كلام بيشوى صح 100 100
وكمان من وجهة نظرى الشخصية ان لو ان الجنوط مكانتش هى الاصلى نازله فى العربيه والعربيه مظبوطه عليها يبقى ممكن تضر العفشه
عرض للطباعة
بص يا باشا فيه عدة عوامل واحتياطات لازم تتحط فى الاعتبار:
1- المقاس اللى نازلة بيه العربية من المصنع ايا كان للجنط او الكاوتش هو انسب حاجة للعربية وده بعد اختبارات لا حصر لها تمت قبل بدء الانتاج
2- المحافظة على نفس المقاسات للجنط والكاوتشات مهم جداااااا ولو عاوز تغير احدهما لازم تغير التانى بما يتناسب معاه عشان فى الاخر تحافظ على المحيط الخارجى للاطار مع الجنط هو نفسه ويكون مناسب لتجويف العجلات ومقاسات العربية وقراءة العدادات وغيرها يعنى تكبير الجنط بيكون على حساب النعومة فى المطبات والاحساس بالطريق لقلة ارتفاع الكاوتش low profile
3- الانتاج .. طبعا بتفرق من بلد للتانية واكيد الاصلى لا يعلى عليه حتى لو كانت تصميماته مش حلوة زى الصينى وطبعا السعر وجودة التصنيع بتفرق
4- الوزن .. وزن الجنوط عامة بيكون اخف من الحديد العادى وان كان فيه العكس يعنى على حسب وكلما كانت الاوزان متقاربة كان افضل عشان اتزان العربية ككل والتحكم على الطريق والامان
مع الاخذ فى الاعتبار ان عربيات كتير بتنزل بكذا مقاس حسب السوق و التجهيزات فا مش قاعدة ان المقاس اللى نازلة بيه عربيتك هو الاصح و الباقى غلط او اقل صحة
:verygood:اقتباس:
2- المحافظة على نفس المقاسات للجنط والكاوتشات مهم جداااااا ولو عاوز تغير احدهما لازم تغير التانى بما يتناسب معاه عشان فى الاخر تحافظ على المحيط الخارجى للاطار مع الجنط هو نفسه ويكون مناسب لتجويف العجلات ومقاسات العربية وقراءة العدادات وغيرها يعنى تكبير الجنط بيكون على حساب النعومة فى المطبات والاحساس بالطريق لقلة ارتفاع الكاوتش low profile
فية ماركات محترمة زى مومو و او زى و بى بى اس دى ماركات عالمية و صناعتها تفوق الجنوط الاصلية بمراحلاقتباس:
3- الانتاج .. طبعا بتفرق من بلد للتانية واكيد الاصلى لا يعلى عليه حتى لو كانت تصميماته مش حلوة زى الصينى وطبعا السعر وجودة التصنيع بتفرق
فى الغالب بيبقى الجنط السبور اخف خصوصا لو بنتكلم فى نفس المقاس... و كقاعدة عامة لازم تجيب جنط يكون خفيف لان كل ما كان الوزن الغير منبوض منخفض كل ما زادت كفائة عفشة العربية و اتحسن الثبات بتاع العربيةاقتباس:
4- الوزن .. وزن الجنوط عامة بيكون اخف من الحديد العادى وان كان فيه العكس يعنى على حسب وكلما كانت الاوزان متقاربة كان افضل عشان اتزان العربية ككل والتحكم على الطريق والامان
المشكلة ان غالبا كل ما وزن الجنط خف كل ما دة اثر على متانتة... عشان كدة بتلاقى الجنوط الصينى بربع جنية ووزنها خفيف جدا... دى مع اول مطب حلو هتتفلق اتنين... انا شوفت مناظر مرعبة عند الثلاثية بتاع تصليح الجنوط فى الحرفيين لما فرجنى على جنوط صينى مكسرة... تفريبا الجنط بيتفرتك كما لو انه معمول من البسكويت
الماركات العالمية اللى ذكرتها قبل كدة بتبقى فعلا خفيفة بس متينة جدا... بس المشكلة ان سعرها مكلف جدا جدا... الحل الامثل هو ان الواحد يجيب جنط اندونيسى او تايوانى عشان يبقى جامد شوية عن الصينى و برضة مش تقيل اوى و فى نفس الوقت سعرة مناسب
MMamdouh
المهم تكون مش صينى...
شوف التايوانى و الاندونيسى مش وحش و منتشر فى السوق
شوف عند اشرفكو و سمير بيومى و عمرو الجميل
MMamdouh
هلا يا شباب ، أنا بعيد بقلي مدة علشان برا مصر ، لكن لفت نظري حكاية الجنوط ،بص إنت لو غيرت لمقاس أكبر لزم تغير طقم الكاوتش ، في الحالة دي تختار كاوتش ارتفاعه مع الجنط الجديد يكون قريب من الأصلي {{ قصدي المسافة من مركز العجلة إلى الارض }} علشان لو صغرت ، حيكون إرتفاع الكاوتش أقل ، و تحس العفشة ناشفة ، و كمان تحك في المطبات . أنا عملت كدة في عربية البيت ، علشان بلوبيرد نازلة بجونوت . فيه كمان مشكلة تانية ، غالبا عدد السرعة حيعمل فرق عن الحقيقة لو المقاس الجديد مش مظبوط [ده عن تجربة ] .