ايهما أفضل كورولا - لانسر

**halika76** · 19-01-2012 06:39 PM

يا جماعة مش عارف أشكركم إزاى على مساعدتكم ليا وعلى الإفادة لتخلص من حيراتى

بجد تسلموا جميعاً ... وربنا يبارك فيكم ويصلح حالكم :)

**halika76** · 19-01-2012 06:46 PM

المشاركة الأصلية كتبت بواسطة mohamd_saad

الكورولا تكسب
الفرق فى الشكل الخارجى فقط ولكن السوق يفضل موديل 2003 و 2004 وممكن تركب وحدة رفع زجاج الأبواب وفوانيس شبورة ( فوج لايت ) وسبويلر وبالنسبة لقطع الغيار اسعارها متقاربة مع اللانسر وممكن تشترى القطع الأصلية من توكيل تويوتا أو البرجسى أو التوفيقية ولو عايز تعرف الأسعار الحالية تليفون البرجسى ( 0235733919 )- اشترى الكورولا وتوكل على الله

تسلم يا باشا على ذوقك ... وعلى مساعدتك ... وهتوكل على الله وربنا يكتبلى إللى فيه الخير بإذن الله

**halika76** · 19-01-2012 06:55 PM

المشاركة الأصلية كتبت بواسطة hany63

الكورولا الشكل ده تعتبر احسن عربيه نزلت ومش هتتكرر بالنسبه لوسط البلد والسفر بحد اقصى 130 كم في الساعه بعد كده خفيفه
موتور جميل وناعم يتفوق على عربيات 1600
كرسي مريح اكتر من الالماني
متعه سواقه جامده
انعم عفشه في مصر
زيرو اعطال
العربيه معايا من 2001 لحد النهارده (مانيوال وغيرت لاوتو في 2006) وبركب معاها حاليا هوندا 2010 وركبت الباسات تربو2009 وبعتها بس العربيه دي مش عايز افرط فيها
وعلى فكره مافيش مقارنه مابينها و بين اللانسر كنت راكب كريستاله قبل كده و تعتبر صيني جنب الكورولا

ياباشا تسلم ... أكيد كورولا محترمة لكى تحتفظ بها وبتركب ألمانى ... أنا ياباشا حيرتى كلها إزاى أغير من الألمانى لعربية تانية لإنى كنت راكب زمان مرسيدس 2000 سى سى موديل 81 ثم جولف 1500 سى سى موديل 98 وركبت عربية أخى هوندا سيفيك 2005 تحفه بس القوة كلها فى الألمانى ولولا الجولف مانيوال ما كنت أغيرها أبداً برغم إنها ناشفه ومش ناعمه زى اليابانى بس للأسف فى مصر ماينفعهاش غير السيارة القوية ... فكونك راكب باسات ومازلت محتفظ بالكورولا يبقى أكيد سيارة محترمة جداااااا ... شكراااا جزيلاً لك يا هانى

**halika76** · 19-01-2012 07:00 PM

sha2e
شكراً لك على جزيلاً على معلوماتك الدقيقة المرتبة ... تسلم ياباشا ربنا ما يحرمنى منك :)

**halika76** · 19-01-2012 07:03 PM

hero

شكراً جزيلاً على الرد ... وفعلاً كتير قالوا إن 1300 فى كورولا أقوى من 1300 فى لانسر ... تسلم يا باشا على ذوقك

**halika76** · 20-01-2012 01:42 AM

أستاذ Mohamd_Saad

هل فعلاً سيرالكاتينة للكورولا جنزير ... وهل فعلاً بيخلى صوت الماتور أعلى نسبياً من السير العادى ؟
وما مميزاته وعيوبه وكيفية صيانـته ؟

**Mohamd_Saad** · 20-01-2012 10:59 PM

المشاركة الأصلية كتبت بواسطة halika76

أستاذ mohamd_saad

هل فعلاً سيرالكاتينة للكورولا جنزير ... وهل فعلاً بيخلى صوت الماتور أعلى نسبياً من السير العادى ؟
وما مميزاته وعيوبه وكيفية صيانـته ؟

فعلا سير الكاتينة جنزير ولكن صوتة غير مزعج أو عالى لأنى بأغير الزيت باستمرار كل 10000 وبأستخدم موبيل 1 وانا عارف انه بيتغير على 500 الف تقريبا وسوف اتأكد من هذه المعلومة من التوكيل لأنى ناوى أذهب للتوكيل فى صيانة ال 200 الف لتغيير زيت الفتيس وزيت الباور والفرامل لأنى لم أغيرهم حتى الأن وطبعا الفتيس الأتوماتيك صيانتة فى التوكيل أفضل ولكن باقى قطع الغيار ( تيل فرامل-سيور-فلاتر بنزين وهواء-طنابير-مساعدين-بوجيهات) مش محتاجة توكيل بشرط شراء قطع الغيار من التوكيل أو موزع معتمد مثل البرجسى فى الجيزة أو البلطى فى التوفيقية وتركبها عند أى ميكانيكى وربنا يوفقك - وبالمناسبة لملحوظة ثبات العربية فى السرعة أنا لا أجرى بالعربية أكثر من 100-110 على الأكثر نظرا لحالة الطرق والمطبات الصناعية وخوفى من خطأ الغير وخصوصا النص نقل.

