يكفينا فخرا ان كل الكترونياتنا صناعه و تصميم و هندسه مصريه :)
رقم العضوية : 1006
تاريخ التسجيل : 18Jun2007
المشاركات : 1,955
النوع : ذكر
الاقامة : middeleast
السيارة: n/a
السيارة[2]: n/a
دراجة بخارية: n/a
الحالة :
رقم العضوية : 63
تاريخ التسجيل : 20Apr2007
المشاركات : 4,438
النوع : ذكر
الاقامة : Dystopia , blashyrkh
السيارة: N/A
السيارة[2]: Subaru Impreza 2006
الحالة :
يكفينا فخرا ان كل الكترونياتنا صناعه و تصميم و هندسه مصريه :)
<!--EndFragment-->
رقم العضوية : 9019
تاريخ التسجيل : 15Apr2008
المشاركات : 255
الاقامة : UAE
الحالة :
اسمحلي اقتبس بشكل محرف من ردك (ومن غير زعل)
وانا عمري ما سمعت عن فنان محترم مصري ذو رساله ساميه من غير بوسه و احضان و قرف (طبعا هستني 5 او 6 افلام من بتوع فتره الحرب ).. عمري ما سمعت مغني بيقول اغاني محترمه لشعب محترم إلا من فئه بحبك يا حمار و اركب الحنطور ... من ناحيه الافلام فكل الافلام الوثائقيه اللي باللغه العربيه فهي معموله في دبي وحتى المدبلجه منها معموله في الامارات او بيروت لكن مش في مصر (سؤال لوجه الله ... انتا شخصيا بتتفرج على الفضائيه المصريه ؟؟ .... القناه المصريه الرسميه للشعب ؟؟ ) ... عمري ما سمعت عن عالم مصري افتخر هوا شخصيا انه مصري ... فاروق الباز في امريكا .. زويل في ماليزيا ... مجدي يعقوب في بريطانيا و القائمه لا تنتهي ... من ناحيه ان عمرك ما سمعت عن اديب في الامارات (الحمد لله ان مفيش ادباء في الامارات) لاننا في مصر وصلنا إلى اعداد مهوله من محترفين (الكلام) اللي لا بيقدم و لا يأخر و هنعمل و هنسوي و و و و و ... لما نشوف العلم الاول بعدين نتكلم عن الادب ... عمرك ما سمعت عن مهندس اماراتي ... ليه .. والبترول و الابراج اللي هناك دي كلها مين اللي بيطلعها ... دكاتره ولا المدرسين !!! .... عمرك ما سمعت عن داعيه اماراتي ... بس هل سمعت عن جائزة حفظ القرآن اللي جوائزها عده ملايين وبتتعمل على مستوى العالم كل سنه في دبي ... هل في زيها في مصر بنفس المستوى والرقي ؟؟... وبعدين يا فرحتي لما داعيه مصري و بيحصله حاجة من اتنين ... يا بينطرد زي عمرو خالد .. او يتسجن زي الشيخ كشك ... يبقا داعيه منين بس !!! ....
عايز اقولك ببساطه ان الفكره مش الامارات طلعت ايه علماء و مغنيين و رقاصين و شعراء ... الفكره ان الامارات ((عملت)) ايه و بتضم مين لصفوفها .... امريكا من 150 سنه مكانتش اكتر من شوية همج عايشين في صحراء اسمهم الهنود الحمر ... اللي صنع امريكا مش الامريكان ,,, ولكن الاوروبيين اللي هاجروا لامريكا .... ونفس الكلام اللي صنع الامارات مش بس الاماراتيين و لكن كل اللي هاجروا شاركوا فيها ... ومع ذلك برضو في ناس كتير جدا مبدعه في الامارات .... الجنسيه لا تعني اي شئ ... لكن كون الشخص ده موجود فين ... هنا الفرق الكبير جدا ... اينشتاين على ما اذكر كان الماني ... ومع ذلك ولانه كان في امريكا ... فامريكا صنعت القنبله النوويه قبل ما النازيين في المانيا يعملوها ...
إذا كان بالامكان استيراد حضاره ... فاهلا وسهلا بها إذا كانت لا تمس قيمنا الدينيه في شئ ...
