الموضوع: كل اللي بيحب مجلة ميكي يتفضل معايا :)

المشاركة الأصلية كتبت بواسطة MTAK

اوت فيها و لا اترك اى صفحه اجدها حتى لو كانت حكايه ناقصه

و بقيت باتحجج انى باجيبها لابنى علشان اقراها

بس بصراحه مش حاسس انها زى بتاعة زمان من ناحية التأليف
حاولوا يواكبوا العصر فمن وجهة نظرى مسخت

بادور على المجلدات القديمة و نفسى اجمعها من سور الازبكيه فى المعرض ان قدر الله لنا الذهاب

والله انا أحيي حضرتك على ذوقك الرفيع
ميكى وسوبر ميكى بتاعة زمان (وقت ماكانت بتنزل من دار الهلال) ماكانش فى زيها
حتى والله انا فاكر آخر يوم نزلت فية تبع دار الهلال , كانوا كاتبين فى اخر صفحة خالص حاجة زى كلمة وداع ان الضغوط عليهم بقت كتير عشان يزودوا المحتوى الاعلانى ووقعوا فى خلافات مع ميكى العالميه (أو ديزنى مش فاكر بالظبط) بسبب الموضوع دة واضطروا انهم يوقفوها .
اليوم دة أنا اتعكننت واتكدرت بصورة غريبة , لغاية لما نزلت تانى بعدها يمكن بسنتين او حاجة زى كدة من دار نهضة مصر بس للأسف مش زى بتاعة زمان
والله انا فاكر أيام زمان أيام ماكان العدد بربع جنية , كنت انا اجيبها اسبوع واخويا اسبوع
وميكى جيب كانت بخمسين قرش ,
والله انا لسة شايف ميكى جيب العدد بتاع يونيو 1986 أول صفحة مكتوب أهلا رمضان
عموما هحاول أجمع أعداد ميكي وسوبر ميكى وأعملها سكان (مش هينفع ميكى جيب لأن الصفح كتير ومش هنخلص !!!!!!)