صني ولا اوبترا ؟

**shaddadfalcon1** · 23-01-2012 01:27 PM

المشاركة الأصلية كتبت بواسطة zocor742

الاوبترا عربية جميلة بجد لسة الحاج بايع الاوكتافيا 99 وجاب اوبترا 2009 كسر زيرو بتاعة واحد صاحبة وبايعها لظروف خاصة وماشية 22 الف ك اخدينها ب 70000

الصنى بردو عربية جميلة ومتورها اقوى شوية بس الاوبترا صوت متورها اهدى وفرامل احسن من الاوبترا

وليا عندك اقتراح بس مش عارف هيفرق معاك سنة الموديل اوى ولا عادى لو بتغكر فى حاجة استعمال النترا 2006 بجد عربية ممتازة وتعتبر من فلتات هيونداى اللى مش هتتقرر لو لقيت قدامك حالة نظيفة وعداد قليل بجد مش هتندم
كان قدمنا واحدة حالة ممتازة فابريكة بالكامل العربية مفهاش ولا خربوش غير فى الاكصدامات وحاجات خفيفة ماشية 45 الف ك كل الصيانات توكيل وجنوط اسبور وزينون العربية بتاعت قبطان بحرى والعربية طول ماهو مسافر مرفوعة فى الجراج
بس للاسف الحاج كان ميال اكتر للاوبترا وخصوصا عشان بردو يفك ازمة صاحبة لانة كان حتاج فلوس درورى ,,, بجد لو كان الظروف تسمح ابيع نوبيرتى واخدها كنت شقطهاا بس حاليا فى حاجات كتير اولى من تغيير العربية

على غكرة ياباشا انا من سيدى بشر قبلى بردو شارع 15 حضرتك منين فى سيدى بشر
بس كدة نبقى جيران ومنعرفش

الف شكر علي رايك ياباشا
انا ساكن في العماره اللي في ضهر مسجد الأنوار المحمديه عند السمكري والسروجي اللي هناك اكيد عارفه بس انا دلوقتي قاعد كام شهر في القاهره

**aif** · 23-01-2012 06:12 PM

المشاركة الأصلية كتبت بواسطة Lion_Heart

و ان شاء الله ناوى على ايه يا حاج احمد

انا اللي خلاني افكر ف البيع ان واحد صاحبي كان معاه سيراتو 2009 شكل قديم اوتوماتك وح يبيعها لظروف وعربية لقطة
قولت ابيع وآخدها منه .... بس محصلش نصيب
حاليا لو جابت السعر اللي انا عاوزه ح ابيع وبعدين اشوف حاجة اوتو
لو ما جابتش .... بصراحة العربية مافيهاش عيب عير المانيوال ده .... ح استحملها وامري لله
...
الصني عربية كويسة .... الحاجة اللي خلتني افضل الاوبترا .....ضيق الكنبة الخلفية للصني بشكل ملحوظ يضايق اللي ح يقعد ورا .... وبرضه التقفيل المصري مش مضمون 100% .... لازم تلاقي فيها بصمات مصرية في حاجات تافهه

**goldyn** · 24-01-2012 06:20 PM

suny supersalon

**shaddadfalcon1** · 24-01-2012 11:04 PM

ياجماعه هو مش شكل الصني خلاص اتغير وكلها اقل من سنه والشكل الجديد هينزل مصر؟
يعني حاحه تزعل برده لما ابقي لسه شاري العريه ومكملتش كام شهر والاقي شكلها بقي قديم

**Sehsss** · 24-01-2012 11:16 PM

المشاركة الأصلية كتبت بواسطة shaddadfalcon1

ياجماعه هو مش شكل الصني خلاص اتغير وكلها اقل من سنه والشكل الجديد هينزل مصر؟
يعني حاحه تزعل برده لما ابقي لسه شاري العريه ومكملتش كام شهر والاقي شكلها بقي قديم

الشكل القديم هايفضل مستمر، كل اللي هايحصل إن السوبر صالون هاتتوقف وتنزل مكانها الشكل الجديد بجانب الـ ex صالون، يعني السوبر هاتبقى الشكل الجديد والـex الشكل القديم والكلام ده نقلا عن مسئول في أوتوإيجبت لي شخصيا

**Dr'AhmZZong** · 25-01-2012 01:58 AM

المشاركة الأصلية كتبت بواسطة sehsss

الشكل القديم هايفضل مستمر، كل اللي هايحصل إن السوبر صالون هاتتوقف وتنزل مكانها الشكل الجديد بجانب الـ ex صالون، يعني السوبر هاتبقى الشكل الجديد والـex الشكل القديم والكلام ده نقلا عن مسئول في أوتوإيجبت لي شخصيا