الموضوع: سؤال..........

جيب بومة مانيول 1600 فيها abs و2 ايرباج عاملة 116000 ولا أجيب بومة 1600 اتوماتيك مفهاش حاجة وعاملة 11800 والاتنين 2012
ولكم جزيل الشكر

اول حاجة احب الفت نظرك ان الفرامل ال abs ليها طريقة استخدام علشان تستفاد بيها (والا ممكن تتحول لنقمة) ودي هتعرفها مع التعود والتجربة وال abs مش بيشتغل غير لما تدوس فرامل مفاجئة غير كدا اداء الفرامل مفيش فرق بين الاتنين (الفرامل العادية وال abs) يعني لو انتا متعود علي ال abs هات المانيوال وانا عن نفسي بفضل المانيوال عن الاوتوماتيك حتي لو ستيب ترونيك لكن طبعا تراعي فرق السعر (المانيوال ارخص من الاوتوماتيك طبعا )

بص يا باشا انا اعرف ان الفرامل ال ABS رغم انها بتدي تحكم في العربية اثناء الفرامل ممكن تزود مسافة الفرامل عن العادية وممكن تقللها دا علي حسب السرعة اللي بتفرمل عليها وفي مواضيع هنا عالمنتدي لناس كانت هتعمل حوادث بسبب ان ال ABS اشتغل علي سرعة مش مناسبة وزود مسافة الفرامل وطبعا انا لما قريت المواضيع دي دورت عال ABS عالنت علشان افهم القصة الميزة اللي بيوفرها ال ABS انك تتحكم في اتجاه العربية اثناء الفرامل وبقلل مسافة الفرملة في حالة انزلاق السيارة فقط لكن في الحالات العادية بتكون اطول بس بفرق بسيط بس الفرق دا ممكن يؤدي لحوادث وغالبا تقتصر الاستفادة من ال ABS في حالة الفرامل علي تراب او سوائل او جليد بدليل ان الشركات نزلت انطمة تكميلية لل ABS زي ال EBD وال ESP وعلي فكرة ان مش بقول ان ال ABS وحش ولا حاجة انا بقول انو محتاج انك تتعود علية وتفهم طريقة استخدامة علشان ميتسببلكش في حادث لاقدر الله
ABS vs. no ABS Episode 2 (re-upload; HQ) - YouTube
safe braking with ABS by Bosch - YouTube

اعتقد ان حضرتك الوحيد القادر على اللإختيار لأن حضرتك بتقارن بين نمط قياده أكتر وليس كماليات ... بمعنى حضرتك اللى تحدد مين الأفضل اليدوى ام الأوتوماتيك على حسب استخدامك وطريقة قيادتك
طبعا اليدوى اقوى وفى الشد أفضل من الأوتوماتيك ...

هو المانيوال عاملة 116000 الرقم ده صح ولا ايه ؟