بذمتكم دة يرضى حد ؟؟؟؟

**mody1221** · 15-01-2012 03:00 AM

الاخوة الكرام النهاردة روحت اغير زيت الcvt عادى زى البنى ادمين قولت اروح التوكيل لانهم بيغيروا ال8 لتر كلهم وطبعا برة بيغيروا 5 بس المهم قاللى كويس انك جيت لانة قرب يخلص (حسسنى انى فى صحراء جرداء وعندة اخر شوية ماية)رفع العربية وفضى الزيت وكتب فاتورة وجاب جيركن وحط الزيت لحد كدة زى الفل روحت احاسب بكام قاللى اللتر ب70 جنية وهيا خدت 5 لتر يعنى 350 ومصنعية 160 وضريبة مبيعات 50 يعنى 560 المهم حسيت ان فى حاجة غلط لانة قاللى خدت 5 لتر وفى علبة صغيرة كملو بيها قولتلو طيب هاتى الجيركن الفاضى والعلبة بصلى كأنى كائن فضائى بطلب منة يطلع المريخ!!! طبعا حقى انا عايز اشوف مكتوب علية اية طلع atf spIII هل دة بتاع الcvt يا جماعة لانى اعرف ان زيتها الاصلى اسمة cvt ?????? بعدها افتكرت انى قريت هنا ف المنتدى انها بتاخد 8 لتر رجعتلهم وانا متغاظ تخيلو لاقيتة بيقوللى معلش يا فندم اصل الزيت شاحح !!!!!!!!!!!!!!!!ومش بنغيرة غير للعملاء بتوعنا بس قولتللو تقوللى قبل ماتعمل حاجة مش تغير بمزاجك قاللى احنا متأسفين حنكمللك 3 لتر ودول بيتغيرو لوحدهم يعنى ماتخلطوش الحمد لله قولتللة وحدفع مصنعية وضريبة تانى ؟قاللى لا تمن الزيت بس وبرضة دفعت زيادة على 3 لتر 30 جنية ادى التوكيل وشغل التوكيل اقسم بالله اتعقدت لانى المرة اللى قبلها روحت كان عندى صوت فى الناحية الشمال طلع جربها وقاللى مساعدين قولتللة سليمة خلانى دفعت 1450 تغيير قواعد موتور جلب مقصات وفك الكبالن وعمل فيلم وطلعت جربتها نفس الصوت موجود قاللى تبقى رومومبيلات البطاحة !؟!؟!قولتللة نعم!!! بعد مادفعت 1450 بتقوللى كدة قاللى ماالحاجات اللى غيرتها كان لازم تتغير عندك ؟؟؟قمة الاستفزاز وبسبب الخناقة وصوتى العالى نزل فى المصنعية بدل 360 خلاها 240 قاللى عشان حضرتك ماتكونش زعلان!!!!!! والله طهقت من العربية

**mohammedabdallh** · 15-01-2012 08:50 AM

احسن حاجه اتعلمتها من تجاربكوا مع التوكيل
انك تعرف العيب ايه من التوكيل الى هو الكشف على العربيه وبعدين تكشف بره تانى عند صنايعى شاطر واما تعرف العيب ايه تروح تشترى قطع الغيار من التوكيل وتركبها بره مش عنده
ونفس الكلام فى الزيت كنت حضرتك اشتريته من التوكيل وخليت الواد بليه يشفط الزيت فى اى ورشه محترمه وغيرهولك وهتدله 25 ج + 5 تبس وهيبقوا طيرين من الفرحه

**IronHead** · 15-01-2012 09:18 PM

الصراحه الرواس بقى مش مضمون خالص فى قطع الغيار بعد ما سحبو منه التوكيل وبقى محتاس فى قطع غيار وبيجبهم من توكيلات فى دول عربية, فاهتلاقى ان عندهم نقص فى قطع الغيار اللى عليها سحب جامد

لو كانو عندهم ضمير كانو قالولك من الاول ان معندهمش بدل ميحطلك حاجه مش معتمده من الشركه الام وكنت ساعتها تتطلع على دايموند, اكيد كنت هتلاقيه هناك

**yoga** · 15-01-2012 10:34 PM

الاخ الفاضل

اولا هو غيرلك 5 ليتر بس يبقى المفروض كده المقاس سليم صح
طب ازاى بعد كده زودلك 3 ليتر وبرضه كده المقاس المفروض كده زود عن المفاس الصح
ولا ايه اللى بيحصل عشان نفهم
لانهم بره فعلا بيغيرو ال 5 ليتر بس ومبيعملوش حاجه هو بيفضى ويزود بس
انما قريت ف الكاتلوج انك بتعمل حاجه اسمها فلشنج flushing ودى عباره ان انك بتفضى الوصله المصله الراديتير بالفتيس عشان تبريد زيت الفتي س وحاجات تانيه بتتعمل وهما اللى بره بيعملوهاش
انا لسه مغير زيت الفتيس موبيل 220 ديكسرون 11 والكتاب بيقول زى منتا غيرت atf sp111 وده مش موجود بره اساسا و5 ليتر بس طبعا

