الموضوع: مدينة الانتاج الإعلامي من طنطا ..

السلام عليكم
انا محتاج ضروري جدا خبرتكم ياجماعة أنا من طنطا و عايز اروح مشوار مهم في مدينة الانتاج الإعلامي و دلوقتي انا سئلت ناس اعرفها في القاهرة قالولي تعالي بعربيتك احسن عشان مش هتلاقي مواصلات كتيرة هناك ترجعك رمسيس تاني ولو اخدت تاكسي مش اقل من 100 جنية يوديك و 100 يرجعك.
دلوقتي انا بفكر انزل بالعربية واخد الطريق الزراعي وربنا يستر منه ولا يبقي في اضراب او حاجة موقفاه :(
ومن بعد قليوب امسك الدائري تمام
انا عارف الطريق لحد الكلية الحربية روحت مرة مع صديق ليا وهو طوالي بس هل انا اكمل بعدها كمان ولا انا في الدائري اتصرف وامشي ازاى..
والف شكر

انت هتطلع اول طلعه للدائري من الزراعي في اتجاه الهرم(قبل ما تعدي من تحته)

هتاخد الطريق ده علطول وتفضل ماشي عليه لحد ما توصل طريق اسكندريه الصحراوي

تاخد الطريق الي في النص زي ما انت الي هو امتداد الدائري

توصل بيه لطريق الواحات

تمشي شويه علي طريق الواحات هتلاقي مدينه الانتاج علي شمالك تاخد اليو تيرن وترجع تدخلها