الموضوع: بتصرف كام فى الشهر

المشاركة الأصلية كتبت بواسطة morsi

شكرا ياباشا. تقريبا الجامعتين فى مستوى واحد المهم قربها من سكنك .

لا الفرق رهيب

مصر الدوليه صارمه جدا وتكاد تكون اقرب للتعقيد الحكومى و اصرار على الجودة التعليميه

عارفين احلى حاجة في الموضوع ده وفي النايل موتورز بصفة عامة هي ليه

اني بحس بتلاشي الفوارق الطبقية والتعليمية بيننا

انا شغال مهندس لكن لما ادخل المنتدى بانسى اني متعلم حتى

هنا باحس ان الدكتور والمدرس والعامل والصنايعي كلنا اخوات وبنحترم بعض

الغني والفقير لاول مرة في مصر باحس انهم بيتعاملواوبيتكلموا بكل ندية وبدون اي احساس بالتعالي او النقص




اما بالنسبة للميزانية فانا حلم حياتي ان زوجتي المصون تحط سقففففففففف - اي سقف - للمصارييف علشان العبئ النفسي يخف من علي


فكرت ان كل واحد في الاسرة حتى ابني الصغير يمسك الميزانية شهر واللي يوفره ياخده

الصراحه عمري ما عرفت انا بصرف كام ف الشهر
انا كنت راجل مدخن والحمدلله ربنا تاب علياه
كانت السجاير 390 جنيه
وبنزين 350 جنيه تقريبا
وخروجات مش كتير مرة ف الاسبوع وبعد فترات كتير مبخرجش خروجات
150 جنيه مثلا ف الاسبوع ومش علي اساسيات زي فراخ ولحمه وكده
لا علي جبن وحلاوة وبيض وما الي زلك فطار وعشي يعني
تقريبا تقريبا بصرف 1500 جنيه فالشهر وانا عازب وعايش انا ووالدتي بس
غير اي نثريات معرفهاش بقا ممكن تظهر بس برده مش قادر احسبها بالظبط هبقا اراقب واحسبها واقلكم
الحمدلله ربنا فتح علياه وبطلت السجاير ف بند راح من الميزانيه :]
بس هي فعلا ارزاق وكل انسان وليه متطلباته ومصاريفه ومن الصعب ان الانسان يبخل علي نفسه ويحسبها بالورقه والقلم ولما يحتاج حاجه وفي معاه الفلوس بيبقا صعب جدا عليك انك متجيبهاش لان من وجهه نظرك بتبقا حاجه مهمه وده للناس العزاب الي زينا

المشاركة الأصلية كتبت بواسطة shaddadfalcon1

انا قبل كده كنت كل شويه الاقي الفلوس بتخلص ومراتي تفضل تقولي احننا مش بنتقي ربنا والفلوس مفيهاش بركه قلت طيب قمت قامل اكسيل شيت وكتبت فيه كل شلن والله واول شهر لقيت 5500 بس عشان كان فيه ولادة وبعد كده 4000 وهكذا لحد مااتاكدت لمدة اكتر من 5 شهور ان الفلوس بتتصرف فعلا مفيش حاجه بتروح في حاجه مش ضروريه من ساعتها وانا مش بحسبها

لازم برده الواحد كل مده يتاكد من الاساسيات الي بتروح فيها الفلوس ويحاول يحسبها لما تحسبها تقدر تتابع كل حاجه وهكذا وتبقا متاكد ومطمن
انا بيحصل معايه نفس الموضوع بس انا الحمدلله ف المصاريف والفلوس زاكرتي سبحان الله حديديه مفيش جنيه بيتصرف مبقدرش احصره في حدود فترة زمنيه معينه يعني بفتكر كل جنيه اتصرف وبتاكد وبفتكر انه اتصرف ف مكانه في حاجه مهمه
بمسك الفلوس ف ايدي ولما تتصرف او تقل اعد افتكر صرفت ف ايه ومن ساعتها بطلت احسبها برده
وبدات افهم انها ارزاق من عند ربنا وكل جنيه هيروح ف مكانه وربنا بيدبرها من عنده
انا كان وصل بياه الموضوع بما اني خاطب يعني ومن قبل ما اخطب اني
قعدت افكر واحسب مصاريف الحياه هتبقا كام زي ال ميزانيه بتاعه ال 800 جنيه دي كده مع اني حسبتها بالفعل وكده بس برده مش بتمشي كده وهتلاقي حاجات متحسبتش وف العادي مش هتتوجد

ربنا الستار والزراق الحمدلله اهم حاجه القناعه كنز لا يفني

500 سجاير (بقالى اكتر من اسبوع مبطل و شربت النهارده )
100 موبايل و نت من اللموبايل مش عارف الرقم كبير ولا قليل بس انا برغى كتير فى الموبيل
500 بنزين (90% منهم سفر للشغل و 10 % مشاوير خاصه بيا انا )
150 نثريات ..فطار مثلا ...(الحمد لله قدرت ابطل الاكل الملعون من برا البيت)
50 حاجه كده :)
ان شاء الله هبطل السجاير تانى و ال 500 جنيه هعمل بيهم حاجه كده كل شهر
كده 1300 و الحمد لله انا بشتغل بس من غير مرتب :)

المشاركة الأصلية كتبت بواسطة KHALED AYMAN

500 سجاير (بقالى اكتر من اسبوع مبطل و شربت النهارده )
100 موبايل و نت من اللموبايل مش عارف الرقم كبير ولا قليل بس انا برغى كتير فى الموبيل
500 بنزين (90% منهم سفر للشغل و 10 % مشاوير خاصه بيا انا )
150 نثريات ..فطار مثلا ...(الحمد لله قدرت ابطل الاكل الملعون من برا البيت)
50 حاجه كده :)
ان شاء الله هبطل السجاير تانى و ال 500 جنيه هعمل بيهم حاجه كده كل شهر
كده 1300 و الحمد لله انا بشتغل بس من غير مرتب :)

زعلتني جداااااااااا
انا لسه لغايه اللحظه دي متمسك بجد زعلت
ثواني هروح اشرب سيجارة واجيلك شكل كده مفيش امل