انا مبتكلمش عليك ياباشا
اي مقارنة في المنتدى هتلاقي ناس بتشكر في عربياتها اوي وانها احسن عربية وده طبيعي طبعا
بصراحه كل اختيارتكم ممتازه عدا ان كفايه على البومه كدااااااا
اركب العربيتين وشوف انت مرتاح لمين فيهم
الكارينز عائليه شويه
الالنترا رغم انها سيدان لاكن ما شاء الله واسعه ملقتش فى رينج السعر دا عربيه اوسع منها غير الفلونس
حاديلك رأييى بند بند. أولا: الاعتمادية وقلة الأعطال, اللانسر ثم التيدا. ثانيا: اعادة البيع: اللانسر ثم الكارينز والإلنترا. ثالثا: العفشة المريحة, كلهم لكن الكارينز أقل نسبيا. رابعا: الشكل الكويس ده زوقك إنت. خامسا: الثبات على الطريق, التيدا أولا والكارينز أخيرا. سادسا: الإتساع الداخلى والأوبشن: الإلنترا ثم الكارينز ثم التيدا. وفى الأخر كلهم كويسين واختيارك بإذن الله أيا كان سيكون الأفضل لو أخلصت النية لله:flower4u:
معلش مع احترامى لرأى حضرتك
الاعتمادية وقلة الاعطال : التيدا اللانسر مش اعتمادية اوى زيها ولا يمكن حتى تجيى جنبها
اعادة البيع اكيد هتلاقى اللانسر والكارينز فى مرتبة واحدة لان الاتنين مطلوبين ومنتشرين جدا لكن التيدا بتنزل سعرها شوية , اللالنترا ضمها مع حال كل الكورى سهل البيع بسعر كويس
* العفشة المريحة اريح عفشة التيدا والكارينز تأتى بعدهم بفارق محترم الالنترا وخيرا اللانسر
* الثبات على الطريق : ولا عربية فيهم ثابتة بعد سرعة 140 ( تيدا - لانسر - اللانترا - كارينز ) والثبات عمرة مابيتقاس على طرق مستقيمة لأ قيسة لعب وتغريز وملفات على سرعات عالية
* الاتساع الداخلى : تأتى الكارينز فى المرتبة الاولى - بعدها بفارق قليل التيدا - بعديها الالنترا بفارق كتير شوية - ثم تأتى اللانسر فى المرتبة الاخيرة
* الاوبشن اعتقد ان سعر 125 الف جنية هيجيبوا النترا اوبشنها ضعيف لكن هيجيبوا كارينز اوبشن عالى , التيدا تأتى فى المركز الثالث ثم اللانسر فى اخر المرتبة
* معلش الخامات لن تجد خامات فى كل هذة السيارات افضل من خامات التيدا بكل المقاييس لانها الوحيدة اللى كلها جلد حتى الابواب + وجود مخادع فى الابواب مكسية بالجلد الوثير
* الشكل افضلهم طبعا الالنترا ثم الكارينز ثم التيدا ثم اللانسر
اسف لتدخلى بس دية المقارنة العادلة
احساسى فى الاعتمادية فى التيدا ثم الالنترا ولكن افضل الالنترا (موتور - فتيس - شكل جديد)
اعتقد الالنترا اوسع من التيد (الالنترا عريضه بجد) وشنطه كبيره جدا
طبعا الكارنز فئه لوحدها مينفعش تتقارن بينهم بس دى لو واحد عايز عربيه ملعب من جوه للعيال الصغيره تلعب وتاكل ويعملهم شاشات دى فى دى للتسليه يبقى الكارنز
انا بشوف ناس عملاها حضانه من كتر العيال اللى راكبه جواها وماشاء الله العربيه بحر
وطبعا البومه بقت زى موبيلات النوكيا بقى فيه الاندرويد والحمد لله موبيلات النوكيا و البومه زى ماهى مفيش اى تقدم