-
مين بينادي
:) :)
انا طبعا بعمل كل اللي انتو قلتوه ده واكتر كمان
بدخل بيها الحمام
بقراها قبل ما انام
طبعا كل ده قبل الجواز
اثناء الاعداد للجواز
جبت شنطه سفر كبييييره
وعبيت فيها كل الاعداد اللي عندي
فلاش وزووم ورجل المستحيل والمغامرون الخمسه والشياطين ال13 وميكي وعلاء الدين وميكي جيب
كل ده
وخدتهم معايا البيت الجديد
طبعا في اول الجواز مقريتش حاجه
بس بعد ما رجعت من شهر العسل
ابتديت ارجع لقواعدي سالما
واذ بزوجتنا العزيزه بتتريق عليا
اني مبعرفش انام من غيرها
والي الان وعلي مدي 6 شهور جواز
مبتخانقش غير علي ميكي
حسبي الله :)
-
ميكي وميكي جيب ........ لحد دلوقتي لما باروح عند والدي واقلب في كتبي القديمة والاقي عدد ماسبوش الا لما اقراه
وماجد كنت باعشقها بجنون لدرجة اني كنت مراسل فيها وعملت لقاء مع مدير المدرسة وانتشر في المجلة
أيام جميله
-
انا بشتريها على طول بتفرحنى جدا
-
انا كمان من صغرى وانا بحبها ومكنتش افوت عدد بس الوقتى مبقتش حلوه زى زمان والقصص مش ظريفه اوى . فين اعداد زمان وحركات عصابه القناع مع عم دهب والساحره الشريره. وفين ايام قصص الجده بطه مع سوسو ولولو وتوتو وفين ريحه ورق المجلات القديمه .مش الجديده ناعم كده وملوش ريحه والصور مفيهاش روح زى القديمه.
-
انا مدمن ميكى و رجل المستحيل و ملف المستقبل و ما وراء الطبيعة
بس بعد ما ميكى بأت تطلع لنهضة مصر بأت و حشة
مسنوى الورق و الطباعة نضف بس الترجمة بأت حرفية جدا و لازم القصة تعلمك حاجة
زمان كان المترجم يستلهم روح الكلام
-
بانا عمال امقق عينى ماجستير و دكتوراه
و انتو بتقرو ميكى
انا اخر مره شفت الكلام ده كان يجى من 20 سنه
-
طب حته بقى للمحترفين عشان نتأكد من انهم بيقروا ميكي
حد فاكر او عنده شباب دهب اللي هما عباره عن 12 حلقه عن عم دهب و هو بيكون ثروته من ساعت من ساب اسكتلندا و لف العالم لحد اما استقر في امريكا :))
لو حد فاكر انا عندي الــ12 عدد كلهم :))
-
جيب العدد الاخير
ف ايدى اهة كنت قاعد اقول اقلب فى المنتدى حبة و لا اقراها ههههههههههههههه
-
عمري ماقرتها ههههههههههههههه
بس كنت مدمن رجل المستحيل اييييييه ايام فين أدهم صبري (ن-1) و سونيا و لا فلاش و كلمة السر و حاتم الطائي و المواطن المطحون و كابتن غريق كنت بحبه اوي
كان جنب البيت عندي واحد بتاع كتب قديمة كنت اديلو العدد (رجل المستحيل) و اخد عدد تاني ب 25 قرش.
-
الحمد لله طمنتوني علي نفسي
افتكرت انا لوحدي اللي حالتي صعبة :)
Content Relevant URLs by
vBSEO 3.6.0 PL2