**halika76** · 21-01-2012 12:37 AM

أستاذ mohamd_saad

أنا سمعت إن سيرالكاتينة الجنزير له بلية شداد هيا إللى بتتغير مش السير نفسه ... بس مش متأكد من المعلومة أنا سمعتها من واحد صاحب خبرة فى السيارات فقط ... وسمعت كمان إن زيت فتيس الهيدروماتيك بيتغير كل 40000 أو حسب موديل السيارة وأنا مركبتش هيدروماتيك قبل كده .. ياريت تتأكد من معلومة سير الكاتينة وتغيير زيت الفتيس وتقولى ... طب بالنسبة لزيت الماتور كنت دايماً بستخدم XHP موبيل بيعمل 3000 كيلو بـ 120 جنية حالياً بعد الزيادة إيه رأيك فيه ؟ لإنى بخاف من موبيل1 عشان بيستمر مدة زمنية طويلة فى الماتور بالرغم من ناس كتير قالولى إنه جيد .. قولى رأيك إيه ؟

**Veroman** · 21-01-2012 03:48 AM

انا عاوز اعرف اية راى الناس فى الفالفولين هل الزيت دة حلو

**Mohamd_Saad** · 21-01-2012 11:23 AM

المشاركة الأصلية كتبت بواسطة halika76

أستاذ mohamd_saad

أنا سمعت إن سيرالكاتينة الجنزير له بلية شداد هيا إللى بتتغير مش السير نفسه ... بس مش متأكد من المعلومة أنا سمعتها من واحد صاحب خبرة فى السيارات فقط ... وسمعت كمان إن زيت فتيس الهيدروماتيك بيتغير كل 40000 أو حسب موديل السيارة وأنا مركبتش هيدروماتيك قبل كده .. ياريت تتأكد من معلومة سير الكاتينة وتغيير زيت الفتيس وتقولى ... طب بالنسبة لزيت الماتور كنت دايماً بستخدم xhp موبيل بيعمل 3000 كيلو بـ 120 جنية حالياً بعد الزيادة إيه رأيك فيه ؟ لإنى بخاف من موبيل1 عشان بيستمر مدة زمنية طويلة فى الماتور بالرغم من ناس كتير قالولى إنه جيد .. قولى رأيك إيه ؟

بالنسبة لسير الكاتينة سوف استفسر عنة من التوكيل فى صيانة ال 200 الف وزيت موبيل 1 انا استخدمة منذ شراء السيارة بدون مشاكل مع تغيير الفلتر مع غيار الزيت ولكن زيت الفتيس انا لم أغيره مع العلم بأن مقياس زيت الفتيس مكتوب علية ( عدم التغيير فى الأستخدام العادى dont replace in normal use ) وممكن تتأكد من هذة الجملة مكتوبة على مقاس الزيت- لكن هناك معلومات إضافية احب ان أوضحها لك وهى غيار فلتر البنزين كل 100 الف وهو موجود داخل التانك وثمنه الأصلى حوالى 120 جنية وكذلك سير الباور وسير الدينامو ويتم تغييرهم على 100 الف ايضا وسعرهم فى حدود 100 و120 جنية وتيل الفرامل الأمامى على حسب الأستخدام من 30 الف الى 40 الف كم لو انت فى منطقة كلها مطبات صناعية مثل 6 أكتوبر يكون استهلاك التيل اكثر وسعرة حوالى 220 جنية الأصلى وياريت تركب الأصلى علشان تحافظ على الطنابير ولكن تيل الفرامل الخلفى ممكن يستمر حتى 90 الف كم وسعرة ارخص من الأمامى لكن مش متذكر سعرة وبالنسبة للفوانيس الأمامية كانت مطوسة وضعفت الإضائة فغيرتهم بفوانيس زجاج تايوانى ماركة depo وكان سعر الفانوس الأمامى 180 جنية والفوانيس الخلفية لو اتكسر فانوس لا تشتر الأصلى لأن سعرة حوالى 400 جنية ولكن ديبو سعرة 130 جنية وشغال ممتاز وخصوصا انة متعرض للكسر باستمرار - لو عايز أى استفسار اسأل وأنا أقولك ما أعرفه