الحمد لله عربيتى اتسرقت

**moha4tec** · 31-01-2012 08:21 AM

المشاركة الأصلية كتبت بواسطة نور القمر

ياه يا ابو اياد ده اللي بتقوله ده مش حاجة جنب الشماتة اللي شوفتها من البعض اللي عمرهم ماشافوا مننا غير الخير وشماتتهم مش نابعة غير من حقدهم بدون سبب مع ان الامكانيات المادية متشابهة تقريبا
تخيل واحد جاي يزورنا نعمل له خدمة على النت وجايلي ضيوف تانية يواسونا قدمت لهم حاجة ساقعة
قوم الضيف ده يقولي جايبة ساقع ليه المفروض تجيبي قهوة سادة !!
رديت عليه برد اغتت من كلامه
قولت له ليه ان شاء الله قهوة سادة دي 5 6 غوايش يجيبوا عربية زيها بس انا جوزي مرضيش يبيع من دهبي (لانه هو شاري عربيته بشبكة مراته) وانا اصلا جايبة الساقع عشان فلان ومراته اول مرة يزورونا

ده غير ناس والله عاملة انها بتواسينا وشايفة في عينيهم ابتسامة الشماتة
بس قصاد ده كله اضعافهم كانوا زعلانين بصدق وبيدعوا بصدق ومن ضمنهم اعضاء المنتدى اللي حسيت بصدق مشاعرهم واللي فيهم ناس حاولوا يساعدوا بجد واللي منهم بيشك في عربية بيبعت لي او يروح يشوفها بنفسه
الناس دي بتعوض احساسك بالضيق على العربية والله

لا اله الا الله
مش لاقى اى كلامى يتقال غير ربنا يصبر حضرتك و زوجك .
و ربنا يعوضكم باحسن منها ان شاء الله

**أبو إياد** · 31-01-2012 09:10 AM

مش معنى انى مكلمتش بعض الناس يبقا معناها انى مقصر او مكبر دماغى بالعكس اهتمامى زايد بالموضوع من اول يوم للحظه دى لدرجه انى كنت واخد اجازه اكتر من 10 ايام تقريبا ماكنتش بدخل البيت غير علشان ارتاح ساعه واغير لبسى وعارف ان فى ناس واقفه جانبى من غير ماتقول وانا باسعى وباعمل اللى عليا ويوم ماتسرقت العربيه انا كتبت الموضوع ده علشان عارف انى اللى هلاقيه هنا مش هلاقيه بره هلاقى ناس بتدعيلى من قلبها ناس ناس منهم كتير مايعرفونيش ولا اعرفهم معرفه شخصيه مافيش اى مصالح متبادله وباذن الله ربنا هايستجيب ولو ليا فيها نصيب اكيد هاترجع وموضوع الشماته يامدام نور والله شوفته فى عيون بعض الناس واكيد دى حاجه مش جديده عليهم ربنا يصبرنا ويرد لينا ضالتنا

**أبو إياد** · 31-01-2012 09:14 AM

المشاركة الأصلية كتبت بواسطة alaa74

أبو إياد &مدام نور

ربنا معاكم ويصبركم وإن شاء الله عربياتكم ترجع لكم بالسلامه .

بعتذر لكم عن تأخر مشاركتى ودة لقله دخولى الفتره اللى فاتت .

لى صديق عربيته اتسرقت لكن الحمد لله رجعتله بعد ما سدد 10000جم للى سرقوها

وإتسرقت من شارع مكرم عبيد فى مدينه نصر وراح جابها من منطقه فى القليوبيه

وطلع مكان كبير متجمع فيه عربيات كتيرة مسروقه .

كلمته دلوقتى علشان اعرف التفاصيل بس غالبا نام إن شاء الله بكرة هكلمه واعرف التفاصيل

وابلغكم إن شاء الله .يمكن يكون نفس المكان .

استاذ علاء انا بالفعل لميت معلومات عن المنظقه دى ومستنى تليفون من واحد يقدر يوصلنا لحد هناك الكلام ده من يومين ومستنى الرد خلال الفتره دى وهى اسمها كوم السمنه ودى فعلا بيرموا فيها العربيات ولو قدرت توصل لحد معرفه بيسيبك تشوفها ولو لقيتها بتدفع فلوس وتاخدها وربنا يسهل باذن الله

**أبو إياد** · 31-01-2012 11:29 AM

المشاركة الأصلية كتبت بواسطة tiger76

دى اول مرة اكتب فيها فى المنتدى و ربنا يردهالك

بس ازاى يبقى فيه منطقة زى كدة و معروف ان العربيات المسروقة بتبقى هناك

و البوليس مش عارف او عارف و ساكت

حاجة تجنن

اهلا بيك فى المنتدى
مناطق كتير كده ومعروفه بس زى ماتقول كده ليها حرمتها

**alaa74** · 31-01-2012 03:13 PM

المشاركة الأصلية كتبت بواسطة أبو إياد

استاذ علاء انا بالفعل لميت معلومات عن المنظقه دى ومستنى تليفون من واحد يقدر يوصلنا لحد هناك الكلام ده من يومين ومستنى الرد خلال الفتره دى وهى اسمها كوم السمنه ودى فعلا بيرموا فيها العربيات ولو قدرت توصل لحد معرفه بيسيبك تشوفها ولو لقيتها بتدفع فلوس وتاخدها وربنا يسهل باذن الله

ابو إياد

بعت لك رساله على الخاص ياريت تشوفها

-

-

-

الموضوع: الحمد لله عربيتى اتسرقت

LinkBack

أدوات الموضوع

عرض

-

-

المواضيع المتشابهه

عربيتى اتسرقت

عربيتى اتسرقت

عربيتى اتسرقت

عربيتى اتسرقت

الكلمات الدلالية لهذا الموضوع

المفضلات

المفضلات

ضوابط المشاركة