كنت النهارد ماشى جنب نادى الصيد اللى فى المهندسين الساعه 9.45 الصبح والشارع خالى من الناس وفجاه لقيت تاكسي اكسنت ابيض وقف جنبى وبيشورلى على ورق فى ايده بيقولى والله العظيم انا ابنى فى المستشفى وحتاج 80 جنيه علشان اجيبله علاج ويارب اولع انا والتاكسي لو كنت بكذب عليلك
والراجل شكله موثر جدا وانا مكنش معايا فكه خالص والفلوس اللى معايا على قدى انا لسه باخد المصروف ورايح الجيش يوم 18 /1 المهم قولته معلش ومشيت وسيبته وانا راجع للبيت طول الطريق بكلم نفسي اقول انا بصرف كتير مجتش من 80 جنيه وشويه افكر انه نصاب وشويه اقول يارتنى كنت ركبت معاه التاكسي ورحت معاه جبنا الدواء وشويه اقول يارب اشوفه تانى علشان اديله الفلوس لغايه حسيت انى غلطان انا عمرى مكنت كده وحسيت انى كان واجب عليا اديله اروح افك واديله مش عارف انا صح ولا غلط يمكن علشان خبرتى فى الحياه قليله انا مش عارف الصح فين انا اتخنقت من اللى حصل