الموضوع: تشخيص العطل فتيس و الاصلاح كان بدون عدة يالاالعجب

السلام عليكم يا جماعة بجد المنتدى وحشنى جداً بس انا عندى ازمة فى الشغل اليومين دول المحامى اللى معايا فى المكتب حيسافر للخارج و سابلى الدنيا غرقانه مرة واحدة و رجعت عشر سنين لورا اروح كل المشاوير و اكتب فى نوته الشغل و اللى حيتعمل و اللى اتعمل بالفعل
المهم شوفوا القصة العجيبه دى و اعتقد اننى لم ابالغ إذا طلبت من الإدارة بعد إذن السيد / طنانى منسق القسم تثبيت الموضوع ده لانه بالفعل كان ممكن بمنتهى البساطة مع آى نصاب مبتدئ ينصب عليا بسهولة و اكيد على غيرى لو خصله اللى حصلى
نخش فى الموضوع مبدئياً الاعراض انا كنت ماشى فى امان الله فى طريقى و طبعاً طريق سريع و فجأه أدوس بنزين الاقى الـrbm يعلى لحد 6 و العربية مفيش سحب تماماً مرة فى التانية جربت أققف و أمور العربية على الـ n و بعدين أديها الـ d و امشى تمشى كويس لعدد كيلومترات مش بطال يدوب لربع الطريق و تعملها تانى مخى كان حيولع كلمت طنانى باشا ربنا يباركله قالى يا حبيبى ده حساس شكمان أو بالكتير حتلاقيه سيلكتور الفتيس ، مفيش فايدة الصنيعية شخصوا انه فتيس ، كلمت فادى الله يكرمه قاللى ده ممكن علبه البيئة و لها تأثير على الماف فى القراءة و نصحنى اكلم اسلام ، كلمت إسلام قاللى ممكن يكون الشكمان أو الفتيس
المهم ان مفيش صنيعى إلا و قاللى انه فتيس لكن حبايبنا بتوع المنتدى عندهم خبرة و مخ بيقكروا بيه ، المهم إسلام قاللى كلم الشيخ هيثم فى الحرفيين الصراحه عشان مظلموش كلمته فى التليفون و شرحتله اللى بيحصل معايا قاللى فتيس
بدأت اييأس و كان لازم الم نفسى و ادبر ثمن الفتيس بعد ما رحت لشيخ الصنيعية و كله يقولى فتيس كلمت واحد صاحبى من المنطقة بتاع قطع غيار قاللى عليك و على عمك حسن هنداوى قلت ارخله و لو انى عارف انه سعرة غالى قوى ممكن بصلح العربية يعنى حيشخص العبيب الصح بس حيدفعنى مصنعية بثمن الفتيس و رحت لعم حسن و ركب العربية و جربها قاللى الموتور ده مش مظبوط بس الفتيس حلو و نقلاته مرتاحه تعالالى فى اظبطهالك .
اخره المطاف قلت اروح للواد سيد اللى كنت قاطعته بعد موضوع علبه الدركسيون
رحت و انتظرته لحد لما وصل الورشه لغاية ما جيه بالسلامة و هو لسه بلبسه ما غيرش ركب العربية و خدنى جانبه و ساق العربية بكل الطرق مرة بسرعة و مرة بالراحه و مرة يحرق و مرة ياخدها الهداوه لحد ما وقف و فتح الكبوت و بدون عدة مد ايده فى الكبوت فين ماعرفش و فى ثوانى ركب و ساق العربية و بعدين وقف و قالى تعالى سوق ركبت العربية بقت غير العربية رجعت لاصلها و كانت المفاجأه ان فى حاجة فى الفتيس كانت عايزة تترجلش الصايع مرضيش يقللى هو عمل ايه المهم قاللى مترحش لحد تانى بعد كده يلعبلك فى عربياك و آى حاجة تعوزها تعالالى لما قلت لواحد صاحبى مهندس ميكانيكا فى النقل العام قاللى انه رجلش غيارات الفتيس بحيث انه خلى التروس تعشق مع بعض
شوفتوا الموضوع التشخيص من كل الناس فتيس و العملية كانت ابسط من البساطه و من غير عده مع ان الاعراض كلها لما تقرا تلاقيها فتيس و تخيل ان ده يحصل معاك اكيد حتقول ده فتيس