني شعب محبوس في سجن هما بيجيهم نقود عبارة عن معونات وتحويلات الفلسطنيين في الخارج وكنت اعرف تجار مصريين بيشتروا بضاعة من السوق المصرية ويبيعوها للفلسطنيين بأضعاف اثمانها ويتم تهريبها من الانفاق والبضاعة كانت عبارة عن مولدات كهربائية صغيرة وبطاطين وطلمبات رفع مياه ولمبات وبطاطين وسائل معيشة وطوارئ ... الخ
- على فكرة غالبية التاكسي في غزة مرسيدس بأنواعه وعندهم عربيات نضيفة والعربيات اللى بتدخل من مصر بتكون دفعين فلوسها للوسيط المصري يعني لو العربية سليمة او مسروقة مش ذنبهم الذنب بيكون من اللى سرقها هنا ودخلها ودول بيكونوا اشخاص مصريين وبدو وفلسطينيين يعني عربية تتسرق من القاهرة او الاسكندرية او اي محافظة وتدخل سيناء حتى رفح المصرية وتعدي نفق الى الجانب الاخر من رفح الفلسطينية .. لاحظ كمية الاكمنة اللى بتعديها العربية ؟؟!! ويكون الفلسطنيين هما اللى بعملوا كده لوحدهم ..؟؟!!! الموضوع ياريت نفكر شوية يعني انا لو نزلت العتبة والمحفظة اتسرقت مني هل اقول " كل الناس اللى في العتبة حرامية "؟؟!!!
وتقبلوا تحياتي ...

+1

يا جماعة اتقوا الله !
ولا اقول لكم ؟ اسمعوا كلام اي خليجي على المصريين (طبعا قبل الثورة اللي بتكرهوها في الاغلب , الكلام ده لمن يكرهها) , و ان كان كلامه عليكم صحيح يبقى كلامكم على الفلسطينيين جماعة صحيح !