عارف احنا عاملين زي التاجر اللي كان مليونير و فجأه فلس ومبقاش معاه حاجة خالص ... فبقا ماشي في الشارع عمال يكلم نفسه ... وعمال يكلم الناس على امجاد ماضي راح وانتهى
العالم الواقع بيفهم حاجة واحده بس .... انتا ايه (دلوقتي) ... في الحاضر ... ملوش دعوه بالماضي او حتى بالمستقبل... لما نروح نخترع حاجة او نروح نحارب مش هنمسك كتاب تاريخ نحارب بيه .. لما نيجي نبني برج او قصر او اي مصنع مش هنبنيه بكتب تاريخ
الماضي حلو ان احنا نعرفه ... بس مش علشان نعيش جواه ولكن علشان نستفيد منه
احنا نفسنا لما نحترم و نقدر الوقت ... هنعمل حاجات كتير
بس للاسف مفيش احترام للوقت
صاحبك يقولك 5 دقايق و يجيلك بعد ساعتين ... تروح تنجز مصلحه من اي دائره حكوميه او خاصه تلاقي الموظف جاي على الساعه 10 مع ان معاد شغله على 9 مثلا ... وتلاقيه ماشي على 11 و هوا المفروض يروح على 1 الظهر .... تبقا كل اللي محتاجه حته ختم على الورقه بتاعتك و تلاقي الموظف بيقولك تعالى بكره ... مش علشان حاجة ولكن علشان الاخ مكسل ...
احنا هنا في مصر قاعدين نتكلم قد ايه على الخط الرابع بتاع المترو اللي هيربط 6 اكتوبر بالمطار ؟؟؟ 4 او 5 سنين و لسا متنفذش حاجة .... دبي سنه 2006 حطت مخطط للقطار السريع بتاعها على تلات مراحل ... المرحله الاولى هتخلص السنه دي مع العلم انها تمثل 60% من اجمالي المشروع و القطار هيكون جاهز بشكل كامل نهايه 2009
دبي عملت مطار بـ 6 مدارج رئيسه ... يعني قد مطار القاهره 3 مرات ... وعملت مركز للتجاره جديد للشرق الاوسط ... وبيدخلها سنويا 11 مليون سائح (سائح وليس عامل و لا مهندس ولا تاجر )... مع العلم ان مصر بيدخلها 8 مليون بس ... منطقه جبل علي واللي كان صاحب الفكره و اللي حط اساسات الفكره هو محمد الفايد مع الشيخ راشد ... منطقه جبل علي دلوقتي دي بتصنع و بتجمع تقريبا كل حاجة ممكن تتخيلها حتى الحجات اللي مكتوب عليها made in chine بتتجمع هناك .... وادي السيليكون هناك في دبي بيصنعوا البروسيسورات بتاعت الكمبيوتر اللي انتا و انا بنستعمله .... بلاش ... فيه حاجة اسمها Room Zero دي غرفه بيتكون معقمه جدا جدا جدا لدرجه الذره (اكثر تعقيما من غرفه العمليات بـ 1000 مره) ... بيتصنع فيها و بتتفح فيها الهارد ديسكات بتاعت الكمبيوتر ... مالها الغرفه دي ... في 9 غرف بالمواصفات دي على مستوى العالم ...منها واحده في دبي
الامارات السنه اللي فاتت ضربها اعصار من الدرجه الخامسه ... عارف يعني ايه الخامسه !!! .... 5من 5 على مقياس الاعاصير ... ومع ذلك مفيش بني آدم واحد مات
طيب
قولي انتا دلوقتي ... مصر عارفه تجيب حقها من اي حد دلوقتي ؟؟
بتوع الكويت قالو ان المصري ميسواش غساله
بتوع السعودية قالو ان المصريين شحاتين و نصابين
بتوع اليمن بيقتلوا المصريين عادي جدا
بتوع ليبيا سجنو المصريين و هيعدموهم ... وفي المقابل الممرضات البلغاريات بتوع الايدز اطلقو سراحهم
تونس و المغرب كراهيتهم لمصر مش محتاجه وصف
من كام يوم اوكرانيا احتجزت طلبه التبادل الثقافه من غير اي سبب
بريطانيا فتشت البابا وهوا في المطار و معاه جواز دبلوماسي
ايطاليا مش هقولك بتعمل ايه في المصريين
امريكا .. وزيره خارجيتها كوندا ... حذرت الامريكين من مجرد الدردشه على الانترنت مع المصريين ... وختمها بوش بكلامه في مؤتمر دافوس
