-
كل اللي بيحب مجلة ميكي يتفضل معايا :)
-
من اد كدا ايه بس يابنتي دانا جيبة اخر عدد :d :d
بس انا بستمتع لما امسكها ف ايدي واقراها
ابقي ارفعيها ووزعيها علينا..أهو أوفر
-
حلوه اوى الفكره انتى فكرتينى بايام الطفوله ههههههههههههه:baby07:
-
اقتباس:
المشاركة الأصلية كتبت بواسطة icehearted girl
من اد كدا ايه بس يابنتي دانا جيبة اخر عدد :d :d
بس انا بستمتع لما امسكها ف ايدي واقراها
ابقي ارفعيها ووزعيها علينا..أهو أوفر
قصدك اول عدد ؟؟!!
-
معاكى طبعا
بس و انا ضغير كنت بقراها بالانجلش اكمن انا الانجلش بيتاعى جامد و كده
هههههههههههههههههه
لاكن دلوقتى بتجيلى هدايا فى المكتب و بسيب كل الشغل لحد مقراها
ميكى هترفدنى باذن الله
-
ايووووووووووووووون مين بينده انا مجنون مجلة ميكي مكنتش بفوت عدد لغاية ما وصلت جامعة و الدنيا ادربكت شغل و دراسة و نسيتها 4 سنين بحالهم مبيجيبهاش ههههههههه
لكن مازالت متابع رجل المستحيل و ما وراء الطبيعة :)
يا سلام يا دونزي لو كل اسبوع تصوريلنا قصة و لا اتنين من العدد الاسبوعي نقراهم و احنا قاعدين الموضوع ده هيبقي موسوعة الكترونية لمجلة ميكي :)
و اقولك اول حل لفزورة ميكي ابو الاقفال مستخبي في برميل من البراميل لأن لو بصينا في الصور الاولي هنلاقي الشوال الاخضر كان في الارض في الاخر بقي فوق البرميل ها صح و لا ايه ؟؟
-
للاسف عمرى ما قريتها ولا شدت انتباهى
اعتقد كدة ايقى معقد ميكيا ولا ايه
بس ممكن ابدأ اتابع معاكوا اهو اعرف حاجة تفيدنى قبل ما اموت
-
انتي بس قوليلي عايزه اي عدد و انا اجبهولك
و لا اقولك تعالي عندي المكتبه عمرانه من خيرات ميكي :)
انا بئي مجندة البواب يجبها كل يوم خميس و يا ويله لو نسيها
و مره جارتي اللي قصدانا وقفتني و سالتني هو انتم ليه بتجيبوا ميكي , هو انتي بتستلهمي منها الديزاينات و تناسق الالوان :)
-
لو بتقرا ميكي وبطوط..كنت قدرت موقف توفيق عكاشه وباقي افراد جزيرة البط
-
أنا كنت وصلت لمرحلة ان العم دهب كان فتي أحلامي ونا صغيرة
احم....
-
اقتباس:
المشاركة الأصلية كتبت بواسطة amatoallah
انتي بس قوليلي عايزه اي عدد و انا اجبهولك
و لا اقولك تعالي عندي المكتبه عمرانه من خيرات ميكي :)
انا بئي مجندة البواب يجبها كل يوم خميس و يا ويله لو نسيها
و مره جارتي اللي قصدانا وقفتني و سالتني هو انتم ليه بتجيبوا ميكي , هو انتي بتستلهمي منها الديزاينات و تناسق الالوان :)
والله كل اللي يقدر يشارك باي عدد مش هانعترض بالعكس هانكون شاكريييييييييييين جدا
هوا سكانر و عيشي حياتك و ظبطينا
-
اوت فيها و لا اترك اى صفحه اجدها حتى لو كانت حكايه ناقصه
و بقيت باتحجج انى باجيبها لابنى علشان اقراها
بس بصراحه مش حاسس انها زى بتاعة زمان من ناحية التأليف
حاولوا يواكبوا العصر فمن وجهة نظرى مسخت
بادور على المجلدات القديمة و نفسى اجمعها من سور الازبكيه فى المعرض ان قدر الله لنا الذهاب
-
ميكي العادية ... ميكي جيب ... سوبر ميكي ... مجلد ميكي ... سمير ... صندوق الدنيا ... تان تان ... العربي الصغير ... براعم الايمان ... المغامرين الخمسة ... رجل المستحيل ولحقت فلاش ............. كان من المستحيل افوت عدد منهم عندي 37 سنة وبنتي الكبيرة 7 سنوات لما بتجيب مجلة ميكي لازم تعدي عليا الاول تحت بند الرقابة على المصنفات الفنية الداخلة الى البيت :00020191: ام الموضوع يندرج تحت بند طفولة متأخرة :048[1]: ام ماذا ؟؟!!
