الطريق من مدينة نصر الى طنطا

**mohamed** · 09-09-2012 12:45 PM

لو سمحتوا يا جماعة عاوز اعرف الطريق من مدينة نصر الى طنطا بالعربية ولو هبات ليلة وحيدة فى طنطا ابات فين يا ريت مكان يكون كويس ورخيص وسؤال اخير لو هسافر يوم الخميس الدنيا بتبقى زحمة ولا الطريق ايه نظامه؟؟

**mohammedabdallh** · 10-09-2012 04:03 PM

بص يا كبير انت انت هتاخد الدائرى
هتطلع من مدينه نصر كانك رايح على الزهراء وتاخد الدائرى الى رايح على السلام وتنك ماسكه لحد نزله طريق اسكندريه الزراعى هتنزلها وتنك ماسك الطريق لحد طنطا من اول الزهراء لحد نزله اسكندريه الزارعى حوالى نصف ساع
من اول نزله اسكندريه الزراعى لحد طنطا حوالى ساعه
يارب اكون افدتك
الزحمه كل يوم الطريق ده زحمه لحد 11 بليل يبدء يفك شويه يوم الجمعه بيقبى جميل اوى

**virus2007** · 11-09-2012 02:33 AM

1- لو انتا فى بداية مدينة نصر من عند العباسية ... اطلع كبرى اكتوبر وانزل نزلة الكورنيش وكمل على طول لحد المؤسسة وعلى طول على الطريق الزراعى ولا لمين ولا شمال لحد متوصل طنطا

الطريق من العباسية لحد طنطا بياخد ساعتين فى الطبيعى وتلت ساعات لو الطريق زحمة

2- لو انتا فى مدينة نصر فى اخرها يبقى زى ما محمد عبد الله قالك اطلع الدائرى وكمل فية لحد نزلة الزراعى وانزل وكمل على طول ولا لمين ولا شمال لحد متوصل طنطا والطريق بردوا حياخد من ساعتين لتلاتة

بالنسبة بقى لنقطة يوم الخميس

يا تسافر الصبح من الساعة 12 لحد 2 الوقت دا بيكون كويس يا اما تسافر بعد 11 بليل

لو محتاج اى استفسار اخر انا تحت امرك

تحياتى...