هو انت عارف حاجه غير الى قولتهالى ؟
قول يا محمد
عرض للطباعة
هو انت عارف حاجه غير الى قولتهالى ؟
قول يا محمد
ياريت الاخ مصري يقول لو فيه معلومه عنده
لا حول ولا قوة الا بالله
فعلا الموضوع غريب اوي
و الاغرب الاسلوب المتبع و الكلام الكتير و المشرحه و كده
و الاغرب و الاغرب نص بند سبب الوفاه علي كلامهم مافيش اذي وقع عليه "سقوط علي جسم صلب " و ده بياكده كلام الناس اللي دخلت و حضرتك قولت انك تثق في اتنين منهم "كدمه صغير ناحيه اليمين"
و بعدين حتة ان المخابرات العسكريه اخدت المركز و عزلت رتب فيه دي معانا ان في تقصير حصل في التدريب او التكدير فعلا و ده كان الجزاء لان حالة وفاة في معسكر تدريب علي حد علمي مشكله كبييييييره في الجيش و في ناس كتير بتتنفخ فيها
زي بردوا كان في حدثه شهيره وانا كنت معاصرها لان الولد ده دخل في دفعة ناس صحابي في الجيش كان جسمه ماليان اوي و المفروض يطلع كومسيون طبي التصاق في الفخذين و كلام من ده و دخل الجيش بالكوسه بتاعتهم و لجل حظهم الاسود الواد اصلا كان قلبه ضعيف ماستحملش ياعيني تدريباتهم مات في الطابور الصباحي حاجه كده في مركز تدريب .... مش عايز اقولك من اول الدكتور اللي مضي علي لائق لحد قائد بتاع مركز التدريب اللي حصل فيه المشكله و الواد مات لانه بيستلم الناس الجديده و شافه و سكت كلهم اتنفخوا نفخه ميري من المخابرات العسكريه دي و الواد علي ماذكر مكنش ليه واسطه ولا حاجه
انا عرفت الموضوع ده كان نزل خبر في الجريده بس حاجه كده صغيره و علي جنب و بالصدفه صديق صديق ليا كان معاه في مركز التدريب فحكالنا القصه بالتفصيل
للاسف الموضوع ده مشابه و مش هاتعرف الحقيقه الا لو حد مجند كان معاه ساعتها لكن غير كده مافتكرش ان حد هايقول حاجه
البقاء لله و اعتبر انه ذهب لقدره و خلاص مش هاقدر افيدك بجد غير اللي قولته
ارجوا يكون كلامي خفيف عليك ياستاذ / خالد
انا لله وانا اليه لراجعون و البقاء لله يا استاذ خالد
اللي هيفيدك و يجيبلك خلاصة الكلام يا خالد هو محامي معرفش بقي لازم محامي عسكري ولا حد من المحاميين هنا ممكن يساعدك
بس اللي المفروض تعرفه هل الشاهد هيتأمن بعد ما يقول شهادته علشان لو كانوا فعلا لعبوا علي العيال و هددوهم يبقي انت تلعب علي النقطة ديه و تكلمهم و يبقوا متأمنين
متأمنين من ايه بصراحة معرفش هما ممكن يعملوا فيهم ايه ؟ بس ايه اللي هيحصل يعني ؟! مدة خدمته و هيقضيها وخلاص انتهينا ! لكن هما هددوهم بأيه و خايفيين من ايه الله اعلم !
كلام حضرتك خفيف مفيش اى مشكله ...
للاسف المجندين الى معاه و اعرفهم ..رافضين يتكلمو ..مش عارف اوصل معاهم لحاجه
و فعلا هما متنبه عليهم محدش يتكلم ...
مفيش شك ان ده قدره ..وان مهما كان الى حصل ..مجرد اسباب ..والموت واحد
وكان هيحصل حتى لو مراحش الجيش اصلا
بس فى حق ..انا مينفعش اعرف ان اخويه اتظلم ..والظلم اتسبب فى موته و انى اتحرم منه و ابويه و امى و اخويه الصغير ..وخطيبته ..بسبب تخلف حيوان مثلا ..واسكت ..
البقاء لله اولا واخيرا
بس انا رأى متسيبش حقك
الوضع مش مريح
والتعويض دا يخليك تشك انهم بيعملوا كدا عشان يسكتوا الناس على جريمه حصلت
الموضوع يخلص بانك تتكلم مع محامى
انا لو تفتكر كنت عامل موضوع فى المنتدى عن ضابط اعتدى على عربيتى بسبب انه عاوز يركن عربيه اخته
كلمت محامى بالصدفه اعرفه و حاليا تقريبا الضابط دا هياخد حكم
عشان المحامى بيبقى عارف هو بيعمل ايه انما انت بتتصرف بطريقه عشوائيه
هو ممكن من ورقه واحده يقدر يوصل لمعلومه
الحمد لله على كل شىء ..الدوام لله وحده
مهو المحامى الى انا معاه ..مش واثق فيه و عاملى البحر طحينه و عايش دور فريد الديب ..و لهف فلوس من غير ما يعمل حاجه اصلا !
المجندين بقى مش عارف هما هددوهم بالقتل ولا ايه !! ده مخروسين تماما ..لدرجه ان اتفقت مع واحد هروحله ..هسافرله يعنى ..اختفى بعدها و مبقاش يرد على التليفون !!
بصراحه يا استاذ خالد انا مش عارف ارد عليك اقولك ايه
حسبي الله ونعم الوكيل في الي كان سبب وراء الي حصل وفقدانك اخوك الكبير
البقاء لله وربنا يصبرك ويصبر والدتك ووالده يارب
من وجهه نظري المتواضعه ومش عايز اكون بثبط عزيمتك او سبب ف انك تاخد قرار نتيجه وجهه نظري الخاطئه
بس هما خدوا وقتهم كويس قوي ف انهم يغطوا الموضوع وكل الدلائل ومطلعش تقرير من الجيش ولا طلع تصريح وفاه من الجيش خلوكوا تطلعوة مدني ومفيش اثباتات بيتهيقلي زي ما سمعت ان القضيه خسرانه
مش عارف اقولك ايه بس لازم تشوف محامي واتنين وتلاته حتي لو مش هنا ف المحله وتكلم معاهم وتعرض القضيه وتشوف ولو ناوي تكمل ف الموضوع ده حاول تعرف معلومات اكتر تشوف التاني الي كان معاه ف الموقف الي اتحكالك اسمه ايه تعرف اهله
البقاء لله مره تانيه وربنا معاكم يااارب
ربنا يكون في عونك
لو احتجت اي حاجه ولو عايزني جمبك ف اي حاجه
وفرصه اني من المحله جمبك انا موجود ياريت تكلمني وتعرفني
لو حابب الخاص موجود اكلمك ونتواصل
مهو انا مع محامى عسكرى ..
بعت طلب بأسمنا ..بيطلب فيه نسخه من تقرير الطب الشرعى ..لمعرفه سبب الوفاه و الطريقه و كده
تم تجاهل الطلب
بعت تانى تجاهلوه
بعت التماس لمكتب المشير تجاهلوه
برده فى نقطه ..المحامى عمل كده لان متخوف انه يرفع قضيه من الاول ..لان احنا مش عارفين مضينا على ايه لما استلمنا ال 50 الف ..