-
حد فاكر مجلة أين شلبي؟؟؟ ولا دي كانت بتنزل ف العراق بس؟
-
أنا باشتريها مع الجرائد و البائع بيفتكرنى باشتريها للاولاد و مش فاهم أنى باشترى الجرائد اصلا تمويه علشان اجيبها معاهم :nemoflow:
-
احم ... احم
ميكي ومجله ماجد وسمير والعربي الصغير
ولحد دلوقتي بتقوم الخناقات بيني وبين ولاد اختي لو شوفتها معاهم
واحيانا بيني وبين اختي كمان
ههههههههههههههههههههههههه هههههههههه
-
ميكي دا عميل للأمريكان...انا من شرفاء العـ..... الذين لا يتعاملون مع العملاء الممولين من الخارج..يعني ايه طوبة تنزل على دماغ ميكي في اول صفحة ..عايز يقول ايه؟؟؟؟ انا عارفك يا عدوي
-
اقتباس:
المشاركة الأصلية كتبت بواسطة ecybrarian
ميكي دا عميل للأمريكان...انا من شرفاء العـ..... الذين لا يتعاملون مع العملاء الممولين من الخارج..يعني ايه طوبة تنزل على دماغ ميكي في اول صفحة ..عايز يقول ايه؟؟؟؟ انا عارفك يا عدوي
هات من الاخر يا كبير
بتقراها ولا لاء ههههههههههههه
-
هو هوهوووووووووووووووووووووو ووووه
نحن هنا من قدماء المشترين ايام ما كانت بب5 و7 و10 قروش وياسلام لما نزلت سوبر ميكي ومجلة سمير علي خفيف
تان تان ولاكي لوك والاخوة دالتون ورجل المستحيل والشياطين ال13 والمغامرون الخمسة (لوزة وعاطف وتختخ وزهرة ومحب)وايمن ورينجو هييييييه
وارسين لوبين وجيمس بوند
اما اجاثا كريستي تقيييييييييلة معجبتنيش
وتحياتي لكل الميكاوية والتان تاناوية وغيره اييييييه كانت ايام مش طايلها دلوقت
-
انا لسة بقراها لغاية دلوقت فعلا ممتعة وتنسى الواحد كل المشاكل و الهموم
-
عندى مش اقل من 200 عدد لها غير المجلدات غير اللى طلع لزمايلى ومارجعش
-
رجعتونا لايام زمان لما الواحد كان فاضى يقرأ الحمد لله
-
أحيكى بشده .. أنا مازلت بقرأها و مش هبطل أبداً أبداً ... دى إدمان
-
اقتباس:
المشاركة الأصلية كتبت بواسطة shnory
هات من الاخر يا كبير
بتقراها ولا لاء ههههههههههههه
طبعا يا باشا..بس انا بطوطي..بطوط هو شخصيتي المفضلة لدرجة إني كرهت سوسو وتوتو ولولو علشان بينرفزوا عم بطوط وكرهت زيزي كمان..الخاينة..كل البط النتي خاينين..قلبي عندك يا بطبط...إنما ميكي دا عميل عميل يعني، بس الطوبة إللي جات له من فوق المجلس الموقر في الأحداث إللي فاتت طلعت فوتوشوب
-
-
فكرتيني بأيام الطفولة
انا للأسف ضغوط الحياة والعمل منعتني اقرا ميكي من حوالي 17 سنة
