الموضوع: الامارات كلاكيت تانى مرة

المشاركة الأصلية كتبت بواسطة أبو عبدالله

الامارات بتاخد بطولات عالميه الان على ارضها ونحن سابقتنا صفر من قبل
ولسه برضه بنشوف مشكلة طابور العيش

يا اخي نحن نتكلم على واقع وليس تاريخ
هم يفعلون الان تاريخ لبلادهم ونحن ندمر تاريخنا بأيدينا

مصر ليسة واخدة بطولة افريقيا , و بطولة علامية اهة , يبقى كدة احنا بنتقدم و لا بنتخلف .
و تصحيح لكلامك يا ابو عبد الله , ان بعض منا يدمر تاريخنا , انما المصريين الشرفاء اللى بيعملو بجد و باخلاص بيبنو تاريخ لانفسهم و لمصر , و فى امثلة كتير للنجاح , تابع برنامج ابراهيم الفقى على قناة عين " قصة نجاحة" : و شوف نماذج النجاح عاملة ازى , محدش فيهم قال مصر فيها و فيها , كلهم اجتهدو و كافحو و نجحو فى النهاية , و لكل مجتهد نصيب , انما احنا مش شيفيين غير المشاكل و كلة شغال نقد فى نق و ناقم على بلد و اللى فيها بسبب فلان او علان ,
طيب ما كل واحد يوقد شمعة بدل ما يلعن الظلام , اكيد حنشوف مصر مختلفة , و انا بتكلم عن 78 مليون بنى ادم مش 4 مليون 80% منهم اجانب جايين عشان البلد فيها فلوس بترول و خلاص .

مصر فيها مشاكل , طبعا فيها , و بعد موجة الغلاء اكيد فى ناس كتير تعبانة , بس مش معنى كدة انك كل المصريين كدة , فى ناس كتير بتشتغل و بتاخد مرتبات ممتازة و فى ناس عاملة مشاريع نجحة كتير , و فى تطوير بيحصل فى مجالات كتير , انما مع العدد الكبير بيضيع كتير من الجهد دة , اللى عاوز ينجح و عاوز يتفوق اكيد حيلاقى فرصة .

مصر مازلت فى المقدمة برغم كل الظروف و دة رايى الشخصى .و المستقبل حيكون افضل و افضل كمان ان شاء الله

الموضوع اتحول للدفاع عن الوطن و الوطنيه ضد المفسدين وناكرين الجميل "مش عارف حاسس ان الكلام ده بقى مستهلك وسمعناه قبل كده من السياسين المعروفين الى واكلين البلد وبيقولو ان كله تمام والبلد تمام والشعب تمام " ...........

استاذى الفاضل " Wawoo " انا مقدر دفاعك عن بلدنا .. اكيد محدش بيكره بيته واسرته .... لكن بيزعل لما يشوف احوال غلط جوه بيته واسرته .. هو مش قادر يغيرها .... لان اساسا محدش بيسمعه .... يبقى حيغير ايه ؟

ارجوك ارجوك.... متحولش الموضوع لموضوع وطنى وان فى جبهتين ... حضرتك مش مصرى واحنا يهود ...........احنا بنتكلم عن الواقع الى امامنا ........ انا بفتخر بتريخى " ويمكن ديه الحاجه الوحيده الى فاضللنا نفتخر بيها " وعارف ومتأكد مصر كموقع جغرافى " بدون ادنى مبالغه " افضل موقع جغرافى فى العالم " مصر فى نص العالم بالظبط " ونص حدودها على شواطى , وفيها نهر من اطول انهار العالم .

بس هل احنا استغلينا كل المميزات ديه ؟ لا
هل احنا عندنا تخطيط صح ؟ لا
هل احنا دوله متحضره ؟ لا

احنا وصلنا للحضيض , وافلسنا فكريا وابداعيا و اخلاقيا و حضاريا.

ياريت تشوف مدينه زى 6 اكتوبر من 10 سنين كانت عامله ازاى , ودلوقتى بقت ازاى ....!! زمان كانت جميله ونضيفه ومفهاش زباله .. كانت مدينه متحضره وراقيه ......... عملنا فيها ايه ....... قدينا على الجمال الى فيها بتخلفنا .