العلاقات الفلسطاسرائيليه .. بقت معتمده بشكل اساسي على دول الخليج (قطر و الامارات و السعودية) و امريكا اكتر من مصر
اسرائيل كل كام يوم يقتلوا ناس مصريين على الحدود
فين كرامه مصر ؟؟؟
ياباشا ... والله العظيم ... لولا زباله مصر اللي بتشتريها كل من الصين و فرنسا علشان يعيدوا تصنيعها ويبيعوهالنا تاني... بالإضافه إلى الغاز اللي بيروح اسرائيل ...وقناه السويس ... مصر في الوقت الحاضر كانت هتبقى عاله على المنطقه كلها وملهاش لزمه
بنستورد 60% من الفول (اكثر اكله شعبيه مصريه)
بنستورد 50% من القمح
بنستورد 45% من السكر
وبنستورد 25% من القطن (اللي كان في يوم من الايام .. الفنادق ال 5 نجوم و ال 7 نجوم على مستوى العالم بيفتخروا ان الاقمشه اللي عندهم مصنعه من قطن مصري)
وبنستورد لحمه معرفش قد ايه من السودان و استراليا
حتى الدواجن واخدين المركز التالت على مستوى العالم في الاصابه بانفلونزا الطيور
ميدان التحرير واخد المركز الاول عالميا بعد ما كان المركز التالت بعد ريو ديجينيرو و مكسيكو سيتي من ناحيه التلوث
اي مغني عربي عايز يشتهر بشكل او بآخر يقوم يغني اغنيتين بالمصري يجمع بيها كام مليون ... وبعد كدا السلام يروح يغني باي لهجه تانيه بعد ما اشتهر على قفا المصريين .. لان ببساطه لو 1% من الشعب المصري سمع الاغنيه يعني عندك حوالي 700 الف واحد سمع الاغنيه ... في حيث لو 1% من دول الخليج كلها سمع الاغنيه لن تتعدى ال 250 الف
انا ليا واحد صاحبي شغال في الفريق اللي في الشركه البافاريه اللي بتجمع ال BMW-S7 ... والله حسب كلامه ... " الاول كنا بنستورد العربيه حته واحده ... فمكانش فيها مشاكل خالص ... بعد كدا حبو يوفروا شوية علشان العربيه كانت بـ 2 مليون و 400 الف مصري ... قالو احنا هنركب ظفيره الكمبيوتر هنا في مصر ... وده نزل سعرها حوالي 400 الف جنيه ... وتخيل ان حته الظفيره دي طلعت في العربيه مشاكل كتيره جدا ... دلوقتي احنا بنجمع العربيه كلها في مصر ... تخيل بقا حجم الكارثه اللي ماشيه على الطريق دي "
بالنسبه للدكتور و المهندس و المدرس اللي معندوش ذمه ... فانا هرد عليك بمثل صيني فيه كل اللي انا عايز اقوله ...
"سلم المنزل .. يكنس ... من الاعلى"
وانا هقولك على قصه صغيره والدي كان عملها ..
من حوالي 7 سنين اشترينا شقه في منطقه ما تعتبر جميله ... ورا البرج (اللي فيه الشقه) كان في جنينه مساحتها حوالي300 متر ... الناس كانت بترمي زباله فيها ... من البلكونات ... طبعا والدي عمل فيها المتحضر (مع احترامي لوالدي) و جمع زي ما تقول كبار رجاله العماره .. وقالهم يا جماعه الموضوع ميصحش و الصحه و مش الصحه وواولادنا وعشانهم ... واداهم موضوع تعبير طويل اكتر من 3 ساعات ...
المهم الناس طلعت من الجلسه كلها حماس جميل جدا ... طيب يا جماعه احنا هنأجر بلدوزر يشيل الزباله و الحشائش و نزرع كام شجره على كام نخله و هنضبط المكان ويبقا بتاعنا ... الناس قالت تمام و فل وجميل .... طيب يا جماعه هنحتاج فلوس ... كل واحد عمل نفسه عم عبده الاطرش .... والدي ربنا يخليه ومعاه راجل مستشار (بــــس) مقصرش و اجر بلدوزر و اشترى شجر و نخل و اعشاب عطريه تتزرع في المنطقه ... المهم والله العظيم اثناء الزراعه بتاعت الشجر ... الناس برضو كانت بتحدف زباله من فوق .... طبعنا ورق ووزعناه على سكان العماره كلها ...
