تركيب اللوحات في الياريس

**Melmahy** · 27-05-2008 11:54 AM

يا شباب انا بواجه مشكله صعبه جداً دلوقتي و هي تركيب اللوحات الأماميه في الياريس ... عايز اعرف بتركب ازاي بالظبط ... لأن الإكصدام الأمامي خفيف اوي و خايف ابوظ اي حاجه و انا بركب اللوحة ... يا تري في اي حد ممكن يساعدني ... شكراً مقدماً ... و يا تري كمان ممكن حد يساعدني في انه يدلني و يقوللي ممكن اركب جنوط فين و اسعارها كام ... و الإحسن اركب 15 و 16 ... انا في انتظار ردودكم ...

**hero** · 27-05-2008 12:15 PM

بص يا سيدي...
الاكصدام الامامي مشكلتة..انة لازق في البار الحديد بتاع الحماية...ومش هاتعرف تدخل ايدك من وراة لمسافة طويلة حتي لو نمت تحت العربية...

عموما هاتلاقي نقطتين بلاستيك باينين في الاكصدام من قدام...دول بتوع اللوحة..
انا عمت فيهم خرمين صغيرين بالشنيور..واخدت المسافة بتاعتهم ..وقمت عامل نفس الخرمين في اللوحة...
وبعدين بتجيب 2 مسمار بصامولة 10مم...وتركبهم..انا علشان اسهل علي نفسي ركبت المسمار من جوة وربطت الصامولة من برة....وطبعا كنت تحت العربية...ومادد ايدي علي اخر ماقدر..

-----------------------------------------------------

الحل التاني:
انك ببساطة تفك الاكصدام كلة....بس ما حبتش اجرب دة علشان العربية كانت لسة جديدة وخايف عليها....وطبعا برضة ما حبتش اخوض التجربة مع اي صنايعي...
هو عامة فك الاكصدام سهل قوي..ودة ايلي عرفتة بعد ما نزلت السرفيس مانيوال...
المانيوال كلة هنا...

وربنا يباركلك فيها ...ويكفيك شرها..

**goodwave** · 27-05-2008 12:52 PM

يا عم هيرو حسست الراجل وحسستني إنها عملية جراحية :)

إنت بكل ومنتهى البساطة تروح المرور حتلاقي هناك واحد واقف معه شنيور ومسطرة وقلم ومسامير بصامولة وشغلته تركيب اللوحات وبياخد 5 جنيه اول عن اخر.

اللوحة الخلفية مش مشكله لانها مخرومة أصلا أما قدام فزي هيرو ما قال يوجد مكانين بارزين مكان الأخرام

**Goodle** · 27-05-2008 12:59 PM

ألف شكر على المعلومة

**Melmahy** · 27-05-2008 01:45 PM

ما هو انا مالقيتش الراجل إللي انت بتقول عليه ده يا باشا ... و كمان عايز اعرف التركيب بيبقي في الخروم البارزه و لا إللي داخله لجوه شويه ... لو أخدت بالك هتلاقي فوق الخروم البارزه فيه خرمين داخلييين لجوه شويه ( مش خرمين بس مكان ممكن يتخرم يعني ) ... و يا ريت حد يقوللي علي موضوع الجنووط ده ... و هل في فرق في العربيه بعد ما نركب الجنوط و لا ما فيش فرق ... يعني منظر بس و لا ايه ... شكرا علي تعاونكم معايا

**goodwave** · 27-05-2008 01:55 PM

بسيطة إن شاء الله
هو المكان إللي داخل جوة مش البارز .... بس خد المقاسات كويس قبل ما تخرم .... الموضوع بسيط لأن ده فيبر في فيبر يعني بعيد عن جسم العربية وممكن تروح لواحد سمكري شاطر او كهربائي بيفهم بس ممكن ياخد أكتر 10 جنية مثلا وريح دماغك.

