شاشة الألنترا 2012 وصلت يا رجالة

**Samir Elshahawy** · 22-01-2012 01:20 PM

المشاركة الأصلية كتبت بواسطة mmbadroo

هو ده العادى بتاع التوكيلات والله الخدمة المقدمة اقل بكثير من المقابل المادي والموضوع ده على مستوى الجمهورية وياريت جهاز حماية المستهلك يشوف شغله وحسبى الله ونعم الوكيل

علشان كده أنا بأقترح أننا في مقابلة هيونداي القادمة أن شاء الله نناقش فكرة أنشاء رابطة لمالكي هيونداي بحيث نصبح قوة ضغط فعلية علي الوكيل و الموزعيين و مراكز الخدمة

**temtem_mm** · 12-03-2012 08:07 PM

يا جماعه ضروري عاوز اعرف لو ركبت الشاشه دي على الالنترا بتاعني تخرج بره الضمان وله لا وهل في تركيب شاشة جي بي اس في الوكيل ??

**kbarema** · 13-03-2012 01:20 PM

غاليه جدا بس جميله برضوا

**mahmoud_afifi** · 13-03-2012 09:20 PM

المشاركة الأصلية كتبت بواسطة temtem_mm

يا جماعه ضروري عاوز اعرف لو ركبت الشاشه دي على الالنترا بتاعني تخرج بره الضمان وله لا وهل في تركيب شاشة جي بي اس في الوكيل ??

لأ , تركيب الشاشه مابيخرجهاش من الضمان لأنك مابتلعبش في ضفيرة العربيه. وتركيبها سهل جدا وسريع لو الي بيركب الشاشه متمرس وعارف هيدخل الاسلاك ازاي وفين عشان اسلاك كتير وطويله.
والتوكيل مفهوش تركيب شاشه, اخرهم كاسيتات من الي عندهم

**Samir Elshahawy** · 04-11-2012 10:28 PM

ماهو الشاشة هنا برضه عليها ضمان سنة و بنفس لون التابلوه و بيتم تعريفها علي مفاتيح الطارة
multi - function و كمان فيها ميزة أنك تقدر تغير الاضائة و الخلفيات الخاصة بها و تتحكم في درجة سطوعها منها مباشرة أو من خلال مفتاح الديمر اللي في التابلوه

و هيا هيا نفس الشاشة اللي في السعودية و ثمنها نزل علي فكرة و أصبح بحوالي 2600 جنيه و الميزة أن لو جبتها من السعودية مالهاش ضمان هنا يعني لو حصل فيها حاجة هاتصلحها علي حسابك

**a_ragab_itp** · 26-12-2012 08:37 PM

يا جماعة كنت عايز اسال عن التليفزيون هل بيشتغل كويس وانت ماشى ولا بيبقى مشوش وما بيتشفش
كمان عايز اسال عن رايكم فى نوع من الشاشات دى قيه انترنت عن طريق يو اس بى مودم بتاع موبينيل او اى شركه تانيه بس النوع ده مافيهوش تليفزيون

اللى كنت عايز اسال عليه هو موضوع الانترنت ده لو حد جرب موضوع الانترنت ده

على فكرة النوع ده تمنه 3150