يا نهار ازرق دى البلد بقت كوسه خالص
ربنا يبتليك بغراب اعور ينقر عنيك يا حسنى ......................
عرض للطباعة
يا نهار ازرق دى البلد بقت كوسه خالص
ربنا يبتليك بغراب اعور ينقر عنيك يا حسنى ......................
النهارده ابن عمي محامي كان بينقلي عداد الكهرباء من شقه شاريها باسمي بدل اسم المالك القديم وانا عامله توكيل والراجل البايع عاملي توكيل بالشقه بس هو لسه قاعد فيها
المهم لقيته بيكلمني والراجل بيقولي لازم معاينه عشان نعمل تقرير حيازه وان الشقه بتاعتك وكده
قلتله عمري ماسمعت عن حاجه كده قالي ده نظام جديد وعرفت فعلا انه نظام جديد واتاكدت
المهم هو سكت فجاه وقالي بص يابشهمندس اعتبر الموضوع خلص وانا رحت وعملت التقرير واتاكدت من كل حاجه ماشي قلت ماشي قالي يعني وصلت خلاص قلت خلاص متشكرين ياسيدي
كلمت ابن عمي ايه ياعم الراجل ده قالي عايز فلوس وبعدها كلمني تاني بيقول الراجل عايز 150 جنيه قلتله عند امه وخده وديه يعمل معاينه قالي هيروح ويقول ان الشقه لسه في حيازة المالك القديم ويعمل حوار
في الأخر خد 60 جنيه حر ونار في جتته وخلص الموضوع
هي دي مصر وده شعب مصري اللي عايز مليون ثوره عشان كلنا نتغير
حسبي الله ونعم الوكيل
أولا شكرا جزيلا لردودكم ومشاركاتكم إن كان بالتعليقات الطريفة (و أدينا ضحكنا) أو بسرد تجاربكم (و أدينا فضفضنا وخدنا خبرة)
ثانيا : انا امبارح بعد ما الغفير بلغنى .. خدت بعضى وطلعت ع المحكمة واتصلت بالمحامي ماردش .. دورت عليه مالقيتوش .. أمشى ولا أتصرف؟ .. إتصرفت وحدي .. فين ياجماعة الجنح .. فوق .. تحت .. تانى أوضة .. وصلت لموظف إدانى دوسيه الجنحة بتاعتى (شوف الفخر ) ورحت دفعت 5 جنيه مصاريف استئناف (للدقة اسمها معارضة استئنافية) وحددولي جلسه ف شهر فبراير (يوم الفالنتاين تقريبا) و لازم اكون دافع رسوم النضافة و اجيب بيهم مخالصة عشان اقدمها ف الجلسه وأخد البراءة .. اللي مزعلنى انى مارضيتش اغير العتب بتاع العربية ب 1200 جنيه وسمكرتها ب 250 عشان أوفر .. أقوم ادفع 1300 رسوم نضافه علي مصنع مقفول من 20 سنة؟ طيب ولما قضاءنا المصري عادل وسريع كده ليه مش واخد حكم علي اللي قتلوا و جوعوا شعب بحاله ؟ ربنا يكملها بالستر
ما القانون لازم ياخد مجراااااااااااااه
:verygood::verygood:
إنت خبطت العتب
زعلتني ... زعلتني بجد
كده بقا تستاهل يحبسوك ويدفعوك
هي العربية لحقت ياراجل
يابو علاوى مانا سمكرتها ورجعتها أكنها جديدة ماتقلبش عليا المواجع .. ودي يا أخي ميزة الخيول لا عتب يتخبط ولا رفارف تتطبق ولا فوانيس تتكسر .. ده غير انه مش محتاج نمر .. إيه اخبار فيزو؟