فيات بونتو كلاسيك

**el_nahal2004** · 17-01-2012 01:37 AM

بونتو كلاسيك

**pharmacology** · 17-01-2012 02:43 PM

المشاركة الأصلية كتبت بواسطة mema81

الى الاخوة اللى بيقولو بونتو كلاسيك ...... ليه بونتو كلاسيك و هل البونتو افضل و لا الرينو اللوجان

انا عندي برده نفس السؤال ده .. لو هنقارن بين البونتو كلاسيك والرينو لوجان ... مين يكسب ؟؟؟

**Dr'AhmZZong** · 17-01-2012 03:26 PM

لوجان تكسب

**Ghosts** · 17-01-2012 04:50 PM

عيب الفيات دلوقتى أنها مبقتش زى زمان فى السوق المصرى ....
السوق المصرى بيعشق العربيات الكورى واليابانى ....

يعنى سعر أعادة البيع للعربيات الأوروبى مش كويس ....
أشترى عربية ليك وللسوق ....

نقطة سعر أعادة البيع مهمة أوى ولازم تبقى واخد بالك منها ....
شوف لك حاجة كيا أو هيونداى ....

لية مابتفكرش فى كيا بيكانتو الجديدة ؟

**Sehsss** · 17-01-2012 07:43 PM

لو حاتحط اللوجان في المقارنة تبقى أفضل طبعا

**Sehsss** · 18-01-2012 12:33 AM

المشاركة الأصلية كتبت بواسطة pharmacology

تكسب من حيث ايه بالظبط ؟؟؟ ايه هو مواصفات اللوجان اللي ممكن تكون افضل من الكلاسيك ؟

اللوجان عربية واسعة جدا جدا للركاب والشنطة (510 لتر)، عالية عن الأرض، موتور قوي، تكييف جيد، تسارع جيد، قطع الغيار (الاستهلاكية) معقولة، توكيل محترم

**Ghosts** · 18-01-2012 03:31 PM

المشاركة الأصلية كتبت بواسطة pharmacology

شكلها مش عاجبني .. موضوع الثبات علي الطريق سمعت انه مش كويس .. وبعدين لما احط 70 الف احطهم في عربية كوري ولا عربية اوروربي ..

مفيش شك أن العربية الأوروبى أفضل ....
لكن أنا بنتكلم على السوق المصرى النهاردة و سعر أعادة البيع ....

على فكرة أنا كنت من عشاق الفيات و خصوصآ الموديلات الحديثة زى الأيفو و برافو ....
و من كتر ما قريت عن العربيات دى عرفت الأتى :

1. قطع غيار العربيات الفيات الحديثة غالية جدآ و مش متوفرة غير فى التوكيل (فانوس الأيفو ب 1800 جنية) ....
لكن قطع غيار العربيات الكورى أرخص بكتير و متوفرة فى كل حتة ....

2. توكيل أوماترا مفيش حد بيشكر فية ....
وهو يعتبر من أهم أسباب تراجع مبيعات فيات فى مصر ....

3. التكنولوجيا الحديثة فى العربيات الفيات معقدة جدآ ....
و مش أى حد بيفهم فيها حتى الفنيين العاملين فى التوكيل ....

أنا كنت محتار زيك و كنت كمان من أشد المتحمسين للعربيات الأوروبى ....
لكن السلبيات اللى ذكرتها هى اللى خليتنى أغير رأيى و أفكر فى العربية الكورى ....

عارف لو مكناش عايشين فى مصر كنت أكيد هختار العربية الأوروبى ....
قرار شراء عربية جديدة من أصعب القرارات ....

هتلاقى نفسك بتفكر فى كذا عربية لحد ما توصل للقرار السليم ....
نصيحتى الأخيرة أنك تستنى شوية لحد ما أحوال البلد تستقر و ربنا يوفقك ....