الموضوع: الداخلية تسمح بتظليل زجاج المركبات بكل أنواعها %30

المشاركة الأصلية كتبت بواسطة Ashraf_Ashraf

انا مستغرب ان وزير الداخليه ماسمحش للعربيات اللى جايه من المصنع ب نسبه 70%
زى العباقره اللى عندنا سمحوا للعربيات اللى جايه من الخارج بان الازاز يبقى فيميه وكأن المشكله مين اللى ركب الفيميه مش ان الفيميه ممنوع فى حد ذاته
صبرنا يارب

الاجابة مصر

المشاركة الأصلية كتبت بواسطة saadelden

انا قولت هاروح اجدد الرخصه اخيرا و اثبت الفاميه و اجيب ستاره و اعمل حوارات ف العربيه !
طلع مش مصر :s


ف السعوديه من حقك تفيم الازاز ورا سوبر دارك لكن قدام لغايه ميديام و تركب ستاره ورا

صاحبي اول ما اشتري العربيه كان مفيمها كلها كنا بنمشي نحسس مش شايفين حاجه :d جنون
بس طلعت وراه دوريه مره و قاله تشيله يا اما تاخد مخالفه و تتحبس (دا ع البربريز القداماني و ازاز السواق و الراكب )
شاله و حط تاني يوم الميديام و شغال عادي جدا

لن انسى يوم العيد الوطني كانو بيحطو صوره الملك عبدالله علي الازاز كله , مش فاكر صورتهم ولا لا
بس كان استهبال
عربيات كتير كانت عاملاه و محدش بيكلمهم طبعا !

وفي الكويت برده في العيد الوطني كل الترويش متاح

المشاركة الأصلية كتبت بواسطة minicooper20

الله يسمحك يا عم

يسامح اللي كان السبب في اللي احنا فيه

المشاركة الأصلية كتبت بواسطة osama.m

هو 30 % دا اللي هو الميديام ؟
رخصة العربية هتتجدد الشهر دا و للأسف هتطر اشيلة .. بس امسك الرخصة بس و طيران على بتاع الاكسسوارات تاني

بيجبرونا على كده منهم لله

المشاركة الأصلية كتبت بواسطة Ahmed A.Maksoud

ههههههههههههه

تصدق حلوة البعتة دى :)

مع أنى مش فى مصر أصلاً بس كنت أبتديت أفكر فى شكل العربية لما أفيمها

فى الإمارات الفيمية عادى........و تقريباً 90% من الناس مفيمة إن مكنش أكتر كمان

الفيمية المسموح كالأتى

للمقيمين ( مش الإمارتيين يعنى) 30%
للمواطنين 40% أو 50%
للشيوخ ( العائلات الحاكمة يعنى ) مسموح 100% لو يعرفو يشوفو منه و مع ذلك قليل لما تلاقيهم مفيمين أكتر من 50% مثلاً.....يعنى تلاقى عربية خصوصى الشارقة رقمها 2 مثلاً و تلاقيه مش مفيم.......أو مفيم 50%

الإستثناءات اللى مش رسمية بتبقى للسيدات.......يعنى بيسمحو بصورة مش رسمية للسيدات تفيم حتى سوبر دارك بلاك عادى.

الغريب فى الموضوع أنى كنت بشوف عربيات كتيييييير شويتين بيبقى فيها زى الشماسة العاكسة اللى بنحطها فى مصر لما نركن العربية و بتتلزق على الأزاز الأمامى.....و بشوف ناس سايقين بيها عادى..........بقيت هتجنن بيسوقو إزاى لحد ما مرة كان واحد حاططها و واقف فى محطة بنزين و فاتح الشباك الجانبى و بصيت عليها لقيتها من جوة العربية بتشوف منها عادى زى ما تكون مفيم فيميه خفيف بس اللى برة العربية ميشوفش مين اللى قاعد ورا الدركسيون.



ده عادى........ده نوع من أنواع البلاستيك تقريباً بيخليك تشوف من ناحية واحدة بس
بشوفه كتير و أنا داخل شركات مثلاً تلاقى الباب الأزاز من برة عليه أسم و لوجو الشركة و أنت مش شايف أى حاجة جوة.........و أنت خارج بتشوف اللى بره عادى.

بيعملوه هنا برضه فى العيد الوطنى بتاعهم...........و مش عاوز أقولك على مكاسب بتوع الأكسسوارات فى المناسبات دى عاملة إزاى.

عندهم نوع دهان بتدهنة على العربية تخليها اللون اللى أنت عاوزه........عامل زى الوان المياه كده و لما تغسل العربية اللون بينزل مع المياه.

المشاركة الأصلية كتبت بواسطة Ahmed A.Maksoud

نسيت أقول أنى كنت مفيم عربيتى 30% و ملتزم بالقوانين عادى

و واحد صاحبى جاب عربية و فيم 40% و العربية قعدت معايا كام يوم...........الفرق بين الأتنين فى الأحساس بالحر واضح جداً......مع إن عربيتى كنت عاملها 3m و عربيته فيميه عادى.

بس بالليل لو أنت فى مكان مضلم شوية زى المكان اللى بركن فيه ورا العمارة مش بعرف أشوف حاجة من الإزاز الجانبى تقريباً و بتضطر أفتح الأزاز علشان أعرف أركن......ده فى ال40%........لكن ال 30% بشوف منه عادى.

إن شاء الله ربنا هيكرم مصر و يبقى 25 يناير عيد بجد بس أكيد مش السنة دي

المشاركة الأصلية كتبت بواسطة mohammedabdallh

اوعدنا يا رب

أمين يارب

اسف على التكرار