ياريت تنزل فى شارع .... وتشوف الى بيحصل من سفاله وقله ادب و بلطجه

ياريت تفتح ميلودى وتتفرج على فننا الجميل !!!

او تقلب على قناه فضايه تانيه تلاقى واحد عامل نفسه شيخ وداهيه وهو اساسا لا يفقه فى شى .................. مش احنا برده اى طلع واحد من جامعه الازهر وافتى بأرضاع الكبار !!!!!

والامثله كتير ولا تحصى .
العيب مش فى مصر " كارض " العيب فينا المصرين " كشعب " .


---------------------------------------------------------

ياريت نحاول نضع حد للمناقشه علاشان مانوصلش للصفحه ال20 ولسه بنتكلم .

سمعنا كل الاراء ........ ياريت الموضوع يبقى نقاش ومايتحولش لجدال وشد وجذب واضاعه للوقت .

عن نفسى انا حكتفى بالمتابعه ومش ححط اى مشاركه تانى فى الموضوع لانى معتقدش عندى حاجه تانى ممكن اضيفها .. لانى حبقى بكرر الكلام .

-----------------------------------------

المشاركة الأصلية كتبت بواسطة MohabSaeed

[COLOR=royalblue]COLOR]

ياريت تشوف مدينه زى 6 اكتوبر من 10 سنين كانت عامله ازاى , ودلوقتى بقت ازاى ....!! زمان كانت جميله ونضيفه ومفهاش زباله .. كانت مدينه متحضره وراقيه ......... عملنا فيها ايه ....... قدينا على الجمال الى فيها بتخلفنا .
COLOR][/SIZE]

-----------------------------------------

'طيب اية رايك فى مدينة الرحاب , اية رايك فى حى الاشجار , اية رايك فى دريم لادن , اية رايك فى مارينا , اية رايك فى سيرنيا , ما دى برضو مدن جديدة على ارض مصر و وصلت لمستوى رائع من الجمل و ليسة فى مدن جديدة حتكون على نفس المستوى و اعلى كمان , انما كل واحد مش شايف غير المثل السىء و بس و بيقيس علية كل حاجة و كأن مافيش اى حاجة كويسة او حلوة فى هذا البلد , و مافيش اى تقدم بيحصل .
لاء فى تقدم كبير بيحصل بس الناس مش وخدة بلها و عاوزة اكتر و اكتر من غير ما تعمل حاجة , شوف مصر من عشرين سنة كانت عملة ازى , موصلات ازى و اتصلات ازى و مشاريع ازى , و قارن انهارد و شوف الفرق , و كل دة بالرغم ان عدد السكان تقريبا تضاعف ,


انا معاك ان فى طبقات فقيرة بتعانى , انما خلينا صرحاء طول عمر مصر فيها فقراء , و السعودية فيها فقراء و الكويت فيها فقراء و متسوليين ,
يعنى مافيش دولة مافيهاش فقراء و ناس ذات دخل محدود , دول موجودين فى كل الدول , العدد بس هوة اللى بيختلف بالنسبة للعدد السكان ,
امريكا نفسها اغنى واقوى دولة فى العالم فيها الفقراء و المتسوليين و اولاد الشوراع .

يبقى انا و انت مش بنعانى من مشكلة رغيف العيش لان حتى لو تضاعف ثمن رغيف العيش يبقى انا و انت حنقدر نشترية برضو .
انا مش بدافع عن مصر امام اى حد , انا بس بوضح حقائق غابت عن ناس كتير بسبب بعض المكشال فى هذا البلد , و اللى بسببها صبو غضبهم و نقمهم عليها ,
معاك ان فى فساد و فى سرقة و فية و فية , انما برضو بوص على الجانب الاخر فى شرفاء كتير و فى مجتهدين كتير بيعملو فى صمت لان الاصل فى الانسان الخير و صلاح , انما النمازج السيئة هى اللى دائما متصدرة عشان سيءة , لكن لا يمكن تكون هذة النماذج معبرة عن هذا البلد باى شكل من الاشكال .

مسئول بيسأل مواطن :
المسئول :تحب تموت إذاى؟ قدامك إختبارين:
1- فى طابور عيش
2- فى معتقل
المواطن:
مفيش إختيار تالت!!!!!!!!!!!!!!!!!!!!!!!!!