هى قضايا صحة التوقيع فيها حبس اول مرة اعرف
عرض للطباعة
سدد وخليك فى الامان وبعدين اعمل اى اجراء قانونى بعد كدا
وده لاننا عايشين فى بلد من غير كتالوج
الشعب يعمل ثورة يعمل الى يعمله مصر مش هتتغير
باشا ولا يهمك ... اسمع دى ابويا لما جاب عربية من ألمانيا فى 82 ودفع عليها جمارك
وضرايب والخ الخ الخ والعربية اتباعت تقريبا فى 85 وابويا مات فى 92
فجأة كدا لا من غير احم ولا دستور فى سنه 96 جاى جواب من هيئة الجمارك
بتقول ان فيه غلط فى حساب الجمارك ولازم تدفعوا
طبعا العبد لله رحت مجلس المدينه اللى جالى منها الجواب واتكلمت مع المسئول
وقلته أولا العربية اتباعت من 11 سنة وابويا مات من 4 سنين وادى شهادة الوفاة ولو عايز
يعنى ممكن تروح للراجل فى تربته تاخد منه الفلوس او تحبسنى انا وعلى فكرة مش هينفع لانى
حديث السن :36_2_33:
قالى خلاص سيب الورق هنا يا ابنى وانا هخلصة ... تقريبا صعبت عليه كان ناقص يطبق بتاع 2 جنية
ويحطهم فى جيبى :36_2_33:
مصر عملت ثورة علي نفسها
بلد بت ........
فيها حبس لو جالك اعلان بالحضور لجلسة اثبات صحة التوقيع ومحضرتش بيجيب عليك رسوم 50 مصاريف محكمة وطبعا مفيش حد بيطالبك رسمى ومع نفسهم بيعملو حجز وتبديد وبعدين حكم غيابى والقاضى قدامه ورق وبس كله فى البتنجان وانصح صاحب الموضوع بالمعارضه بنفسه على الحكم النهارده قبل بكره وياخد افاده من النيابه بكده وبعدين يشوف محامى كويس يباشر القضيه وفى الاخر ان شاء الله حترسى على براءه وبدون دفع مليم واحد بس تاخد معاك كل الورق الى يفيد بوقوف المصنع
والدتى باعت عربيه بتوكيل فوجئت بمحضر بيعلنها بجلسة صحة بيع طبعا نفضت فوجئت بعد فتره بمحضر جاى يحجز على الشقه -طبعا رعب فى البيت لحد لما المحامى جرى ورا الموضوع لقاهم حملوها رسوم واتعاب وحاجات كدا ب 257 جنيه وطبعا الاعلان موصلش والمحكمه ضمنت حقها بقرار حجز
راح المحامى دفع الفلوس واتلغى الحجز وعمار يا مصر وفهمنا ان الزبون بدل ما يسجل فى الشهر العقارى نقل ملكيه ويدفع الرسوم عمل صحة بيع ونفاذ وحملها المصاريف
ومن يومها مفيش بيع الا بعقد شهر عقارى وقتى مع محضر تسليم وتسلم وعقد ابتدائى وكله مكتوب الا كوباية الشاى اللى بيشربها الزبون -مجانا -ههههه