بالنسبة للجنوط .... هو إنت لسة لحقت تركبها علشان تفكر في الجنوط؟؟؟؟؟؟؟؟؟ على العموم الجنوط طبعا بتديها شكل جميل وثبات على الأرض ومفيش داعي لل 16 خليك في مقاسها الاصلي 15 بس نصيحة ورأي شخصي وياريت ماحدش يزعل مني ......... لو حتجيب جنوط يبقى تجيب الأصلي بتوعها إللي عليهم علامة تويوتا .... أي شكل تاني بيبقى وحش جدا وفي نظري الطاسات بتاعتها وهي مغسولة وبيلمع برقبة ميييييت جنط مضرووب ..... إنما الجنط الأصلي تحفة بس بتتكلم في مبلغ 3000 او 4000 وممكن تتصل بالتوكيل ويقلك على السعر من الأخر.

**hazem_khidr** · 27-05-2008 02:00 PM

الموضوع مش مستاهل كل ده يا جماعه.
النت بتخرم بالشنيور في اي مكان انت عاروزه مش لازم النقطتين البلاستيك و انا عامل كده عندي و محصلش لاكصدامي حاجه.
و مسمارين برمه حيبقي احسن من المسامير و الصواميل.
بالنسبه لورا فبتاخد مسامير 10 او 11 عاديه من غير صاموله علشان بيبقي فيها صاموله.
.....................
الجنوط هات 15 احسن
ابن خالي مركب 16 و العربيه عاليه من ورا بشكل وحش و غير كده لو تلاته ركبوا ورا الكاوتش بيحك في الكارتيره.

**Goodle** · 27-05-2008 02:14 PM

هي الجنوط ال 15بتاعة الياريس عرضها كام ملم.. 195 وللا 205 ؟؟؟
سؤالي ده ليه مغزى عشان الكاوتش اللي نازل أصلا 195..

بانتظار الرد

**hero** · 27-05-2008 03:29 PM

بص يا ريس..
الياريس الكاوتش ايلي جاي معاها ....
185/60r15
لو عايز تركب جنوط اكبر وتحافظ علي ارتفاع العربية علشان يبقي شكلها كويس يبقي تشوف المقاسات دي:
195/55r16
205/40r17

بس خلي بالك الـ16 والـ 17 الفردة الواحدة للكاوتش هاتبقي من اول 1000 جنية وانت طالع ...

وبرضة لازم تشوف الاوفست بتاع الجنط هايبقي مظبوط ولا لا ...علشان الكاوتش العريض ما يحكش في الفجاوي ايلي قدام...

انا عن نفسي افضل مقاس الجنط الاصلي ...الـ 15..او ممكن الـ 16 علي اخر شيء ..

وخلي بالك لما الكاوتش هايعرض ...الباور هايقل..او هايتقل...واستهلاك البنزين هايزيد..
علشان انت بتزود احتكاك العربية بالطريق بقيمة الزيادة في عرض الكاوتش...

**Goodle** · 27-05-2008 03:37 PM

المشاركة الأصلية كتبت بواسطة hero

وبرضة لازم تشوف الاوفست بتاع الجنط هايبقي مظبوط ولا لا ...علشان الكاوتش العريض ما يحكش في الفجاوي ايلي قدام...

انا عن نفسي افضل مقاس الجنط الاصلي ...الـ 15..او ممكن الـ 16 علي اخر شيء...

ألف شكر يا هيرو باشا :)

بس لو الجنط ال 15 هايكون برضه عرضه 185 مم.. يبقى مش فارقة تركيب الجنوط الاسبور عن اللي بتنزل بيها

بالنسبة لل 16 بوصة، أنا كنت فاكر إن ال16 مش هايسبب مشكلة بس واضح من كلامك اللي أنا مقتبسه إن في مشكلة بس أنا مش فاهمها أوي

معلش ممكن تشرحلي.. أصل أخوك مش خبير

الموضوع: تركيب اللوحات في الياريس

LinkBack

أدوات الموضوع

عرض

-

-

-

-

-

-

-

المواضيع المتشابهه

تقرير مفصل عن تركيب فلتر k&n في الياريس + فيديو تسارع قبل وبعد الفلتر

تركيب جهاز طي وفتح المرايا الجانبية في التويوتا الياريس

تركيب اللوحات

تركيب اتوماتيك فى الياريس

تركيب زجاج كهرباء فى الياريس

الكلمات الدلالية لهذا الموضوع

المفضلات

المفضلات

ضوابط المشاركة