الموضوع: الامارات كلاكيت تانى مرة

المشاركة الأصلية كتبت بواسطة M_HaFeZ

حضرتك فهمتنى غلط انا بحترم الامارات ككل
بس كنت بسألك على المعيشه هناك عامله ازى
يعنى من اول كام تقدر تعيش لو انت متجوز ده بالنسبه لابوظبى وياريت لو عندك فكره بالنسبه لدبى
لانى باسمع ارقام خرافيه
اللى هو هيروح على 15 الف درهم يدوبك يعيش فى دبى

معلش انا رخم بس السؤال ده شخصيا حبيت اجاوب عليه ...

15 الف في دبي هيعيشوك كويس اوي في منطقه نائيه بعيده عن دبي ... او حتى تعيش في الشارقه و تبقا تسافر كل يوم دبي .... لكن 15 الف شهريا دول يا باشا ميكفوش ايجار السكن (بــــــس) في دبي
بالنسبه لابوظبي السكن كويس نوعا ما ... او بالاصح ... كااان كويس ...
من حوالي 6 سنين كانت الشقه غرفتين و صاله بحوالي من 55 إلى 70 الف في السنه
دلوقتي بقت من 100 إلى 120 الف في السنه لنفس الشقه المذكوره ولكن مع مساحات اقل
بالنسبه للاكل والشرب في ابوظبي طبق الفول من عند ابوشقره بـ 10 درهم (15 جنيه) ... او قضيها معلبات ... متوسط الاكل اليومي فطار و غدا و عشاء حوالي 15 درهم فطار و 35 إلى 50 درهم غداء و من 15 إلى 25 درهم عشاء ... يعني قول بتاع 100 درهم مفقولين يوميا (150 جنيه) ... بس خلي بالك ده لفرد او فردين بكتير اوي ...
ممكن بقا تقضيها في مطاعم الهنود و الباكستانيين فطار بـ 5 درهم و غدا برياني بـ 10 درهم و عشاء بحوالي 3 أو 4 درهم ... يعني قول 20 درهم بالهندي :)
المواصلات في انواع كتير اوي من المواصلات
التكاسي في منها 4 انواع

الخاصه العاديه ودي سعر ال 1600 متر بـ 1 درهم
الخاصه المطوره (الرصاصي) ودي سعر ال 1600 متر بـ 1.50 درهم
الليموزين التاكسي وده الغالي العداد بتاعه معرفش صراحه بيقلب ازاي بس طول ما هوا قاعد عمال يعد ... يعني مره واحده (ومش هتتكرر ان شاء الله ) ركبته في مشوار حوالي 4 كيلومتر اخد 46 درهم (69 جنيه)
في بقا الليموزين الخاص (وده بيختلف عن السابق انه عربيه ملاكي مش اجره ومعلاهاش اي علامات و غالي جدا ) ...
توصيل المطار بـ 300 درهم من ابوظبي ( مشوار حوالي ساعه)
في الاتوبيسات بتاعت النقل العام ودي مواعيدهم حاده زي السيف ... الساعه 7 يعني 7 .... يعني 7 و دقيقه هيكون مشي وتستنى اللي بعده على 8 او 9 (على حسب الخط)
وده رخيص جدا بحوالي درهم اوتنين

الملابس .... دي ارخص من مصر حسب ما واحد صاحبي قالي ...
بس مش هتلاقي غير الماركات بس ...
يعني القميص اللي بـ 600 جنيه في مصر هتلاقيه بـ 200 و 300 درهم في الامارات
هكذا


معلش رخامه على تدخلي

المشاركة الأصلية كتبت بواسطة casber

الاماراتين شعب متحضر لابعد الحدود
وشعب ذكى وودود وطيب ومش بيكره حد

لحد كبير انا متفق معاك
يتصادف إن كل الإماراتيين اللي باتعامل معاهم في شغلي هنا في مصر بنفس الصفات دي
وسمعت من ناس كتير إنهم منهم كتير بالصفات دي

فكرتني:
الامارات بتوزع قمح على العرب واحنا قاعدين..........
وقطر بتحل المشاكل السياسية واحنا قاعدين ........
وسوريا قربت تاخد الجولان واحنا قاعدين ......
و قالوا هيلغوا قانون الطوارئ و اتمد سنتين واحنا قاعدين ......
وبكره البلد كلها تتباع واحنا لسه برضه قاعدين .....

انتم لسه قاعدين

ياله يا رجاله بينا

اطلع يا اسطى