الموضوع: خلى بالك انتا بتسرق وانتا بتمون البنزين عينى عينك حاجةتغيظ وتخنق ارحمنا يارب من الطمع

متقلقش ياباشا الطريقة الوحيدة للسرقة في حالة العدادات ده ان يبقي في bypass او مسار راجع تاني بس ميعديش عالعداد يعني العداد يعد اللي خارج وبعدين يبقي في وصلة تاخد من الخرطوم قبل مايوصل للمسدس لتانك العربية ويرجعه للتانك بتاع البنزينة تاني. فيكون العداد قرا لتر مثلا بس الفعلي اقل من لتر والباقي رجعو لتانك البنزينة عن طريق الbypass

فكدة كدة يكارك ميكاركش. العداد مش بيعد ( لو ديجيتال ) او يلف ( لو بكرة ) غير لو فعلا بنزين عدي منه.

- السرقة الفعلية بقي اللي بتحصل انه بيكون بيمون عربية ويمون عربيتك قبل مايصفر العداد فيحطلط كمية بنزين اقل من اللي ظاهرة عالعداد. والسبب ان الناس بتفتح التانك من جوا وتكسل تنزل من العربية.

انا علي طول بانزل من العربية بامون لنفسي وبكارك وباوقع بنزبن علي بنطلوني وباعمل كل اللي نفسي فية

المشاركة الأصلية كتبت بواسطة engahmedsayed

بسم الله الرحمن الرحيم
عاوز كل واحد يدعى لربنا ان يرحمنا من طمع الناس والجشع حاجة فظيعة
انا الموضوع ده اعرفه من قبل الثورة من ناس اثق فيها
انى انتا ممكن تتسرق فى كمية البنزين قلى انتا بتحطها وتحاسب على الكمية قلى على العداد و اية و تدفع تيبس كمان

والموضوع ده فى اغلبية البنزينات مش كلهم علشان ما نظلمش حد
هشرحلك الموضوع وانتا تاخد بالك
اولا بتدخل على طلمبة البنزين
ثانيا بتنزل تفتح تانك البنزين بتاعك
ثالثا الراجل بيجيب المسدس بتاع البنزبن ويحطو فى فتحة التانك

انتا عينك بقى فين اكيد وبدون نقاش على عداد الطلمبة قلى هو بتاع اللترات و بتاع حساب الفلوس
تمام الباشا قلى بيمون قلى ربنا ياخده بيقعد يكارك على المسدس ناس هتقولى يعنى اية بيكارك
ركز معايا اوى فى الموضوع ده هو بيمسك المسدس بايدة المفروض بيدوس على طول مبيسيبش قلى لما بيحط الكمية قلى انتا طالبة اوالتفويلة بيجى قبل الكمية قلى انتا عاوزها بيقعد يدوس و بيسيب بيدوس وبيسيب دى كدةاسمها تكاريك

هنا بقى بيجى بيحط البنزين اول ما بيحط تالقيةبقى عمال يكارك وبيخلى العداد بيعد على الفاضى ويحسب كمية البنزبن والفلوس على الفاضى يعنى او انتا بتحط 20 لتر بياكل فيهم بتاع 2 للتر و كل ماالكمية بتزيد
نصيبهمن السرقة بيزيد انا بنزل من العربية و ببص على ايدة بلقية يعمل كدة بقولة بعصبية ثبت ايدك على المسدس و بلاش علشان انتو بنزينة محترمة بعصبية القية يثبت ايدة على المسدس

