اليا رس وصلت يا رجالة....

**kehso** · 31-07-2008 10:41 PM

اخيرا ... استلمت اليارس ... باركولى
اليوم حصلى حاجات يا جماعة والله غريبة جدا من اول ما استلمتها .....
اول حاجة المندوب اللى كان هايطلع معايا علشان نرخص (وده طبعا كان يوم السيرك العالمى )... قللى خلينى انا اسوق علشان كنا متاخريين وانا عارف انك هاتمشى براحة علشان طبعا العربية لسه جديدة وانت هتبقى لسه مش واخد عليها وكده يعنى قلت مفيش مشكلة... واحنا رايحيين وكان بيكلم فى الموبايل وفجاة عربية وقفت امامنا دون سابق انذار فى نص الطريق على الكورنيش ويدوب لحق ضرب فرامل ولحق العربية على اخر لحظة يدوب والله.. المسافة تعدى ورقة ده لو عرفت كمان .. مش عايز اقولكم قلبى انا وهوه وقع فى رجلية لدرجة ان الراجل قالى تعالى سوق انا خلاص..
الحمد لله ربنا ستر والعربية تمام..(دى عينة من النا س اللى بتسوق..)
رحنا للمرور مش عايز اقولكم يوم ولا فى الاحلام..بجد لو حبيت تعذب شخص
ابعته المرور المهم المندوب خد منى 550 جنية وده كان ترخيص سنة واحدة طبعا بالاكراميات اما التفاصيل مش عارفها....
المهم الحمد لله استلمت الرخصة وكان لازم اروح البنك علشان يتطلع على الاصل
وكانت المفاجاة .... رقم الشاسيه فى الرخصة خطا.. تخيلوا
ودى كانت اخر المفاجات ... مندوب المعرض قالى مفيش مشكلة ان شاء الله دى حاجة بسيطة ان شاء الله نروح المرور يوم السبت ويغيروا الرقم اللى حصل فية خطا و نطلع رخصة بالرقم الصحيح.. وده كانت نهاية اليوم....
ايه رايكم يا شباب....؟

**bemocarlo** · 31-07-2008 10:52 PM

الف مبببببببببببببببببببببببب رووووووووووووووووك والحمد لله ان ربنا سترها في اول مشوار وان شاء الله الرخصه تخلص علي خير
bemo,ire

**sa3dawy** · 01-08-2008 02:00 AM

الف الف الف مبروووووووووووووووووووووو وووووووووووووك
اخيراااااااا
على فكرة انتا لازم هتخبط خبطة فى اول اسبوع
فنصيحة منى
لازم تهيىء نفسيتك ليهااا
زى الى حصلى !!!!
يلا بقا
الف مبروووووووووووووووووووووو ووووووووووووووووك تانى على التحفة

**Ramy.Gamal** · 01-08-2008 02:57 AM

لازم تدبح حاجه لله علشان ربنا يحفظلك العربيه الجديده ومنها تطلع حق الفقراء من اموالك

**sa3dawy** · 01-08-2008 04:45 PM

معقولة الناس بطلت تبااااارك اوى اكدا ؟؟؟؟

**alivara** · 01-08-2008 08:35 PM

المشاركة الأصلية كتبت بواسطة sa3dawy

الف الف الف مبروووووووووووووووووووووو وووووووووووووك
اخيراااااااا
على فكرة انتا لازم هتخبط خبطة فى اول اسبوع
فنصيحة منى
لازم تهيىء نفسيتك ليهااا
زى الى حصلى !!!!
يلا بقا
الف مبروووووووووووووووووووووو ووووووووووووووووك تانى على التحفة

ايه اللى انت بتقوله ده ؟! الراجل مبسوط و بيقولك انه جاب ياريس و فرحان تقوله العربية لازم تتخبط فى اول اسبوع ؟ ايه الفال الوحش ده ؟
و بعدين انت عربيتك اتخبطت مش لازم بقى تبقى فيه قاعدة ان عربية اى حد لازم تتخبط اول اسبوع
كلام غريب بجد

**sa3dawy** · 01-08-2008 09:05 PM

المشاركة الأصلية كتبت بواسطة alivara

ايه اللى انت بتقوله ده ؟! الراجل مبسوط و بيقولك انه جاب ياريس و فرحان تقوله العربية لازم تتخبط فى اول اسبوع ؟ ايه الفال الوحش ده ؟
و بعدين انت عربيتك اتخبطت مش لازم بقى تبقى فيه قاعدة ان عربية اى حد لازم تتخبط اول اسبوع
كلام غريب بجد

انا بقول كدا بس علشان 5 اصحابى حصلهم نفس الموضوع
وبعدين حقك عليا يا سيدى

**mazen86** · 01-08-2008 09:21 PM

ألف مبروك

بسم الله ماشاء الله

ربنا يحفظهالك من العين

**Sharky** · 01-08-2008 11:46 PM

الف مبروك يا باشا

**دموع الثلج** · 02-08-2008 04:33 AM

الف مبرووووووووووووووووووك على الياريس خلى بالك وبلاش تخاف زياده عشان العربيه جديده

وبمناسبه الخبطات دى بتكون ربكه بس لان الواحد قلقان من العربيه جديد ه وخايف عليها انا عربيتى الفانوس الخلفى اتكسر بعد اول ساعه استلام مجرد ما دخلت بيها شارعنا نزلت لقيت الفانوس الخلفى تعيش انت

هو سعداوى اكيد مش يقصد يفاول طبعا بس بينبهه للحسد

العين حق يا جماعه
اذكر الله وقول دعاء الركوب وربنا يحفظك ويكفيك شر طريقها وادبح حاجه طلعها صدقه لوجه الله مش بقصد مباركه السياره

ربنا يعطيك خيرها ويكفيك شر طريقها يارب