اكسنت حمرا .. بجنوط 14 بيضا

**A7MED_PHARMA** · 13-01-2012 08:10 PM

السلام عليكم

قلة أدب من عيال صغيرة
النهاردة قبل المغرب كنت ف الزقازيق
كان الشتاء شغال.. وقل كتيرررررررررر
برك مريه ماليه الأسفلت في كل حتة
ماشي براحتي خااااااااااااالص علشان ماطرطش على أي حد جمبي ولا أوسخ العربية أكتر ماهي وسخة
المهم
( علشان طبعا شكل العربية .. عيال كتير بتيجي جمبي وبتسخن)
عيل صغير راكب عربية أكسنت لونها أحمر .. وفيها جنط 14 أبيض مرشوش .. ومفيم طبعا
جه ورايا .. ودااااااااس بنزين وراح معديني .. ومهدي جمبي . وراح جاااااري تاني
معبرتوش
راح مهدي لحد ماعديته
جررررررررري تاني وراح معديني من الشمال والغبي شايف بركة ميه كبيررررررررة
طششششششششششششششش
راح مغرق جمب العربية والكبوت والقزاز ميه وسخة
كبرت دماغي وقلت مايقصدش
عملها تاني
وراح مهدي وراجع ورايا .. وطلع تاني في بركة ميه وراح مطرطش عليا

سبحان من صبرني
وجرررررررررررري
أنا طبعا ماليش في لعب العيال ده
ودخل حي السلام قبل صيدناوي
بس بقول
لو حد من الزقازيق يعرفه .. أول مرة هشوفه هلبسه في عمود

الواحد أساسا بيمشي بيستنى أي حاجة علشان يتخانق
لكن والله ماطلبت معايا جررري ولعب عيال..علشان كنت مستعجل أروح ومش في موود إني أنزل أمسك في عيل صغير

**A7MED_PHARMA** · 13-01-2012 08:39 PM

ربنا يكرمك ياعمر

معلش ياجماعة مكنتش مركز

العربية إكسيل .. مش أكسنت

**mido_soliman** · 13-01-2012 08:55 PM

انا لو مكانك كنت حعدية واقف قدامة واوقف الشارع وانزل ارنة علقة واخد بعضى وامشى عادى خالص
انا من الزقازيق بردة والاشكال اللي زى دى مبينفعش معاهم غير كدة

**A7MED_PHARMA** · 13-01-2012 09:00 PM

حصل معايا كام مرة حاجة زي كده
وكنت بتخانق على طول

النهاردة كان الجو بر.. والدنيا طين ..وأنا كنت مستعجل علشان أرجع شغلي
وماطلبتش معايا خناق
لكن وعد

أول مرة هشوفه .. هلبسه في أي حاجة
عيال فاضية وأهلهم ماعرفوش يربوهم
طيب عاوز يسخن وأجري معاه .. يسخن براحته
لكن يعكني ميه علشان أجري وراااه .. دي قلة أدب
أنا معايا رقم العربية .. أخدته علشان أوصي عليه أمين شرطة ف المرور يظبطه

**mohammedabdallh** · 13-01-2012 09:08 PM

يا فارما بيه ده العادى فى مصر قله ثقافة وتربيه

**shaddadfalcon1** · 14-01-2012 12:15 PM

هههههههههه
طيب خد دي

السنه اللي فاتت مروح علي الزراعي والزارعي جنب التلتوار بيبقي فيه يجي شبرين مياه واقفه من الشتا وكلها طين

المهمي انا الأتجاه التاني مكنش فيه حاجه فكنت ماشي في الشمال اتجاه القاهره وفي اتحاه الأسكندريه يامعلمي عربيه تقل كبير ماشي في الشمال ولك انت تتخيل ماشي بسرعته وجه في حته فيها مياه وانا كنت قصاده

والله العظيم من غير تهويل كانت عباره عن موووووووووجه كبيره جدا شوفتها جايه فوقي ومفيش وقت اعمل اي حاجه
الموجه كانت كبيره قوي لدجة انها غطت العربيه كلها واول حاجه جت في دماعي اني اقفل القزاز وملحقش يقفل كله

المساحات بقي اشتعلت علي اعلي سرعه عشان انزل القرف اللي علي القزاز وفضلت اكتر من 5 ثواني مش شايف حاجه يعني كنت ممكن اروح في داهيه

انا غرقت مياه والدواسه كان واقف فيها مياه من الموجه

وانت زعلان انه وسخ جنب العربيه

ياراجل كبر دماغك