انا هتجنن من العربيات اللي بركبها وبشوفها

**أبو صلاح** · 11-01-2012 06:48 PM

الحمد لله ربنا كرمني وسافرت السعودية شغل

اول لما جيت وصلت للمطار قابلني الكفيل السعودي وركب عربية مرسيدس شبه الجيب كده الراجل بيقولي تعمل 400 الف ريال مستعملة بس هي بتاعة ROAD OFF

وبعدين رحت على السكن وتاني يوم سافرنا مسافة 300 ك من لارياض في S500

وصلت الحمد لله مقر العمل وبقا العربية اللي موجودة تحت رجلي هيونداي H1 (أقذر عربية ركبتها هنا)

اثناء تواجدي بالعمل وبدا تعارفي بالناس بدأت بقى اسوق عربياتهم واجرب العربيات دي :
ودي اول واحدة جربتها فورد جراند ماركيز 98

قررت اني اشتري العربية دي لما ربنا يكرم وهي تعمل هنا حوالي 15 الف ريال

شوية واتعرفت على واحد مصري معاه كامري 2011 اوتوماتيك طبعا ركوبتها بعد الامريكي فردة شبشب

صاحب الشركة جيه مرة ومعاه عربية GMC يوكن موديل 2011

دي كانك راكب جبل وماشي بيه عجبتني جدا لكن طبعا بالنسبة لي حلم لانها غالية جدا

بعد كده اتعرفت على واحد مصري معاه عربية تويوتا انوفا مانيوال

برضه وصفها زي الكامري فردة شبشب بس عائلية شوية ومريحة عنها (وجهة نظري رغم انها فئة اقل منها)

نيجي بأه لآخر برنس مصري اتعرفت عليه وده اللي جنني
الراجل ده بمعدل كل شهرين ممكن يغير عربية
الاول كان معاه عربية شيفروليه كابريس 2009 اوتوماتيك 3000 سي سي وهم بجد وجننتني خصوصا على نظام الاسبورت موت حوار وخصوصا كماليتها حكاية

الاجمل ان سعرها هو جايبها ب 55 الف عاملة 50 الف كيلوا بس عربية روشتني بجد انا كل شوية كنت بروحله علشان اخرج بيها

وكان معاه عربية تانية علشان ابنه الصغير 7 سنين يفحط بيها تويوتا نص نقل دبل كبينة موديل 2010 عربية حلوة برضه

آخر حاجة بقى جابت آخري ومبقتش قادر استحمل خصوصا بعد لما عرفت سعرها

انا سقت العربية دي يا رجالة مش عايز اوصف واقول

آه كان في في النص تجربة فورد اكسبلورر 2002 وفورد اكسبديشن 2009 تحسها مدرعات ماشية على الارض بس مش بتاعة جري

طبعا بعد ده كله لو فكرت اشتري اعمل ايه ؟ انا قرب يجيلي تخلف عقلي
ومش معايا المبالغ دي خالص دلوقتي وبعدين لو معايا انا جاي اشتغل ولا جاي اشتري عربيات
ولما ارجع مصر يا جدعان اركب عربيتي حبيبتي الريو 2001 ازاي (ربنا يخليها لي)

اعمل اي يا جدعان خلاص والله مش قادر استحمل

احنا ليه في بلدنا بيتعمل فينا كده
ليه منركبش عربيات زي دي وباسعار كويسة زي هنا

حسبي الله ونعم الوكيل

**rompo10** · 11-01-2012 07:39 PM

حاول ماتركزش مع العربيات بره لانك هاتتجنن وربنا يجيبك بالسلامه

**Deshahcoka** · 11-01-2012 08:02 PM

هههههههههههههههه ال تركب عربيات :)

**X_MM_X** · 11-01-2012 08:08 PM

ابتسم فأنت في السعوديه :) الله يخربيت الضرايب اللي نصها او اكتر في كروش العهد القديم وبتروح تشتري الصيني بسعر الكامري :$

**JUVENTUS** · 11-01-2012 08:38 PM

طيب ايه رأيك في التاكسيات مثلا
يعني على سبيل المثال تويوتا كامري و هيونداي سوناتا هههههههههههههه
عربيتين محدش عارف يركبهم هنا اصلا