تاني يوم الشجر كان تلات ارباعه مكسر بسبب الزباله اللي بتترمي من فوق و المنطقه بقت و لا كأننا وزعنا ورق بنقول لهم يا جمااااااااااااعه ... ارموا الزباله هناااااااا
مع العلم ان المنطقه فيها خدمات كويسه جدا و ناس تبع البلديه بيجو يلموا زباله من البيوت بيت بيت ...
المهم شالو الشجر اللي اتكسر و ووزعنا ورق تاني ... يا جماعه الجنينه بتاعتنا و علشانا ( والكلام بيعود على سكان البرج كله) و الصحه و النموس و الزباله و معرفش ايه ... ورجعنا زرعنا تاني .....
ولا حيااااااااااه لمن تناااااادي
الراجل المستشار قال احنا نعمل فكره و نحببهم في المكان علشان يعقدو فيه و بالتالي مش هيرموا زباله ... راح جزاه الله كل خير عمل نافوره جميله جدا بالرخام و قعدات حلوه اوي ...... تاني يوم .... الناس بقت ما شاء الله بيلعبو كره سله بالزباله ... ازاي ينشنو اكياس الزباله جواااا النافوره ... وكمان كام يوم القعدات كلها اتسرقت ...
احنا سبنا الحته دي من زمان اوي و صادف اني رحتها السنه اللي فاتت ... النافوره مبقاش لها معالم تذكر غير ان حواليها جبل زباله ... ومفيش شجر و لا اي حاجة ... والزباله هناك ماشاء الله تشم ريحتها من على بعد اميال
بالنسبه للامارات كانت ايه قبل برميل البترول و انهم كان بدو و بيرعو غنم ... اسأل نفسك برضو نفس السؤال ... مصر كانت ايه ... برضو مجموعه من الملوك و البشوات بيملكو كميات اراضي مهوله و 98% من سكان مصر كانو فلاحين برضو بيرعو غنم و بيزرعو .... الامر سييان ...
بس برضو ارجع و اقولك ... هما فين ... واحنا فين .....((( دلوقتي ))) مش امبارح
انا مش بقول الكلام ده علشان انا مش مصري او ان انتمائي اقل منك او اي حاجة ... ولكن انا اللي عايزه ان كل المصريين يفتحوا عينهم ويبصوا حواليهم علشان يعرفوا هما فين بجد ... بدايه النجاح الاعتراف بالخطأ ومحاوله تصحيحه .... اما طول ما احنا مغمضين عنينا و عمالين نقول ... احنا في المقدمه ... احنا في المقدمه ... احنا لا نقهر ... احنا اللي عملنا و سوينا ... وعمالين نحلم و نحلم ونحلم ... هنعمل بالضبط زي القصه الشهيييييييييره بتاعت الارنب و السلحفه ... اللي السلحفه سبقت الارنب فيها
شويه البدو اللي مش عاجبينك
اقتصادهم احسن من مصر ...
التعليم احسن من مصر ...
الصحه احسن من مصر ...
الصناعه احسن من مصر ...
الزراعه وصلوا لاكتفاء ذاتي في بعض المحاصيل ...
ايه اللي اتبقى ؟؟؟
يا عمي دا لما الامارات تصدر لنا القمح و المكرونات و المعلبات ....