انا كده غلط ولا عادى امشى ع الفتيس ولا اغيره تانى بموبيل 320 ديكسرون 111

**mody1221** · 16-01-2012 12:44 AM

المشاركة الأصلية كتبت بواسطة yoga

الاخ الفاضل

اولا هو غيرلك 5 ليتر بس يبقى المفروض كده المقاس سليم صح
طب ازاى بعد كده زودلك 3 ليتر وبرضه كده المقاس المفروض كده زود عن المفاس الصح
ولا ايه اللى بيحصل عشان نفهم
لانهم بره فعلا بيغيرو ال 5 ليتر بس ومبيعملوش حاجه هو بيفضى ويزود بس
انما قريت ف الكاتلوج انك بتعمل حاجه اسمها فلشنج flushing ودى عباره ان انك بتفضى الوصله المصله الراديتير بالفتيس عشان تبريد زيت الفتي س وحاجات تانيه بتتعمل وهما اللى بره بيعملوهاش
انا لسه مغير زيت الفتيس موبيل 220 ديكسرون 11 والكتاب بيقول زى منتا غيرت atf sp111 وده مش موجود بره اساسا و5 ليتر بس طبعا

انا كده غلط ولا عادى امشى ع الفتيس ولا اغيره تانى بموبيل 320 ديكسرون 111

بص حضرتك انا كلمت واحد صاحبى قاللى الكتالوج بيقول 8.1 لتر بالظبط عشان كدة رجعتلة تانى واللى عملة تانى مرة دة بيتعمل فى التوكيل بس هما تقريبا كدة كسلو يشتغلو فيها عشان كدة طنش وحط 5 بس فى الاول ولما رجعتللة سألتة قولتللة كدة عشان تحط ال8 حيكون القديم اختلط على الجديد فقاللى لا ال3 دول لوحدهم بنفتح عند الراديتيرولما شوفتة بيغير ال5 رفع العربية وفك خرطوم كدة ودورها وزود بنزين لاقيت اللى فى الخرطوم بينزل لحد ما خلص راح فاتح كارتيرة الزيت من تحت ونزل الباقى دى اول مرة تانى مرة ماشوفتش عمل اية لانى كنت قرفان منهم صراحة.بالنسبة لعربية حضرتك لو لانسر يبقى الموجود ف التوكيل حطة اللى بيقولو علية اصلى atf مع انى شوفت الاصلى بجد مكتوب علية cvt بس.اتمنى اكون افادتك

**mody1221** · 16-01-2012 12:46 AM

المشاركة الأصلية كتبت بواسطة ironhead

الصراحه الرواس بقى مش مضمون خالص فى قطع الغيار بعد ما سحبو منه التوكيل وبقى محتاس فى قطع غيار وبيجبهم من توكيلات فى دول عربية, فاهتلاقى ان عندهم نقص فى قطع الغيار اللى عليها سحب جامد

لو كانو عندهم ضمير كانو قالولك من الاول ان معندهمش بدل ميحطلك حاجه مش معتمده من الشركه الام وكنت ساعتها تتطلع على دايموند, اكيد كنت هتلاقيه هناك

والله ياباشا انا مابقتش بثق فى حاجة اسمها توكيل بعد اللى حصل
وانا ف اسكندرية مش القاهرة نورت الموضوع

**ayman_omer2007** · 16-01-2012 01:59 AM

حصل خير ياباشا بس انا لو مكانك كنت قلبتلهم الدنيا لغاية لما يشيلو الزيت ويحطوا زيتها الاصلى عشان ده استعباط

**ZALABANY** · 16-01-2012 11:09 AM

طيب الزيت ده مش موجود في اي حته بره
تاني حاجه ما قيش حد غير التوكيل يقدر يسحب ال 8 لتر كلهم

**mody1221** · 17-01-2012 11:40 AM

المشاركة الأصلية كتبت بواسطة ayman_omer2007

حصل خير ياباشا بس انا لو مكانك كنت قلبتلهم الدنيا لغاية لما يشيلو الزيت ويحطوا زيتها الاصلى عشان ده استعباط

ماهو زيتها الاصلى مش موجود غير برة فى الخليج cvt .ودة مكتوب علية mitsubishi genuine part بس دة مش مخصص لل cvt دة للاوتوماتيك العادى وعموما مش فارق معاهم المهم انك بتدفع هما لو عليهم عايزين يحطوللك زيت تموين !!

-

الموضوع: بذمتكم دة يرضى حد ؟؟؟؟

LinkBack

أدوات الموضوع

عرض

بذمتكم دة يرضى حد ؟؟؟؟ - انشر الموضوع فى :

-

-

-

-

المواضيع المتشابهه

بما يرضى الله

بذمتكم دى اسامى انظمه............

بذمتكم مش كلنا مبارك...سلبيات فينا و لازم تتغير

يا جماعة بذمتكم ،، يرضيكم اللي حصل

الكلمات الدلالية لهذا الموضوع

المفضلات

المفضلات

ضوابط المشاركة