الموضوع: الحمد لله عربيتى اتسرقت

المشاركة الأصلية كتبت بواسطة أبو إياد

اكتر حاجه زعلتنى حاجتين وهما خاصين باتين اصحابى وماكنتش متخيل ان تفكيرهم يوصلهم لكده ويمكن ده تعبنى نفسيا اكتر من اختفاء العربيه
واحد من اعز اصحابى لما عرف الخبر قال للى قاله تلاقى محمد باعها وعامل حوار فصاحبى اللى بلغه ده رد عليه بصراحه الرد اللائق ورد غيبتى وقاله هو انت ليك عنده فلوس ؟ قاله لا قاله ولا انا ومافيش حد ليه عنده حاجه هايقول كده ليه ياعنى , طيب خلينى انا شوفت عربيته دلوقتى وواحد راكبها مش من الطبيعى انى هامسكه وهاموته من الضرب لغايه لما محمد يجى ساعتها هايقولى ايه !!! انا بايعها وبهزر ؟

الشخص التانى بقا اللى هو رد عليه اساسا واللى يمكن مزعلتش منه اوى انه اتكلم معايا ومش من ورايا لما بعد اسبوع بيقولى حد اتصل بيك قولتله لا قالى يبقا انسى العربيه دى خلاص ومش هاترجعلك تانى فرديت قولتله لا العربيه دى هاترجع لانى معملتش الذنب اللى يكون ده جزاءه ولو مارجعتش يبقا ربنا يعوضنى عنها ويشيل عنى ذنوب
ايه اللى يزعل لما يكون عندى امل فى ربنا انه يعوضنى ليه الناس بتزعل ؟
اقسم بالله انا مابلغت حد من قرايبى ولا اصحابى وكل اللى عرف عرف عن طريق الصدفه رغم ان اعز اصحابى ورئيس نيابه وعربيته اتسرقت ورجعتله نفس اليوم ومارديتش اقوله ولا اعرفه لان ربنا اكيد اكبر من اى حد
مش هاحسبن على حد ولا زعلان من حد ومش هايكونلى غير المكتوب

ربنا يصبر قلبك ويعينك علي إلي أنت فيه وإن شاء الله ربنا يكتبلك الخير كله

لكن يا أخي الكريم انت المفروض تحاول وتسعي وتسأل الله التوفيق

ليه متكلمش صديقك رئيس النيابة عشان يساعدك هي حاجة حرام ؟ ,طلب المساعدة مش عيب والسعي علي حقك بكل الطرق مش عيب وانت بعد متبذل كل المحاولات في النهاية إلي ربنا كاتبة هتشوفة وإن شاء الله ربنا ينور بصيرتك ويعينك إنك تلاقيها

صدقني انا حاسس بيك ومتضايق انك قولت كدا والمفروض متسيبش حد إلا لما تسألة عن طريقة لأسترجاع حقك