وفاكر ان اول مجلد اشتريته كان السبب الرئيسي في اني مازلت لحد الأن لابس نظارة نظر
كنت فعلا مش فوت العدد الأسبوعي لمجلة ميكي والعدد الشهري لميكي جيب والعدد السنوي لمجلد ميكي
تحياتي لدونزي
بس انتي عايزة سنتين ولا ثلاثة عشان تعوضيني كل الأعداد الي فاتتني
والله المستعان
،
،
-
انا عن نفسي مكنتش بحب مجلة ميكي الكبيره دي
كنت علطول بجيب ميكي جيب وكان سعات بيبقى فيه اعداد خاصه عباره عن تلات اعداد فى بعض لكن المجله الطويله دى مكنتش بتعجبني ومش عارف ايه السبب
كان فيه حاجتين اسموهم" فلاش وسماش " كنت بحبهم اوي لكن محدش ذكرهم هنا خالص
كان بيكتبهم واحد اسمه خالد الصفتى على ما اتذكر وكان اشهر ابطالهم علام " كان اليط اوي:nemoflow: " وكان كمان المواطن المطحون وميدو والبحار الغبي وكابتن غريق
-
ههههههههههههههههههههههههه ههههههههههههههههههههههههه ههههه
و انا اللى كنت ببقا مكسوف و اقراها من ورا الناس و اعود اتلفت حواليا كانى بعمل مصيبة
ههههههههههههههههههههههههه هههههههههه
دانا كنت بنزل سور الاسبكية علشان اجمع كل الاعداد اللى مانت نقصانى
ياااااااااه والله كانت احلى ايام
-
انا بقالى سنه تقريبا مقرتش ميكى من ساعة الثورة بس هروح اجدد الاشتراك و ارجعلها تانى دى رفيق الكفاح منذ الطفوله
-
اقتباس:
المشاركة الأصلية كتبت بواسطة sha2e
كان فيه حاجتين اسموهم" فلاش وسماش " كنت بحبهم اوي لكن محدش ذكرهم هنا خالص
كان بيكتبهم واحد اسمه خالد الصفتى على ما اتذكر وكان اشهر ابطالهم علام " كان اليط اوي:nemoflow: " وكان كمان المواطن المطحون وميدو والبحار الغبي وكابتن غريق
اه فلاش هو انا انساه و خاصة المواطن المطحون اللي يشقي طول الشهر و في الاخر ميتهناش بالمرتب و لا بطبق الفول حتي ابو جنيه ههههههه و لا نظير اللي يفقع البصة من هنا و انسي الناحية التانية من هنا و لا البحار الغبي و القبطان كانت شخصيات حلوة و كوميدية اوي
كانت ايام الواحد مكنش عنده شغلة و لا مشغلة غير تجميع الكتب بانواعها سواء قصص او معلومات لغاية ما الواحد مبقاش عارف ينشن ببندقية رش ع مسافة 50 متر حتي ههههههههه
-
بحبها جدا وباخدها من ولادي اقراها
وجوزي يتريق عليا ويقول لي بتقري ميكي؟ انتي اتسخطتي
باقول له وانت زعلان ليه
-
اقتباس:
المشاركة الأصلية كتبت بواسطة syd
فكرتيني بأيام الطفولة
انا للأسف ضغوط الحياة والعمل منعتني اقرا ميكي من حوالي 17 سنة