يبقا مجنون بيتكلم ... انا عايز عاقل يسمع
(( انا اعتذر اولا للاداره إذا كان ردي حاداً بعض الشئ ... و اعتذر لكل قارئ لهذا الموضوع إذا كان هذا الرد طويل جدا ... واعتذر لك شخصيا إذا احسست باي نوع من التعدي عليك في الالفاظ ولكنه غير مقصود ... وحقيقه انتا حرقتلي دمي جدا جدا وخصوصا لما ساويت ما بين الوطنيه و العمل في الخليج والدفاع عن الحقيقه ))
وشكرا
رقم العضوية : 63
تاريخ التسجيل : 20Apr2007
المشاركات : 4,438
النوع : ذكر
الاقامة : Dystopia , blashyrkh
السيارة: N/A
السيارة[2]: Subaru Impreza 2006
الحالة :
رقم العضوية : 1946
تاريخ التسجيل : 28Aug2007
المشاركات : 1,872
النوع : ذكر
الاقامة : الامارات - أبوظبي
السيارة: بيجو 207 - 2009
السيارة[2]: نيسان باثفيندر 2014
دراجة بخارية: عمرى ما سقتها
الحالة :
Pendodo2002 رد فى الصميم ، اتفق معاك قلبا وقالبا
انا مردتش ارد فى الاول ، قلت لسه هوجع فى قلبي وممكن الموضوع يطور ويوصل لخناقه
احييك بشدة
رقم العضوية : 79
تاريخ التسجيل : 22Apr2007
المشاركات : 9,737
النوع : ذكر
الاقامة : بنــهــا
السيارة: Perodua Kancil 1998
السيارة[2]: NIssan Qashqai 2014
الحالة :
لا لا لا لأ
أنتو ظالمين مصر الحضارة والتقدم فى كل زمان
وبالذات دلوقت
يعنى هم فى الخليج عندهم فنانين رواد زى سعد الصغير مثلا رائد الفساد فى العصر الحديث؟
عندهم حد فى دلع و #@$$# دينا ؟
عندهم ناس عباقرة زى يوسف والى وأحمد عز؟
عندهم وزراء بيعرفوا يجيبوا الفلوس من بطن الحوت زى وزير المالية عندنا؟
عندهم محافظين أو حكام إمارات نشطاء ومنتجين زينا مش محلك سر وبعد توجيهات سيادة الرئيس؟
عندهم كل الانشاءات والمقاولات العامة بالرشوة والمحسوبية وللا عاملين زينا فى دقتنا وضميرنا؟
عندهم إدارة وتعليم وجامعات ومستشفيات زينا؟
عندهم لماضة ؟
عندهم فقر وعنظزة؟
لأ؟؟؟؟؟؟
يبقوا مش من مستوانا
[aldl]http://www.jewelsf.com/up/uploads/542f6eee3a.gif[/aldl]
وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرينDr Ahmed AbdelghanyENT,H&N consultant - Benha University
my website: www.drahmedclinic.com
رقم العضوية : 1946
تاريخ التسجيل : 28Aug2007
المشاركات : 1,872
النوع : ذكر
الاقامة : الامارات - أبوظبي
السيارة: بيجو 207 - 2009
السيارة[2]: نيسان باثفيندر 2014
دراجة بخارية: عمرى ما سقتها
الحالة :
اسلوب جميل وشيق انتزع من الضحكات رغم عنىلأ؟؟؟؟؟؟
يبقوا مش من مستوانا
رقم العضوية : 1006
تاريخ التسجيل : 18Jun2007
المشاركات : 1,955
النوع : ذكر
الاقامة : middeleast
السيارة: n/a
السيارة[2]: n/a
دراجة بخارية: n/a
الحالة :
عمرك ما سمعت عن فنان مصرى محترم ذو رسالة سامية .....
عمرك ما سمعت عن مغنى بيقول اغانى محترمة لشعب محترم ,
هوة انت متاكد انك مصرى و لا كدة و كدة
و لما هوة الفن المصرى مش محترم , امال لية بيتزاع على كل القنوات العربية و من ضمنها القنوات الامارات ,
و لما الامارات شعب متحضر و محترم , هوة حضرتك مش بتشوف الافلام والمسلاسلات الاجنبية اللى بيزيعوها على قنواتهم و كلها بوس و احضان وقرف زى ما بتقول
و حضرتك مسمتعتش عن هرم اسمة ام كلثوم و هرم اسمة عبد الحليم , كان العرب بييجرو وراهم عشان يسمعوهم .
رقم العضوية : 1006
تاريخ التسجيل : 18Jun2007
المشاركات : 1,955
النوع : ذكر
الاقامة : middeleast
السيارة: n/a
السيارة[2]: n/a
دراجة بخارية: n/a
الحالة :
رقم العضوية : 1006
تاريخ التسجيل : 18Jun2007
المشاركات : 1,955
النوع : ذكر
الاقامة : middeleast
السيارة: n/a
السيارة[2]: n/a
دراجة بخارية: n/a
الحالة :
المفضلات