تغيير موتور فيات 127

**yem_75** · 12-01-2012 12:47 AM

[overline] [/overline]
[overline]

بسم الله الرحمن الرحيم

[/overline]

عندى استفسار مهم

وانا ماشى بالعربية (فيات 127 توب) فجأه سمعت صوت حاجه بتتكسر جوه الموتور. وبعد كده لقيت صوت خبط جامد جدا جوه الموتور طبعا وقفت فورا وحاولت يمين وشمال كل ما أدور العربية ألاقى نفس الصوت. حاولت انى اقطر العربية ما عرفتش لأن الساعة كانت 3 صباحا فى عز البرد ده على المحور. المهم مشيت بيها 15 كيلو لحد البيت (طبعا أصوات عجيبة بأسمعها)
الحمد لله .... وصلت البيت و صحيت تانى يوم كلمت الميكانيكى يشوف العربية لقيت رجله مكسوره (الحظ عارف صاحبه)
قلت أسأل فى المنتدى يمكن أعرف اللى حصل ايه؟
أنا حاسس ان الموضوع ده حيدخل فى عمرة موتور كامله(ده أكيد علشان الموتور كان محتاج طقم شمبر)اللى عاوز أعرفه العمرة ممكن تتكلف كام تقريبا؟؟
وهل أعمل عمرة والا أغير الموتور؟
و سعر الموتور الخاص بالأونو كامل كام تقريبا؟(سمعت انه يركب على ال127)
وأسف انى طولت لكن قلت أفضفض مع حد.
منتظر الردود وشكرا

**heshamzaky** · 12-01-2012 12:56 AM

و الله اعلم كدة لانها زمان حصلت معايا فى ال 127 الصوت دة ممكن يكون عمود الكامة اتكسر
الافضل غير الموتور اوفر و اسرع
سعر موتور ال 127 لما غيرتة كان ب 1350 جنية
و موتور الاونو ب 1400 جنية و اعتقد موتور الاونو افضل و 1300 سى سى و اعتقد بيركب من غير تعديل بس تركب فتيس ال 127 على الموتور

**yem_75** · 12-01-2012 06:07 PM

الف شكر على الرد السريع
لكن أنا كنت عاوز أعرف:
أجيب الموتور كامل بالفتيس والا اجيب الموتور لوحده؟ وكمان ايه التعديلات اللى محتاج أعملها مع تركيب الموتور؟
من الاخر أنا ماليش فى القصة دى أنا عاوز حد يقوللى أعمل ايه بالظبط وأجيب الحاجه من أين وأركبها عند مين.

**heshamzaky** · 12-01-2012 06:12 PM

لو حا تركب موتور الانو مش قادر افيدك قوى فى الموضوع دة بس انا عارف انة بيركب عادى و بتركب الفتيس بتاع ال 127 علية عادى
و لو حا تجيب موتور 127 حا تشيل و تحط مفيش اى اختراع من اى نوع سهل جدا

لو الفتيس عندك سليم ما تغيرهوش حا تغيرة لية
المواتير من عزبة شلبى او الوكالة بس اهم حاجة شوف حد معرفة علشان موضوع التبديل و تاخد ورق الموتور علشان تثبتة على ارخصة بعد كدة

**heshamzaky** · 12-01-2012 06:25 PM

نصيحة اخيرة لو فعلا موتور الانو حا يركب من غير اى مشاكل و مفيش تعديلات ركبة
الموتور اقوى طبعا من موتور ال 127 و 1300 سى سى و حا تحس بقوتة و معظم مواتير الاونو الاستيراد أكيد حا تبقى بحالة جيدة عن مواتير ال 127 لان مواتير ال 127 اقدم و ممكن تكون مستهلكة شوية انا بعد ما ركبت موتور فكيتة و غيرتة لانة كان بيرزع و الموتور الى ركبتة كان كويس فعلا و كنت بجيب بية 140 مفيش مشكلة

**yem_75** · 12-01-2012 07:48 PM

شكرا ياباشا على الرد السريع وان شاء الله بكره اروح عزبة شلبى وأشوف اخبار الدنيا هناك ايه

**heshamzaky** · 12-01-2012 08:00 PM

المشاركة الأصلية كتبت بواسطة yem_75

شكرا ياباشا على الرد السريع وان شاء الله بكره اروح عزبة شلبى وأشوف اخبار الدنيا هناك ايه

تأكد تماما قبل الشراء انك لو جبت موتور الاونو حا يركب عندك من غير تعديلات اتأكد من الميكانيكى بتاعك كويس جدا جدا

**tuning lover** · 31-08-2015 10:17 PM

بعد اذن الاعضاء الكرام ..
عندى استفسار بخصوص صوت فيات 127
العربية عندى صوتها خشن و عالى شوية بس الخشونة اللى ف الصوت دي مسببالى ازعاج
كنت عايز اعرف ايه سبب الخشونة و كيفية المعالجة ؟؟

الموضوع: تغيير موتور فيات 127

LinkBack

أدوات الموضوع

عرض

المواضيع المتشابهه

تغيير موتور لادا

تغيير موتور في جولف 2

تغيير موتور السيارة

تغيير موتور السيارة

الكلمات الدلالية لهذا الموضوع

المفضلات

المفضلات

ضوابط المشاركة