النهاردة كانت مقابلة سريعة وخاطفة ودون ترتيب تمت بيني وبين الأخ ايهاب windsofchange
الصراحة الراجل كتر الف خيره جه مخصوص من النزهة الجديدة للهرم لما عرف ان عندي مشكلة كدة في طرمبة البنزين وعرض عليا الطرمبة بتاعته القديمة اني اخليها عندي علي سبيل الأستبن لو الطرمبة بتاعتي قلت بأصلها ولا حاجة
اتقابلنا في الدقي ورجعنا سوا الهرم
الصراحة راجل قمة في الأخلاق والذوق
واتفقنا اننا إن شاء الله نرتب موضوع المقابلة
ونتقابل كلنا بأذن الله
اتمني يا جماعة الموضوع ماينامش ونتفق علي ميعاد ومكان بأذن الله
ودي كدة حاجة سريعة من المقابلة بتاعتنا
http://img190.imageshack.us/img190/5450/14032012007.jpg
طبعا واضح من الصورة ان اللقاء تم تحت البيت عندي وعربيتي التراب مغطيها بسبب ركنتها لما يزيد عن الثلاثة اسابيع مع اني والله لسة منفضها من كام يوم
عربيتي الزيتي الي علي الشمال
عربية ايهاب التركواز الي علي اليمين
واضح بردو تنوع الألوان عندي
ازرق - فضي - زيتي
بس في النهاية عربيتي زيتي
وطبعا واضح تحيزه لعربيته لأنه هو الي صور الصورة دي
مطلع حتة من عربيته اكبر من الحتة بتاعة عربيتي
ان شاء الله لما نتقابل انا الي هصور وهطلع عربيتي في الصور اكتر من عربيته
طالما هي العملية بقت كدة
من المقابلة اكتشفت ان عربيته اخت عربيتي بالظبط في الكماليات
عنده هو حاجات مش راكبة عندي زي فبرة كدة في حرف الرفرف من جوة بتقفل مع الكرتيرة ودي بتمنع الأتربة والحاجات دي من دخولها للعربية
انا 99 وهو 99 بس انا التوربيدو بتاعي نفس شكل ال2000 وهو زي بتاع ال94 لحد 98
مش عارف دة ليه
هل انا فعلا زي ما الي بيبعهالي قالي انها مواصفات اوروبي ولا لأني نهاية ال99 ؟؟؟؟
يعني انا عندي التكييف فبريكة
هو التكييف بتاعه مركبه
مش عارف الصراحة
عموما
إن شاء الله نتفق ونتقابل كلنا ونطلع القطط الفاطسة في عربياتنا إن شاء الله
والله المستعان
،
،