امبارح كنت بحط بنزين فى محطة مصر قلى عند مستشفى المنيرة فى السيدة زينب كنت بحط 20 لتر90 لانى انا مش من محبين تفويل التانك كله قلى فى حالة السفر فقط
عاوز قد اية قولتالو 20 لتر 90 قلى ماشى لقيتو بيحط المسدس وبدء يكارك على المسدس فابقوله ثبت ايدك على المسدس قلى انتا ليك قرية عداد و ملكش فى قلى انا بعملة قولتالو على اساس قلى انتا بتحطه ده مياة و انا هدفعلك ورق جرايد بقولك اية اسمع الكلام قلى انا بقولهولك هو انتا عاوز تسرقنى و عاوزنى اتفرج عليك ومتكلمش ارحمونا بقى بقى من السرقة انا عاوزالغفير هنا قلى انتو بتسميه المدير انا زهقت هو انا كل ما ادخل محطة قلقيه بيسرقو عينى عينك دى حاجة زفت قلى خير يا بية فى اية قولتالو على الحصل ووقفت التموين البنزبن قال اية هو ميعرفش ناس هبلة متعرفش عبيطة متعرفش
قلى مش هيفرق ما هو كدة العداد بيعد الكمية قلى خرجة من الطلمبة يعنى هى مش فرقة صح طيب ما يثبت ايدة قلى عاوزة قاطعة دى قلى خلاص مش هتفرق و انا همولك بنفسى طبعا وريا بتاع 5 عربيات منتظرين و سماعين الحوار بتاعى و محدش اعترض على طول انتظارى فى البنزينة لانى هما عارفين هيتسرقو هما كمان
الرجاء التحذير
و التنبية و ربنا يستر

الغريبة يعنى الواحد بياخد حقة تالت و متلت و بيبقى مش عاجبة
امتى بقى البلد دى تنظف من الاشكال دى امتى انا حاسس انى هو حلم و مش هيتحقق
لازم كل واحد يبداء بنفسة يا جماعة انا بداءة بنفسى طب غيرى طيب قلى مليهم الطمع و الجشع
مش عارف اقول اية

متاسف جدا لطول موضوعى بس حبيت اشرح الموضوع كامل و مفسر
وربنا يستر


و ربك المستعان
م / احمد سيد

لو سمحت اسمح لى اقولك ان كل الكلام ده غلط و انك حتى لم تفكر تقراء و لو حتى على الانترنت كيف يعمل مسدس البنزين - او حتى كيف يتم تموين السياره
بموضوعك ده يا سيدى انت اديت معلومات مغلوطه لكل من قراء هذا الموضوع
و من حق اى صاحب بنزينه انه يرفع عليك قضيه تشهير لان ما تقوله ليس صحيح نهائيا
اللى عايز افهمه لسعادتك انك تكون مركب موتور مياه معنى كده ان المياه موجوده فى المواسير و هى دى وظيفه عمل الطلمبه اما المسدس بقى فده وظيفته زى حنفيه المياه بالضبط يعنى دوست على المسدس نزلت بنزين شيلت ايدك من على المسدس قفلت حنفيه البنزين

المشاركة الأصلية كتبت بواسطة mr_vampire

متقلقش ياباشا الطريقة الوحيدة للسرقة في حالة العدادات ده ان يبقي في bypass او مسار راجع تاني بس ميعديش عالعداد يعني العداد يعد اللي خارج وبعدين يبقي في وصلة تاخد من الخرطوم قبل مايوصل للمسدس لتانك العربية ويرجعه للتانك بتاع البنزينة تاني. فيكون العداد قرا لتر مثلا بس الفعلي اقل من لتر والباقي رجعو لتانك البنزينة عن طريق الbypass

فكدة كدة يكارك ميكاركش. العداد مش بيعد ( لو ديجيتال ) او يلف ( لو بكرة ) غير لو فعلا بنزين عدي منه.

- السرقة الفعلية بقي اللي بتحصل انه بيكون بيمون عربية ويمون عربيتك قبل مايصفر العداد فيحطلط كمية بنزين اقل من اللي ظاهرة عالعداد. والسبب ان الناس بتفتح التانك من جوا وتكسل تنزل من العربية.

تمام يا باشا كلامك صح الصح
و علشان كده لازم كل واحد ينزل من عربيته و يخلى عامل البنزينه ياخد باله انه باصص على العداد علشان ساعتها يلتزم و ميفكرش يعمل الحركه دى

مش مقتنع بصراحة بالكلام ده ....
العامل مش بيضغط ع المسدس تاني إلا لو فصل ....
وعربيات كتير المسدس بيفصل فيها قبل ماالتنك يكون أتملي ...
عشان كده بيضغط عشان يكمل ....
ولو في فرق ف دقة قياس الكمية اللي بتطلع مع العداد مش هتكمل 20 ملليلتر ف التفويلة كلها ...ودي غير مقصودة يبقي مانقدرش نظلم الناس ....
العامل ماتفرقش معاه كمية البنزين ...هو يفرق معاه التيبس بس ...