وفاكر ان اول مجلد اشتريته كان السبب الرئيسي في اني مازلت لحد الأن لابس نظارة نظر
كنت فعلا مش فوت العدد الأسبوعي لمجلة ميكي والعدد الشهري لميكي جيب والعدد السنوي لمجلد ميكي
تحياتي لدونزي
بس انتي عايزة سنتين ولا ثلاثة عشان تعوضيني كل الأعداد الي فاتتني
والله المستعان
،
،
لأ احنا ماتفقناش على كدا
احنا ولاد انهاردة و العرض دا قائم على الاعداد القادمة لأن انا اصلا معنديش قديم و كله بيتصادر من ولاد اختي و الحمد لله
اقتباس:
المشاركة الأصلية كتبت بواسطة sha2e
انا عن نفسي مكنتش بحب مجلة ميكي الكبيره دي
كنت علطول بجيب ميكي جيب وكان سعات بيبقى فيه اعداد خاصه عباره عن تلات اعداد فى بعض لكن المجله الطويله دى مكنتش بتعجبني ومش عارف ايه السبب
كان فيه حاجتين اسموهم" فلاش وسماش " كنت بحبهم اوي لكن محدش ذكرهم هنا خالص
كان بيكتبهم واحد اسمه خالد الصفتى على ما اتذكر وكان اشهر ابطالهم علام " كان اليط اوي:nemoflow: " وكان كمان المواطن المطحون وميدو والبحار الغبي وكابتن غريق
ايوةةةةةةةةةةةةةةةةةة انا بحب فلاش و سماش دول جدا جدا و كان عندي منهم كميات بس راحت في العزال و التنقل من شقة شقة و كنت بعشق الواد ميدو دا و حاتم الطائي و المواطن المطحون
ياااااااااااااه كنت بحبها اوي بس اعتقد مابقتش موجودة
-
اقتباس:
المشاركة الأصلية كتبت بواسطة waelfarid
هو هوهوووووووووووووووووووووو ووووه
نحن هنا من قدماء المشترين ايام ما كانت بب5 و7 و10 قروش وياسلام لما نزلت سوبر ميكي ومجلة سمير علي خفيف
تان تان ولاكي لوك والاخوة دالتون ورجل المستحيل والشياطين ال13 والمغامرون الخمسة (لوزة وعاطف وتختخ وزهرة ومحب)وايمن ورينجو هييييييه
وارسين لوبين وجيمس بوند
اما اجاثا كريستي تقيييييييييلة معجبتنيش
وتحياتي لكل الميكاوية والتان تاناوية وغيره اييييييه كانت ايام مش طايلها دلوقت
اقتباس:
المشاركة الأصلية كتبت بواسطة abogogo
ميكي العادية ... ميكي جيب ... سوبر ميكي ... مجلد ميكي ... سمير ... صندوق الدنيا ... تان تان ... العربي الصغير ... براعم الايمان ... المغامرين الخمسة ... رجل المستحيل ولحقت فلاش ............. كان من المستحيل افوت عدد منهم عندي 37 سنة وبنتي الكبيرة 7 سنوات لما بتجيب مجلة ميكي لازم تعدي عليا الاول تحت بند الرقابة على المصنفات الفنية الداخلة الى البيت :00020191: ام الموضوع يندرج تحت بند طفولة متأخرة :048[1]: ام ماذا ؟؟!!
