يا جماعة مش عارف أشكركم إزاى على مساعدتكم ليا وعلى الإفادة لتخلص من حيراتى
بجد تسلموا جميعاً ... وربنا يبارك فيكم ويصلح حالكم :) :verygood:
عرض للطباعة
يا جماعة مش عارف أشكركم إزاى على مساعدتكم ليا وعلى الإفادة لتخلص من حيراتى
بجد تسلموا جميعاً ... وربنا يبارك فيكم ويصلح حالكم :) :verygood:
ياباشا تسلم ... أكيد كورولا محترمة لكى تحتفظ بها وبتركب ألمانى ... أنا ياباشا حيرتى كلها إزاى أغير من الألمانى لعربية تانية لإنى كنت راكب زمان مرسيدس 2000 سى سى موديل 81 ثم جولف 1500 سى سى موديل 98 وركبت عربية أخى هوندا سيفيك 2005 تحفه بس القوة كلها فى الألمانى ولولا الجولف مانيوال ما كنت أغيرها أبداً برغم إنها ناشفه ومش ناعمه زى اليابانى بس للأسف فى مصر ماينفعهاش غير السيارة القوية ... فكونك راكب باسات ومازلت محتفظ بالكورولا يبقى أكيد سيارة محترمة جداااااا ... شكراااا جزيلاً لك يا هانى
sha2e
شكراً لك على جزيلاً على معلوماتك الدقيقة المرتبة ... تسلم ياباشا ربنا ما يحرمنى منك :)
hero
شكراً جزيلاً على الرد ... وفعلاً كتير قالوا إن 1300 فى كورولا أقوى من 1300 فى لانسر ... تسلم يا باشا على ذوقك
أستاذ Mohamd_Saad
هل فعلاً سيرالكاتينة للكورولا جنزير ... وهل فعلاً بيخلى صوت الماتور أعلى نسبياً من السير العادى ؟
وما مميزاته وعيوبه وكيفية صيانـته ؟
فعلا سير الكاتينة جنزير ولكن صوتة غير مزعج أو عالى لأنى بأغير الزيت باستمرار كل 10000 وبأستخدم موبيل 1 وانا عارف انه بيتغير على 500 الف تقريبا وسوف اتأكد من هذه المعلومة من التوكيل لأنى ناوى أذهب للتوكيل فى صيانة ال 200 الف لتغيير زيت الفتيس وزيت الباور والفرامل لأنى لم أغيرهم حتى الأن وطبعا الفتيس الأتوماتيك صيانتة فى التوكيل أفضل ولكن باقى قطع الغيار ( تيل فرامل-سيور-فلاتر بنزين وهواء-طنابير-مساعدين-بوجيهات) مش محتاجة توكيل بشرط شراء قطع الغيار من التوكيل أو موزع معتمد مثل البرجسى فى الجيزة أو البلطى فى التوفيقية وتركبها عند أى ميكانيكى وربنا يوفقك - وبالمناسبة لملحوظة ثبات العربية فى السرعة أنا لا أجرى بالعربية أكثر من 100-110 على الأكثر نظرا لحالة الطرق والمطبات الصناعية وخوفى من خطأ الغير وخصوصا النص نقل.
أستاذ mohamd_saad
أنا سمعت إن سيرالكاتينة الجنزير له بلية شداد هيا إللى بتتغير مش السير نفسه ... بس مش متأكد من المعلومة أنا سمعتها من واحد صاحب خبرة فى السيارات فقط ... وسمعت كمان إن زيت فتيس الهيدروماتيك بيتغير كل 40000 أو حسب موديل السيارة وأنا مركبتش هيدروماتيك قبل كده .. ياريت تتأكد من معلومة سير الكاتينة وتغيير زيت الفتيس وتقولى ... طب بالنسبة لزيت الماتور كنت دايماً بستخدم XHP موبيل بيعمل 3000 كيلو بـ 120 جنية حالياً بعد الزيادة إيه رأيك فيه ؟ لإنى بخاف من موبيل1 عشان بيستمر مدة زمنية طويلة فى الماتور بالرغم من ناس كتير قالولى إنه جيد .. قولى رأيك إيه ؟
انا عاوز اعرف اية راى الناس فى الفالفولين هل الزيت دة حلو
بالنسبة لسير الكاتينة سوف استفسر عنة من التوكيل فى صيانة ال 200 الف وزيت موبيل 1 انا استخدمة منذ شراء السيارة بدون مشاكل مع تغيير الفلتر مع غيار الزيت ولكن زيت الفتيس انا لم أغيره مع العلم بأن مقياس زيت الفتيس مكتوب علية ( عدم التغيير فى الأستخدام العادى dont replace in normal use ) وممكن تتأكد من هذة الجملة مكتوبة على مقاس الزيت- لكن هناك معلومات إضافية احب ان أوضحها لك وهى غيار فلتر البنزين كل 100 الف وهو موجود داخل التانك وثمنه الأصلى حوالى 120 جنية وكذلك سير الباور وسير الدينامو ويتم تغييرهم على 100 الف ايضا وسعرهم فى حدود 100 و120 جنية وتيل الفرامل الأمامى على حسب الأستخدام من 30 الف الى 40 الف كم لو انت فى منطقة كلها مطبات صناعية مثل 6 أكتوبر يكون استهلاك التيل اكثر وسعرة حوالى 220 جنية الأصلى وياريت تركب الأصلى علشان تحافظ على الطنابير ولكن تيل الفرامل الخلفى ممكن يستمر حتى 90 الف كم وسعرة ارخص من الأمامى لكن مش متذكر سعرة وبالنسبة للفوانيس الأمامية كانت مطوسة وضعفت الإضائة فغيرتهم بفوانيس زجاج تايوانى ماركة depo وكان سعر الفانوس الأمامى 180 جنية والفوانيس الخلفية لو اتكسر فانوس لا تشتر الأصلى لأن سعرة حوالى 400 جنية ولكن ديبو سعرة 130 جنية وشغال ممتاز وخصوصا انة متعرض للكسر باستمرار - لو عايز أى استفسار اسأل وأنا أقولك ما أعرفه