الموضوع: عربيتى مش موزونة

سلام عليكم شباب الخير .. ربنا يكرمكم جميعا على خدماتكم ونصائحكم الغالية ..

أنا عندى استفسار .. عربيتي دايما بتحدف شمال .. رحت عملت ضبط زوايا وترصيص من سنة تقريبا ومكنش فى أى نتيجة .. تعايشت مع المشكلة لحد ما لبست ف حفرة محترمة على سرعة قطعت الكاويتش الشمال أمامى فاضطريت أغير الفردتين اللى ادام .. الاتزان اتضبط شوية بس رجعت تحدف تانى .. كنت فى التوكيل وسألتهم يبصوا ع العفشة قالولى تمام مفيهاش مشاكل .. ايه تانى ممكن أعمله ؟؟ بتبقى مزجعة جدا ف السواقة خصوصا لمسافات طويلة .. وخايف ع الكاويتش الجديد يتنحل بسبب أى مشكلة انا مش عارفها ف العربية .. لو لو عملت زوايا وترصيص تتعدل ؟ أرجو الإفادة .. وجزاكم الله خيرا

إتأكد من ان ضغط الكاوتش متساو فى الناحيتين

مش كل بتوع ضبط الزاويا عندهم المهارة الكافية فجرب اكتر من واحد

لو استمرت المشكلة اعرف ان العربية مخبوطة و الشاسيه معصور