المغامرون الخمسة دي كنت بحبها جدااااااااااا و ياما خدت مني راقات و لا ايام المذاكرة اما كنت بخبيها في وسط الكتب و قال يعني بذاكر و انا فاكرة كنت بروح ابدلهم من المكتبة مش بشتريهم كان في مكتبة عندنا كدا الراجل عامل اوبشن الاستعارة باجر رمزي و كنت زبونته الاولى
-
اقتباس:
المشاركة الأصلية كتبت بواسطة osama.m
انا جربت انزلهم بس في حاجة غريبة و مش بيشتغلو ؟؟
-
انا معاكم في رابطة محبي ميكي و يا ريت في الموضوع ده اي حد عنده مجلة ميكي جديدة يصورها و يضيفها
-
ياااااااااااااااه انا بعشق ميكي و بعتبرها هي المجله اللي علمتني القرايه و حببتني فيها :verygood:
اخويا اصلا بيجيبها من زمااااااااااااان و بعد كده بقيت بجيبها انا لحد اما وقفت ولما رجعت تاني مابقتش اجيب على طول لانها فعلا مبقتش زي الاول
عندي منها كتير قوي قوي لدرجه انهم ماليين ييجي مكتبتين :) و اخويا حالف اللي هيبوظ مجله فيهم ممكن يكون فيها قتيل :)))) :36_2_33:
احلى حاجه بقى ان المجله اسمها ميكي و اشهر شخصيه فيها بطوط
و بطوط اشهر لانه اقرب للانسان العادي بيعمل حاجات خطأ و يتجازى عليها و يتعصب و يهدى و يبقى شرير و يرجع طيب اما ميكي فمحدش بيحبه زي بطوط لانه اقرب للشخصيه المثاليه و ده مفيش منه كتير :)
و ادي اكبر موضوع مجمع لقصص ميكي و معمولها سكان (scan)نضيف قوي
���� � ���� � ���� � ���� � ���� � �� ��� ��� ����� ���� ��� ����� ������
اما فلاش و سماش فبرضه كنت بحبهم جدااا و عندي اعداد كتييييير ده غير ان هاني خالد الصفتي ابن خالد الصفتي مؤلف القصه كان صاحبي قبل ما يعزلوا :)
اما رجل المستحيل للرائع نبيل فاروق فساعت ما كانت القصص بتنزل كنت صغير :( بس لحسن الحظ اخويا الكبير كان بيجيبها على طول لانه كان بيحبها اكتر مني فلما كبرت شويه لقيت كل الاعداد عنده من 1 الى اخر عدد :) و قريتها طبعا كلها و بعيدها كمان دلوقتي
-
ياااااااااااااااااااا سلام ميكى دى عشقى الاول و الاخير لدرجه انى كنت من شهرين كده كنت اشتريت عدد و انا رايح الجامعه الصبح و بعدين دخلت المحاضره لقيتها ممله رحت سايبها و طالع اقرا ميكى بره :)
-
بقالى 12 سنه أروح معرض الكتاب وبالذات صاله 7 اللى فيها المجلدات وبعد كده أنزل فى أخر المعرض الأقى سوق الكتب القديمه أقوم مدخل صاحبى قلبه ميت أخليه ينقيلى الققص النضيفه و بالذات القصص القديمه وأقول له : أيه العبط ده ......دايماً فضحنى بالققص ديه .
وأهم حاجه أحطهم فى كيس أسود
-
وساعات أقول لصاحب الفرش أو المكتبه : الواد أبنى فضحنى ف كل حته (يبابا عايز قصص ميكى) ......هاتلى بقى ياحاج كل القصص اللى عندك علشان ما يصدعنيش وأهم حاجه الشنطه السودا.
-
اقتباس:
المشاركة الأصلية كتبت بواسطة s.s.e
وساعات أقول لصاحب الفرش أو المكتبه : الواد أبنى فضحنى ف كل حته (يبابا عايز قصص ميكى) ......هاتلى بقى ياحاج كل القصص اللى عندك علشان ما يصدعنيش وأهم حاجه الشنطه السودا.
ههههههههههههههههههههههههه ههههههههههههههههه
ليه ياحاج كده بس
هو انت شاري بيره ؟؟
دي ميكي
علي فكره في معرض الكتاب بيبيعو الاعداد القديمه بجنيه الواحده تقريبا
==============================
عاوزين نعمل مقابله بقي لاستعاده ذكريات الطفوله
كل واحد عنده ميكي يجيبها كلها معاه
وكل اعداد روايات مصريه لجيب
وسماش وفلاش
وماجد
وكتاب تسالي اللي كان بينزل فيه الغاز وكلمات متقاطعه
ونجيبلكم بنك الحظ
والسلم والتعبان
وادي دقني لو سيبت حد فيكم يروح بصفحه من مجله