بالظبط ...و فى نفس الوقت بعد تفكير طويل و مشاوره للاعضاء لقيت ان مفيش حاجه اصلا امسك فيها قانونيا ..
الحاجات الى تثير الشك كتير
لكن موقفى فى القانون يساوى صفر !
انا طبعا مش هسكت ...لكن للاسف التحرك بشكل قانونى مش هينفع ..
هحاول اوصل للحقيقه بشكل ودى و عن طريق السؤال ...
و ان شاء الله هجيب نسخه من تقرير الطب الشرعى
عارف ايه اكتر حاجه مزعلانى و تثير الشك ..
لما نقلوه المستشفى و حالته حرجه و عرفو انه مش هيعيش ..محدش اتصل بينا ليه ؟
هو مش من حق الواحد لما ييجى يموت يبقى اهله و احبائه جمبه ؟
و من حقنا اننا نبقى جمبه فى اخر لحظات فى حياته ؟
و من حقنا نبقى معاه من اول دقيقه بعد وفاته لحد ما ندفنه ...
الحاجات دى الاشخاص القذره الى زيهم ميحسوش بيها ...لانها محتاجه بنى آدم ...يحس بيها
الدوام لله وحده ...
ياريت الحق يظهر ..
وان شاء الله الى انا واثق منه ان الظالم هينال عقابه ...لو فلت فى الدنيا ..هيتعذب عذاب شديد فى الاخر
ولا انا ولا اهلى ولا اى واحد عرف احمد او اتكلم معاه حتى لو دقيقه مسامح الى عمل كده
آمين يا رب العالمين ..
مفيش شك انى هستمر فى البحث ..
لكن زى ما قولت ..الطريق القانونى مغلق !
ربنا يصبرنا و يصبر كل الى زينا ...وينتقم من كل ظالم شر انتقام
الدوام لله وحده ....
طبعا قلب الام مبيضحكش عليه ..
حضرتك مش متخيل بتبصلى ازاى لما احاول اقنعها ان مفيش اى اذى او اى ظلم وقع عليه ...
بتبقى عارفه انى بكذب عشان اريحها ...
ومتشكر على شعورك الطيب ...
وربنا يرحم جميع امواتنا ..