الموضوع: جديد فى القسم هنا,ليا كام سوأل بخصوص اوبل استرا h

المشاركة الأصلية كتبت بواسطة theunkown

اللى انا شارى منو مركب جنط 16 سبور,ممكن يكون العيب فى الجنط؟انا رصصط عند بريدج ستون,الاقى فين جهاز الموتسيكل ده؟

انا اسف انى بتأخر عليك فى الرد بس يدوبك أكون رجعت من الشغل بص هوه معظم ازا مكنش كل الجنوط الاسبور اللى هيا مش الأصل بتاعت العربية بيكون احسنلها الترصيص على الجهاز ده عشان هوه بيرصص و الكاوتش راكب فى العربية مش بيفوكوا زى الباقى عموما حاجة مهمه تبص عليها اقبل ما ترصص على الموتوسيكل بص على رينجات الجنط ممكن تكون الرنجات بلاستيك و مش كويسه و بعدين روح رصص على الموتوسيكل ملوش حل طبعا .
انت ساكن فين انا الوحيد اللى أعرفه و بتعامل معاه بنزينة مصر فى ميدان الاسماعيلية فى مصر الجديدة عندهم الجهاز ده بس معرفش غير ده عشان جنب البيت و كويس

بص أسهل وصفه أفضل ماشى فى صلاح سالم لحد ما تعدى نفق العروبة اللى بعد عمارات العبور و تنزل النفق و تكمل طوالى و امسك اليمين لحد ما تلاقى كوبرى تلف من تحتيه و ترجع تانى , المشكلة انى مش فاكر تانى يمين و لا تالت يمين عشان انا عارف شكل الشارع هوه عمتا شارع كبير و فيه رايح و جاى و اسمه عمر بن الخطاب تكمله لحد أخره هتلاقى صنيه هتلفها شمال هتلاقى قدامك بنزينة مصر بس هيا صغيره مش كبيره و لو سألت أى حد فى الشارع هيشورلك عليها .
عموما ممكن تستنى طنانى ممكن يقولك مكان أقرب ليك بدل ما تضرب المشوار ده كله
و لو عايز بكره ممكن تكلمنى هبعتلك نمرتى فى رساله ليك عشان انا برضه عايز ارصص بس مكسل
بس المهم قبل 5 عشان بيقفل 5

يا معلم ما انا رديت عليك و اديتك نمرتى كلمنى فى أى وقت لما تعوز تروح بس انا احتمال كبير اروح يوم الجمعة الجاية عشان مسافر الجمعة

الف مبروك على العربية

و ان شاء الله المشكلة تتحل