**mohammedabdallh** · 11-01-2012 09:00 PM

000000000000000000

**أبو صلاح** · 11-01-2012 10:02 PM

المشاركة الأصلية كتبت بواسطة rompo10

حاول ماتركزش مع العربيات بره لانك هاتتجنن وربنا يجيبك بالسلامه

الله يخليك ياباشا وارجع بعقلي

المشاركة الأصلية كتبت بواسطة Deshahcoka

هههههههههههههههه ال تركب عربيات :)

حلم نفسي يتحقق
احنا مش اقم من اي بلد عربي

المشاركة الأصلية كتبت بواسطة X_MM_X

ابتسم فأنت في السعوديه :) الله يخربيت الضرايب اللي نصها او اكتر في كروش العهد القديم وبتروح تشتري الصيني بسعر الكامري :$

لما نشوف العهد الجديد هيعمل ايه ؟

المشاركة الأصلية كتبت بواسطة JUVENTUS

طيب ايه رأيك في التاكسيات مثلا
يعني على سبيل المثال تويوتا كامري و هيونداي سوناتا هههههههههههههه
عربيتين محدش عارف يركبهم هنا اصلا

ياباشا تخيل ان العربيات دي شغال تاكسيات امال الملاكي يبقى ايه ؟
انا بكلم الناس السعوديين على الوضع في مصر يفتحلي بقه من الاستغراب
وتعالى اسال السعودي قوله عربيتك كام سيسي والله معظمهم مايعرفوش

المشاركة الأصلية كتبت بواسطة human12

الامريكانى المستعمله ام 15 الف ريال احسن من الكامرى؟

الامريكي افضل طبعا من الياباني وفي وجهة نظري كمان افضل من الالماني
انا اقصد في الثبات والراحة في السفر
لكن لو كماليات واوبشن (انا مش غاويها) الالماني يتفوق طبعا
والله انا ارتحت في الجراند ماركيز 98 اكتر من S500 موديل 2011

المشاركة الأصلية كتبت بواسطة mohammedabdallh

00000000000000

0000

ده في خلال 4 شهور بس مابالك لو كملت سنه هيحصلي ايه ؟

المشاركة الأصلية كتبت بواسطة eng f3lix

ههههههههههههههههههههههههه ههههههههههههههههههه
انا لما سافرت قطر عند والدي هو ساكن ناحية المطار وفيه معارض عربيات هناك فيراري بورش لامبورجيني
للاسف اتجننت وطلبت اعمل test drive للجلاردو خصوصا ان مدير المعرض صديق شخصي لوالدي .. ومن ساعتها وانا كااااااااااره كل العربيات خصوصا اني معرفتش اسوقها + اني سوقت فيراري 360 مودينا في مارينا السنة اللي فاتت .. حاجة كدة كأنك طول عمرك سايق توك توك

حاجة بقى هتعجبك في السعودية ان المتسوبيشي ايفو 5 منتشرة كتير ومحدش بيشتريها وممكن تلقط واحدة برخص التراب

الميتسوبيشي عامة مش منتشر كتير زي التويوتا

والحال من بعضه انا رغم حبي الشديد لعربيتي بس مش عارف ايه احساسي لما ارجع اركبها

يا اخي ووالله لقيت عربيتي هنا شغالة دليفري في بقالات ومطاعم صغيرة
تخيل عربيتك شغالة دليفري مكان موتسيكل
اعمل ايه يا عالم

حرااااااااااااااااااااااا اااااااام

**yoko** · 11-01-2012 10:18 PM

ودي اول واحدة جربتها فورد جراند ماركيز 98

دي عربيتنا الحاليه في السعوديه
وإنت لسه مشوفتش اللامبو والفيراري والمازيراتي يبقى لسه مشوفتش عربيات السعوديه إنت كل ده بتتكلم في العادي
لما تلاقي audi r8 بتفول جمبك ولا فيراري f430 بيقلبلك نور عشان توسعلة ولا تلاقي لامبو وإنت ماشي 180 يحسسك إنك واقف تبقى شفت عربيات

-

-

الموضوع: انا هتجنن من العربيات اللي بركبها وبشوفها

LinkBack

أدوات الموضوع

عرض

-

-

-

-

-

المواضيع المتشابهه

صور العربيات اللي ركبتها

هديه لكل اللي معاه العربيات دي

هديه لكل اللي معاه العربيات دي

هديه لكل اللي معاه العربيات دي

الكلمات الدلالية لهذا الموضوع

المفضلات

المفضلات

ضوابط المشاركة